اللي نومه ثقيل ويبي يخففه .. الحل بالداخل - -:: منتديات المهجولون العرب ::-

صديق القمر · 10-25-2007, 06:37 PM

السلام عليكم

للناس اللي يعانون من ثقل النوم

جبت لهم مجموعة ساعات منبه..

كل واحد يختار المنبّه اللي يناسبه حسب ثقل طينته ونومته

الساعه المتسلّقه

هذي ساعه معلقه بخيط اذا رنّت يبي لك تطفيها بسرعه

والا بتبدا ترتفع لين توصل السقف.. همّن حلها ورح دور لك سلّم

وان كنت نتفه ياانك بتبحل بعمرك صدز

وعلى كذا بيكون النوم حارب جفنك الناعس

الساعه اللعبه

وهذي يبي لك علشان تطaفيها تركب اللعبه صح..وان كانك مافيك حلم مثل محاتسيكم

يا بتكسرها والا بتروح تداوم

الساعه قليلة الحيا

وهذي ما ترن مثل غيرها..لا .. هذي تقعد تسبك وتلعن ابو الطيب المتنبي في اصلك

لين تقوم تزنطها ..وعندها تكون صحصحت وقمت ورحت لدوامك

الساعه اللغز

هذي لين دقت يبي لك تدور الزر الصحيح علشان تطفيها

وان كانك تلبس نظارات يبي لك تدور نظارتك همن تدور الزر

ويمكن ينتهي وقت الدوام ما لقيته فاحسن لك صك بها جدار وقم داوم

ساعة الدوريات

وهذي فيها هزّاز ومنبه قوي وكشافات شرطه..

يعني ازعاج بجميع انواعه..

اظنها سهله تسكتها بضغطة زر

الساعه الدجاجه الصقعا

هذي ساعه تقعد تكاكي وتزعجك.وتبيض فوق راسك..

وما يوقف المنبه لين ترجّع البيض كله لمكانه..

وقسم انك بارد وثقيل طينه لو ترجع ترقد مره ثانيه

ساعة العسكريه

المنبه عباره عن صوت ضابط تحقيق..يقعد يلعن جدفك ..

وعندها منتب قايم وبس الا بتقوم وتعترف وش انت مسوي قبل النوم هههههههههههه

الساعه الطائره

هذي يدق المنبه وشوي وتطير..

وعلشان تقفل المنبه يبي لك تلاحقها لين تصيدها

يعني يا تقوم يا تحط تحت مخدتك ساكتون

الساعه القنبله

هذي يدق المنبه حقها وان ما سكرتّه بسرعه بيطلع صوت انفجار..يهز الحاره كلها

يعني يبي لك تحط منبه ثاني ينبهك علشان تتنبّه و تسكرها..يقطع ام المشوار

والا ترا بنشوفك مميل عقالك في جريدة الرياض ضمن المطلوبيين امنيا

الساعه البثره

يقولون انها الرقم واحد في الساعات

هذي اذا دق المنبه تطيح من الطاوله وتمشي وتتخبى في مكان ما يخطر لك في بال

وعلى ما تلقاها يكون النوم طار..

ومثل ما قال ابو نوره:

ياالغضي كيف اشوف الحلم والنوم طار

يالله يا شطّار كل واحد ياخذ ساعته ويروح على غرفته

سلام

ميمو القمـر · 10-25-2007, 09:53 PM

ههههههههههههه

روووعـــه وربي بس انا مااحتااج لوحده نوومي خفيف اول مايبدى المنبه في الجوال

اطيييييييييير اسكره وطبعا اقووم هع

لاني مااحب شي يرن ويدق فووق راسي اقوم احسن لي هع هع

بس عجبتني اكثر شي هذي اللي تطير روووعه وربي هع هع

يسلمووو هالديااات خيوو صديق القمر

ولاعدمنا مواضيعك المميزة