|
|
|
 |
 |
 |
 |
 |
|
 |
|||||||||
 |
 |
 |
 |
 |
 |
|
|
LinkBack | أدوات الموضوع | إبحث في الموضوع | انواع عرض الموضوع |
09-24-2007, 03:41 AM
|
رقم المشاركة : 1 (permalink) | ||||||||||||
|
ديوان الشاعر عبدالرحمن الرشود<<< الــخــرج
السلام عليكم كيفكم شباب هذا ديوان للشاعر "عبدالرحمن الرشود"<<< ابن خالتي "الوهم" ياللي تحسب القمر واقف على بابـك قم جرّب اسحب بساط النور من تحته وإن غرق الليل بدموعه من عتابـك كنه يقول الليالـي السـود جارحتـه ولا تطيب الجروح اللى من اسبابـك الا اذا رق لـه قلبـك وسامحـتـه لا يدري الليل لا لا تدري أصحابـك إنك تواضعـت لامثالـه وصافحتـه وإنه تطاول يحسب انه من أحبابـك وإنك تنازلت عن غيـك ومازحتـه وإنه اسير الوله والشـوق وأهدابـك وأنه تناسى جروحه يـوم صارحتـه حاول تميز وتعرف( سر ) ماصابك أنزع وشاح ( الغرور)اللي توشحتـه ياللي تحسب القمـر يشفـق لعنابـك تـراك والله لا جيتـه ولا رحـتـه وتراه والله تناسـى هاجـسٍ جابـك والوضع كله ظروف البعد شارحتـه قم شرع الباب وش تلقى على بابك؟ تلقى الوهم؟لا بتلقى الريح ماسحتـه |
||||||||||||
    
|
|
09-24-2007, 03:42 AM
|
رقم المشاركة : 2 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"الغلا الاغرب" خلـي السوالـف كـذا يـا فاتـنـه اذرب بعـض المعانـي مفسـرهـا يعسـرهـا دام الامانـي ثـوانـي مالـهـا عـقـرب تبـقـى الاغـانـي تكـدرنـا نكـررهـا يا الحلم الاجمل يا الاصعب يا الغلا الاغرب يا الصفحـه اللـي صفـاة المـا تكدرهـا غنيت بك تيه صرتـي للحسـن مضـرب شحيت بـك غيـرة مـا اقـدر اصورهـا و لقيت في اسمى الهموم الخامـده مهـرب من سيرتك و اصعـب الغايـات ابررهـا و اطلقت سرب الحمام لصاحـب عـذرب و الحاجـه اللـي يـوردهـا يصـدرهـا اسرف بي الوقـت يبعدنـي اليـن اقـرب احترت انـا كيـف ذا الحالـه بفسرهـا ؟ استصـرخ الهـم الاول يلعـب و اطـرب اهيـم تسجـنـي اللحـظـه و احـررهـا اطرب ولا اعذب من الهاجس الين اضرب و ان ردنـي الهـم لأغلالـك مقـدرهـا يـا فاتنـه تمتمـات الحلـم لـو تعـرب او ليتـهـا الآهتفـهـم لـيـه احسـرهـا او ليته الدرب صـد خطـاي و استغـرب او ليتـك الـدرب و الخطـوة ميسـرهـا ما كان في العمـر يـوم كـن مالـه رب و لا اشقتني الضحكة اللـي دوم ازورهـا يـا الله بلاهـا امانـي و السكـوت اذرب للكلـمـة الـلـي تكـدرنـا نـكـررهـا |
||||||||||||
|
|
|
09-24-2007, 03:45 AM
|
رقم المشاركة : 3 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"إعتذار مؤبد" الشـاعـر إن حـده شــعـور الـنـقـص للوهم افتراهـ و الـشـــعـر له مـا للـمـرايا و الـقـصـايـد تـعــريـه و انا الـغـمـوض إسـتانسه نزفي لبوحي و امتراهـ بـعـض الـحـقـايـق لـيـن جـت للـجـد و الله مـزريـه بــ الـتـوريه ياما عـلى ما ضـامـني كـم صـحـت آهـ و ياما قـبل تـفـضـحني الــ آآآآه سـترتـني الـتوريه لا السـتر يجـدي فـــ اجمل همومي ولا قلبي طواهـ الـدمع قـاصي و يـا رداة الحـظ و ان صار امنيه و احـتـرت بـيـن اثـنيـن الاول لو جـزع كـلن قراهـ و الـمـقـفـيـه في خـاطـر الـثـاني مـجـرد مـقـفـيـه يا مـقـبـله لبا الـمشـاعر و الـقـصـيـد وما احتواهـ بـس اعـذريني لـو تـغـنـيـت بـجـروحي الـمـبـطـيه لي قـلـبـن اعـمـاه الوفى للمسـتـحـيـل اللي جـفاهـ اسـمى المبادي في مفاهـيمه جنون الـتـضـحـيـه يموت ؟ عادي . لي غدى الجاني هواه اللي خذاهـ الـحـق تــــافـه و الـمسـافـه لا قـصـاص ولا ديـه وإنتي وانا و (الفاتنه) و الـطيش و الحلم و بهاهـ لو نـمـتـزج يـرسـم بنا ((عثمان)) قـصـه مـبـكيه شــفـتي متاهـات الغلا ؟ ما للخـفـوق إللا هـواهـ ما كـل خـطـوهـ لو تـوشـحتي الـجـراءة مـجـديـه خلي الطريق لـوحـشـته يشقي ظلامه من سراهـ وخـلي هـيـام الاوديــــــهـ يا مـقــبــلـه للاوديـــه إيه إعـذريـني نـزفي لهمي و للـصـمت الشـفـاهـ استودعيني هاجسي و جروحي المسـتـعـصـيـه او اتركيني و اتركي هــ الكون ارضه مع سماهـ الوضع مزري و المدى ما فيه لحظه مغريه ملاحظة : عثمان اللي في النص ولد ابن خالتي يعني (ابنه)!! |
||||||||||||
|
|
|
09-24-2007, 03:46 AM
|
رقم المشاركة : 4 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"اعذب الكذب" الرجاوي كذبـة صدقتهـا واحتـرت فيهـا..والهقاوي هفوة مـا تنضـح إلا بـا لمنايـا والحقايق تحتضر و القلب جرحه يحتويهـا..والعوايـق تنتصـر للهم يابيـض النـوايـا والعيون اللي تسافر في خيالـي وش عليهـا..تاخذ طعوني زهاب وشرهة أيامـي مطايـا تترك أحلام العطش لأعذب غدير يرتويهـا..وتروي دروب من الغربه لغربتهـا ظمايـا تحرق قلوب من اللهفـه تـوارت تحتريهـا..وتنهب أرواح بلواحظهـا وتحسبهـا هدايـا تختصر حلـم المسافـه تبتديهـا / تنتهيهـا..تعتبر نزف المشاعر في الورق أبلغ مرايـا تحتفي بأعذب قصيد فاح عطـره يبتديهـا..وتفتخر يوم استهليـت وتجاهلـت الخطايـا أرسم البسمه على شفاه الطروق اللي تبيهـا..وأنثر هموم القوافي وأجمع شتـات الزوايـا ليتها ما وقضـت شعـر تعـزوى يفتديهـا..وليتها ما حدت الشاعـر يترجمهـا مزايـا كان ما جيت أنتقد كل الرجاوي وأزدريهـا..ولا تهقويت وغدت بالقلب من عرض السبايا |
||||||||||||
|
|
|
09-24-2007, 03:47 AM
|
رقم المشاركة : 5 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"يا..شيمة" شـــــيـمـه بين يديكم . لا تـســـتــفـزيـن قــافي و إن هــمـا قــافي .................... لا تـبـرحـيـن الـشــعـر يـا اعـذب تـرانـيـمـه ولا تـنـبـشــيـن بـشــقـاوة نـجـلـك الـخـافي .................... لـمـي فـضـولـك حـلاة الــشــــعــر تـعـويـمـه مـا اغـتـبـت حـســنك لمرقابي و مشرافي .................... ولا ســـــــيـل الـدمـع وادي ودي اهـــيــمــه خــلـي طـلاســـم طـعونك وقـضي الغـافي .................... او ذكـــريــه بـرحـيــلـك و انــتـي مـقــيـمــه في قلبي اللي غدى في وصــلك ســنـافي .................... وافـي اذا بــاقي لـراااااعي الوفى قــيــمــه و ان شـــح رديـت كـل اللــوم لإســرافي .................... بـعـض الـثـرى يـخـلـف الـوســـم ومفاهيمه يا شــيـمه ان عزت الشــيمه على وافي .................... مـاعــاااااد به خـيـر في وافي و لا شــيـمـه ذا واقـع مـر دوونـه حـارت اوصــــــافي .................... نـاس لـك الله تـشـــوف الـواعي بــهــيـمــه ازمــة وعي جــردت بــــاكــر من الرافي .................... و إن حـــل بـاكـر تــســــابـقـنـا لـــتـحريـمــه يـا شـــيمه ان غـبـت هـزي قـلبك الجافي ....................و إن هـزت شـــعـري تحاشي سـينه و جـيمه او مـثـل مـا هـــمـت وادي نـجـلك الـنـافي .................... هـيـمي غـمـوضي حـلاة الـشــعـر تـعـويـمـه |
||||||||||||
|
|
|
