ليش ما عندنا سينما ؟؟ - -:: منتديات المهجولون العرب ::-

محماس · 10-13-2007, 11:17 PM

السلام عليكم

السؤال هذا يمكن يكون غريب للبعض بس برأيي لابد اننا نناقشه

اغلب دول العالم عندها دور سينما الا حنا ما عندنا ليش ؟؟

السؤال الاساسي لهالموضوع هو

هل توافق على انشاء دور سينما عندنا ؟؟

فله · 10-14-2007, 12:31 PM

اكيد موافقه بس بضوابط

يعني ما يصحش انه يكون عندنا سينما وتعرض فيها افلام خليعه وفيها اشياء مش حلوه

ولا السينما عند كل دول الخليج الامارات والبحرين وقطرر والكويت

يسلمو خيو محماس

الكابتن مناحي · 10-14-2007, 02:11 PM

انا اقولك

اول شي انا ضد انه يصير عندنا سينما هنا

بتقول ليه وماعرف شنو وقرقرر

انا واحد اعشق الافلام الاجنبيه

وكل الي ينزل بسينما اتابعه على طول

بس عندك هنا ناس مدري شتبي

اول شي لو حطينا سينما بالله عليك وش هالافلام الي بيعرضونها

ثلاث ارباع الفلم مقطع

والله هنا في بنت لبسها مش ولا بد

والله هنا الرجال كان منزل قميصه والله هنا الرجال يضم الحرمه ذيك

والله هنا قال كلام وصخ ومايصحش تسمعه

يابن الحلال كل كلامهم قذر بقذر

وحركتاتهم كذا

نبي نتابع الفلم مثل الاوادم يعني الفلم بدال ماتاخذه على ساعتين متواصله

وربي بتاخذه على ربع ساعه وان طول على نص ساعه وانتهى

مابيصلح لنا ابد

برضه بيجي يقولك والله اليوم ذا للعوائل فقط ههههههههههههههههههه

ولا للحريم بس ولا للشباب بس وماعرف شنو

وخلاعه وقلة حيا بتصير ووو

وان صكينا الانوار بعض الشاب بيتحرش بالبنات والخ الخ الخ الخ

وهذا ممكن انه يصير اذا فيه ناس عقولهم تحت وانت عارف وين اقصد

ف بيصير شوي مسخره وعدم احترام

وهم بعد بالنسبه لي انا ماشوف انه يحتاج

لأن كل الافلام توصلك لعندك وبراحه

وذا بخاطرك بسيمنا

الله مير يسلم البحرين

كلها حذفة عصا

وشف لك اي فلم انت تبغاه

والكويت قريبه بعد

يعني كلو كلو

واذا ماهنا ديرة قريبه منك

الله مير يسلم هالسيديات المهربه

تجيك كامله ومكمله هع هع هع

ششف الفلم على اصوووله ياشيخ كنك بسينما

ومابه من التقطيع شي ولا قلق ولا ازعاج ولا حاجه

صك الليتات وشغله وعل عالصوت وضبط لك كم كاسه تروقك وخلصنا

وذي وجهة نظري

وباقي امور ماقلتها بس مايحتاج اتطرق لها دلوقيت

خل احد بس يفتح هالمجال ويكون مؤيد له عشان هع اكسر راسه بالحكي هع هع

وطانكيووو لك يالغالي

رجه بس رزه · 10-14-2007, 07:18 PM

والله انا اكيد ودي يحطون هنا سينما بدال روحه البحرين و القلق

بس على قول منوح يا يعرضون كل الفلم او لا

يعني ودي يصير سينما و ينعرض كل الفلم
وودي تصير التذكرة ب 80 ريااااااااااال عشان ما يكون فيه الا ناس اخلاق يعني الحثاله ما فيه

وودي يصير بكل بوابه للسينما عبدين افريفيين اي واحد يزعج كفين و شوته برى السينما
خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخ

و طانكيووووووووووووووووووووووووووو خيو تقبل ردي المتواضع لمو

واذا تذكرت شي ابحطه خخخخخخخخخخخخخخخخخخخخخخخخخخخخخخخخخخ

متقروش · 10-15-2007, 07:19 PM

أنـا أعارض وجـود السينمـا

لأن السينمـا وإن وجـدت أكيـد راح تعرض الأفلام كاملة بما تحتوي على لقطات خليعـه

حتى وإن لم يتم عرض لقطات خليعة في بداية إفتتاح السينما إلا إنه سيتم هذا لاحقاً وأنا متأكد من هالشيء

وأقول نقتصر على تحميل الأفلام من التورنت ، والله يخلي شارع الأفلام بالشميسي

الـDvD لأي فيلم وإنتاج أي سنة تحصله بـ 10 ريـال .. وممـكن لو تنشب له يعطيكـ بـ7 ريـال :)

هذا رأيي بإختصار شديد

يعطيك العافية أخوي محمـاس

ريمـــا · 10-17-2007, 03:57 PM

محماس

لو سألنا وش الفايدة من وجود دور للسينما ..؟

°• زعيمـ الحـارهـ •° · 10-18-2007, 09:07 AM

هل توافق على انشاء دور سينما عندنا ؟؟

لا لان الافلام فيه الحريم اللي هه وهه

ولو قلنا افلام عربيه العرب صارو يقلدون الغرب بكل صغيره وكبيره

غشان كذا احسن شئ كل واحد يتابع ببيته وياخذ راحته

اقتباس:

الـDvD لأي فيلم وإنتاج أي سنة تحصله بـ 10 ريـال .. وممـكن لو تنشب له يعطيكـ بـ7 ريـال :)

ابشرك فيه عرض 2 بخمسطعش ريال

][ خــ,ــجــ,ــل ][ · 10-30-2007, 10:13 PM

هل توافق على انشاء دور سينما عندنا ؟؟

أكيد أعارض وبشدهـ ..
صراحة ما احس أن السينما شي ضروري عشان نهتم منها كل الاهتمام هذا
شوف اخوي محماس :
الإنسان لوفكر بعقله وأحكم تفكيره راح يطلع بنتيجه :
أولا لأن ما فيه أي فائده تعود بها على نفسك بالعكس راح تستاثم بعمرك لا ويمكن تتضاعف الذنوب اذا كنت عازم احد معك على حسابك " الدال على الخير كفاعله " والعكس كذلك ,,
ثانيا .. راح تضيع وقتك على شي تافه ما يسوى وانت محاسب على هالساعتين اللي جلست تتابع فيها الفلم ..
يعني بدل ما تتابع الفلم افتح القرآن واقرا لك صفحتين وكل حرف بحسنه والحسنه بعشر أمثالها ..
وهذي تقريبا أهم الاسباب اللي تخلينا ما نفكر بهالتوافه ..

ما أقول إلا الله يرحمنا برحمته ..
اللهم لا تجعل الدنيا أكبر همنا ولا مبلغ علمنا ولا إلى النار مصيرنا ..