افتــح قلبــك ؟؟!!! - -:: منتديات المهجولون العرب ::-

سمسووم · 10-23-2007, 07:22 AM

.:.السلام عليكم ورحمة الله وبركاته .:.

شخباركم ان شاء الله طيبين بشروني عنكم ؟؟ حبيت اقولكم انا تراني رجــعت لكـم ومشتاق لكم حيل
قد ما تتصورون ويمكــن دخــولي للنت بيكــون قليل مــرة بس اهم شي اتواجد بشكـل يوميا وبوقت قصــير .. واتمنى من اللي كان زعلان مني بشي أو شي يفتــح قلبه هنا واي شي انا راح اتقبلها بكــل رحابة صدر واعتبرهـ شي مهمـ في اني ماراح اغلطـ علي اي شخـص

المهم الحــين زبدهـ الموضوع اي عضـو اي مشــرف عنــدهـ سلبيات عني يتفضل يطرحها هنا وانا ان شاء الله راح اكــون اعتذر له لاني يمكــن اترك النت بشكـل مفاجئ وما ابي اطـلع وانا ادري ان في ناس زعلانين مني وانا ما قدمت يد التسامح ومن هنا ياليت والله اشوف سلبيااتي وحكم الاعضاء عــلي

.:. موفقين جميعا يا مهجــولون العــرب قضيت معكــم أجمــل اللحظـآت .:.

روح الـ ع ـين · 10-23-2007, 07:36 AM

:cry2[1]::cry2[1]::cry2[1]:

اخوي تكفى لا تترك ولا تخلينا
يعلني فدا لذا الخشم انا
لا تحط هالشي بمخيخك
ان شالله ظروف وبتعدي وبترد شرات قبل
بس لا تحط بمخيخي انك تخلي المنتدى
وربي مايهون علينا عضو شراتك يتركنا
ومااظن احد حاط بخاطره عليك
لانك ماغلطت ع احد
انا صج يديده بس وربي ماشفت منك الا
كل خير
المهم لا تخلنا تكفى

سمسووم · 10-23-2007, 07:41 AM

.:. روح العــين .:.

.:. تسلمين والله يالغاليه .. بس انا حاليا ما قلت اني راح اترك المنتدى .. يعني اكـون مشغول ولا اظن اني بكــون فاضي للشبكه العنكبوتيه وتواجدي بين اخواني واخواتي المهجولين .. بس انا متأكد ان بيجي يوم .. وبترك النت بكبــرهـ

.. عموما ..

أخــتــي ان شاء الله ما تكونين زعلانه من كلامي لان هــذا الي راح يصير وانا ما اقدر اعيش بغير الواقع .. يعني اوعدكم بشي ولا انفـذهـ .. والحمــد لله عــلى كــل حال .. ويعطيكي الف عافيه يالغاليه .:.

.:. مــوفقه .:.

الصديقه المسالمه · 10-23-2007, 07:46 AM

الله يعطيك العافيه

ولا تنسى اخوانك واخواتك المهجولات
مع اني ما اعتقد انا حنا منزعل من اخ لنا في بيتنا الثاني
بارك الله فيك

ووفقك الرحمن

ميمو القمـر · 10-23-2007, 11:30 AM

صحيح مانقدر نستغني عن اخو مثلك لكن احنا مقدرين ظروفك

وان شاء الله مايكون بيننا زعل ولا شي

والحمد لله نيتي صافيه تجاهك وانت انسان محترم ماقد غلطت على احد بالعكس الكل يحبك ويحترمك

وانت تستاهل كل خير

بس حاول تطمنا عنك من فترة لفترة واحنا ان شاء الله مابنقصر عندنا زلزال ومناحي نسالهم عنك ونطمن عليك

الله يوفقك اخوي وين ماتروح و وين ماتكوون

وربي يحفظك .. ويسعدك دنيا واخــره ..

وتذكــر مآفي بين الاخوان شي الا الذكرى الطيبه والحب والاحترام ... واحنا هنا اكثر من اخوان ..

الكابتن مناحي · 10-23-2007, 05:59 PM

لبى قلبك يالدب

مطططططططاح بخشمك

لا والله رايتك بيضا يالغالي

وماظنتي ان به حد زعنان ولا ماخذ بخاطره منك يالغالي

لأنك بالفعل انسان محترم وتعاملك كان جميل وروعه مع الكل والله

وكسبتك انا بالنسبه لي كأخ واكثر من اخ .. يعني عادك انا اخوي الي ماجابته امي والله

وماجامل

وفديتك

مطططاح بخشمك واحنا معاك على طول

سمسووم · 10-23-2007, 06:16 PM

.:. يعطيكم الف عافيه يا مهجولين والله انتم ما تدرون شلون اغليكم كلكم واحد ورا الثااني .. بس الحمــد لله انكم عارفين ظرووفي .. وان شاء الله احاول اني ما راح انقطع وياكم .. وجزاكم الله الف خير يا حلوين وفديتكم وربي .. يعطيكم الف عافيه .:.

.:. موفقين وقضيت معكم أجمــل اللحظـآت .:.

بسمه · 10-23-2007, 06:22 PM