09-24-2007, 03:48 AM
|
رقم المشاركة : 6 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"مسرح الغربة" على آخر شـتـات الـمركب الـموعود بالغربه ...................... ابـبـحر عكس هالتيار و اطوي صفحة الماضي تعبت استعذب املاح البحر و استصلح التربه ..................... تعبت استجدي المحراث و الساقي على الفاضي تعبت انصب خيامي للربـيـع اللي على قـربه ...................... تجاهـل كـل شـرهـات الثرى و البرق ما نـاضي تجرعت الشقى في ما مضى كربه ورى كربه ...................... جـنـون الشـوق مودعـني عن الزلات متـغاضي شربت المر ليت المسأله وقـفـت على شربه ......................اثاري المهزله طـالت شـموخ العـدل و الـقـاضي توااالت هالطعون لخافقي بالسيف و الحربه ...................... و تماااادت هـالجروح بـداخـلي ونا بـعـد راضي و توارت كل رايات الوفى اللي كنت افاخر به ....................... سـخافات الـزمن رزت بـيـارقها على انقاضي و لقـيـت الـنفس تـدفعني اودع مسـرح الغربه ................ و افـتـش في هـمـوم اليوم و اطوي صفحة الماضي |
||||||||||||
|
|
|
09-24-2007, 03:50 AM
|
رقم المشاركة : 7 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"زبانية النشر" الـســاااااااحـه كما وجـدتـهـا وان شـابـهـا بـعـض الـنـقـاء فـلـكـل قـاعدة شـواذ توو الزمن يكشـف ستـار الزيـف ويعـرري الغـدر..ويمحـى عـلامـات التعـجـب يـالـدروب الموحـشـه عيبـي سريتـك والوفـى عــذري ولا غـيـره عــذر..دام الـوفـى عــذروب مــن حــق المنـافـق ينـهـشـه مانيب الـووي القـاف بطروقـي ولا أعسـره عسـر..ينـسـاق لأقـلامـي ويـتـهـادى قـبــل مـــا أتـنـاوشـه ولا رحـت اهيـن النفـس و اتشفـق زبانـيـة النـشـر..عذبـي روى بـه مـن روى يـوم السنـافـي طـرّشـه الشعـر هاليومـيـن لــو نحصـيـه مــا نلـقـى شـطـر..يــروي ضـمـا نــاسٍ تمـثـل بــه ونـــاسٍ تعـطـشـه الشعـر بأصنـاف الفواكـه نافـس اغـصـان الشـعـر..بـعـد الـكـرز و الـخـوخ والـرمـان بـاقـي مشمـشـه قصايـدٍ صـارت علـى مــا قــال للـصـوره جـسـر..اممـا القصيـده كـل ابـوهـا خربـشـه فــي خربـشـه بالأمـس ديــوان الـعـرب تـاقـف لــه الـسـاده قــدر..وفي هالزمن صار الشعـر لهـل المصالـح ملطشـه ناسن تنادي كـم نقـول ؟ السـوم صافـي او كـدر.. ؟شعـارهـم كـانـك صمـلـت الــدرب لجـلـك نفـرشـه دامـك مـن اللـي عـنـده الشـهـره لـهـا عـلـم وخـبـر..يرخص لها الغالي وهي من اهل الجيوب المقرشه نطـغـيـك بالتلـمـيـع ونسـمـيـك فـــارس هالـعـصـر..لا تـلـتـفــت لــلـــي قـوافـيـهــم مــجـــرد دنــدشـــه انـت الوحيـد اللـي بهالسـاحـه يـهـدر اسـمـك هــدر..غررد لحالـك وافتخـر واسمـك علـى التـاج انقشـه والمـتـرفـات الـغـيــد لأهـبـلـهـن مسـاحـتـنـا نــــذر..هـاتـي همـاجـك تـصـبـح الألـقــاب عذبه/مـدهـشـه ممـيـزه هالـشـاعـره تـامــر عـلــى الـسـاحـه امـــر..والـغـايــه تـعـطــر مسـامـعـنـا شــويـــة دردشـــــه وقـبـل اخـتـم ابيـاتـي ابستغـفـر و ابستـثـنـي بـشــر..الشاعـر اللـي لـى كسـد ســوق الطـواريـق انعـشـه والصفحـه اللـي لأعــذب القيـفـان نذخـرهـا ذخــر..والكاتـب اللـي ليـن طـروا الطيـب مـحـدن همـشـه هـــذاك بعـلـومـه تـغـنـى الـطـيـب مـــده والـجــزر..الشـاعـر الـلـي هــم يـسـري بـــه وجـــرحٍ ينـبـشـه هـذا و تـوك يالـغـدر مـاذقـت مــن جـمـري جـمـر..انـا ان توللجـتـك غــدى لــك فــي الليـالـي لولـشـه ياللـي تحسـب ان شمعتـك تغنيـك عـن ضـو البـدر..فتـتـش عـلـى نــورٍ يـزبّــن فـالــدروب المـوحـشـه |
||||||||||||
|
|
|
09-24-2007, 03:51 AM
|
رقم المشاركة : 8 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"الفاتنهـ" على الشاطي تباهي للحسن آيـه و اي آيـه خذت قلب البحر. حظ البحر. عادي يغازلها تلطف له. تمايل . ينجرف ويذووب والغايه تسابق يمها امواجه . من اولها ؟ من اولها ؟ من اول من يلم بسحرها ؟ كل هتـف نايـه هي الريح و تلاعبها ؟ هو الموج و يبللها ؟ هي القمرا على آخر هالشهر تروي لنا حكايه عن العتمه و نور الفاتنه لأربك منازلهـا ؟ هو التيه الشعر ويشددها هالشاعر التايـه ؟ عباراتـه و آهاتـه تفصلهـا / تزلزلـهـا على الشاطي تمشى كل خطوه تعني جنايـه ضحاياها قلوب من سوايهـا غـدت بلهـا وهي و العالم الله و ان ظلمها اللي فقد رايه بريه . مرره تلد بـليـاااان و مـرة تلهـا لها وجه طفوولي في مفاهيم الجمـال آيـه الين ابطت تباهى بالحسن . والله يحق الهـا |
||||||||||||
|
|
|
09-24-2007, 03:52 AM
|
رقم المشاركة : 9 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"حاذي القصيد" الاهـداء لأسـتـاذي الشاعـر الأديب / مـهـدي بن سـعـيـد والتـحـيـه لأخـوانـي هـنـا يا طروق الشعريا سر الغلا درب ومطايا ..... الـحـميه في مفاهيم القـصـــيد بلا هـويه دمي اللي يحترق منها على نار الزرايا ..... وقلبي اللي مشـتـقي فيها غرابـيـل واسـيه همي ابعد من هموم الوقت وابعاد المرايا ..... وعـذري ان الجاهلية في عماها جاهليه وش نعري والحقايق من تفاهتها عرايا .... ما تواري والهقاوي من جهام لسرمدية الغصون اذا تجنبها النهر تصبح ظما يا ..... والجروح الي على شط القهر دايم ندية والخطايا.. لو يلمعها الزمن تبقى خطايا ... والصراحة في زمان المهزلة اكبر خطية ولو يقدي التاية فصحراهـ فزعات العمايا ...كان يمكن نترك الشعر يتولى ها لقضية وانت يا حاذي القصيد انس الدعاوي والقضايا ...لا يلدك عن عبير الورد غير السامرية عطر الساحة بنفحاتك وعودك و السجايا .....خل عشاق القوافي تثملك عطر وهدية بسمك وبسم الغلا والشعر واسرار المنايا .....لا تيتمنا ترى بعض الغلا سر المنية منتب لحالك ترى الدنيا تضج بها لضحايا ..والحكيم الي يداري غير تة ويا الحمية |
||||||||||||
|
|
|
09-24-2007, 03:53 AM
|
رقم المشاركة : 10 (permalink) | ||||||||||||
|
رد: ديوان الشاعر عبدالرحمن الرشود<<< الــخــرج
"هنوف القصيد" اعذب الشعر طرق جرحته الطعون . . . . . و اصدق الحب شعر ما كتبته لأحد واطهر الشوق طفل حالف ما يخون . . . . . لو تخون السـحابه برقها و الرعـد و ابيض قلوب خلق الله جرحه يهون . . . . . لا يعـاتب ولا اعياهـ الوفا و الجلـد و اتعس الوقت غربه مقتفيها جنون . . . . . واصـعب الناس خل لأقـتربت ابتعد واقرب الناس لأخطا عذره انه يمون . . . . . والمصـيبه إذا اخطـا ثم قفى وصد ودي ادحر شياطيني وبعض الظنون . . . . . مـير ضـيم الليـالي ساقـني للنــكد للسهر للمواجع للصخب للسكون .. .. . للهجوس إللي اعيتني بصدق الوعد وانتخيت القوافي واستهلت مزون . . . . . وارتوى من قصيدي كل قاع جرد والقصيدة هنوف سحرها في العيون . . . . . واعذب الشعر سحر ما كتبته بعد |
||||||||||||
|
|
