مــــــعــ ..... (أو).....ضــــــد ..... - -:: منتديات المهجولون العرب ::-

&سـآحبه على آلدنيآ بجلنط& · 09-23-2007, 04:24 PM

السلام عليكم ..

اليوم وانا ادور في المنتديات لقيت موضوع لفت نظري صراحه وان شاء الله يعجبكم
وتتفاعلون معه ...

وفكرته يقوم كل عضو بطرح سوأل .. يكون السؤال هل انت مع أوضـــد كذا.....؟

ويقوم العضو اللي بعده بالإجابة أنا مع ...( أو ) ضد ... مع ذكر المبرر بإختصار شديد جداً

ثم يطرح سؤال آخر ..وهكذا ..
... يعني سوأل واحد واجابه واحده فقط .

الموضوع يحتاج إلى تفاعل من الجميع لأنه من خلال الأجابات سوف نتعرف أكثر على

أفكار وميول ومبررات كل عضو منا ... ونقترب أكثر من بعض .. ونستفيد ايضاً

عاااااااد شاركو لا تقاطعون .

أن شاء الله تعجبكم الفكرة .... وأنا سأبدأ بالسؤال الأول لأول عضو يرد .. ^_^

هل انت مع ام ضد الزواج المبكر ؟؟؟

فله · 09-23-2007, 10:59 PM

انا ضد الزواج المبكر

لان الزواج المبكر صار فاشل هالايام الشباب على البنات ماهم قد المسؤوليه وكل واحد تفكيره على قده اول في عصر اجدادنا كان ينفع بس الحين خلاص ماينفع بتاتا البته

انت مع او ضد لزوم زواج البنت من واحد من اقاربها ؟؟

مشكوره خيتوو ساحبه على الموضوع الخنفشاري فكرته رهيبه والله

روح الـ ع ـين · 09-24-2007, 10:07 AM

اكيد ضد

ياخي والله لاعت جبدونا من اول مانبطل عيونا هذي لولد عمها او ولد خالها

وكل ماقلنا شي قالوا محد بيستر عليج وبيحافظ عليج غير ولد عمج

ياماما مايمدينا نحك عيونا

المهم انا ضد والواحد يغير شوي

الوجيه نفس الوجيه ماتتغير

شوه رايك بالحب عن طريق الانتريت ؟؟؟

رجه بس رزه · 09-24-2007, 02:22 PM

انا ضد الحب عن طريق الانترنت وربي احس انه تخلف انك تحبين احد ما تعرفين عنه اي شي الا من خلال كتابته ( شات كتابي + منتدى + المسن) او صوته اذا كان شات صوتي

والحب عن طريق النت فاشل و وهمي من رأيي

طيب
هل انت مع او ضد سواقه المرأه للسيارة <<<<<<<<<<< اه بس

صديق القمر · 09-25-2007, 08:21 AM

ضد بيديني ورجولي وان طلعت لي رجول ويدين ثانيه فاعتبريها مشاركه في الاحتجاج

والله ثم والله ان ما ورا سياقة الحريم الا المشاكل والمصايب

الحين تقولون من فراغ نبي نسوق بس اذا سقتم وواجهتكم المشاكل ومعاكسات شباب ما يخاف ربه ولا يستحي على وجهه وعرفتوا المضايقات كيف تكون تبطلون سواقه وقتها

الله يصلحك بس يا رجه تبين تسوقين اطلعي مع اهلك البر وسوقي وطعسي وغرزي ويطلعون الموتر وارجعي بيتكم وارتاحي بس لفلفة شوارع ودجه ماهيب زينه ابد ابد

طيب انت مع ولا ضد

توزيع الحكومة فلوس الشعب على الدول المجاوره << مثل اخر مره 40 مليون دولار قيمه بناء مدينه سكنيه بالاردن

ياقهررررري بسس

][ خــ,ــجــ,ــل ][ · 09-25-2007, 08:33 AM

اقتباس:

هل انت مع او ضد سواقه المرأه للسيارة <<<<<<<<<<< اه بس

ههههههههههههههههههههههههه

والله حالتك صعبه
ودي أجاوب على السؤال بس أخاف تزعلين ..

بس بقول اللي بخاطري ..
بيني وبينك إحنا نبي وودنا اليوم قبل بكرهـ ,,
على الأقل نفتك من منة فلان وعلان ,, لا بغينا نروح لأي مكان تطلع روحنا قبل لا نروح ..
بس أنا عارفه وانتي عارفه إنه ماراح يحصل .. فالشكوى لله ونتحمل منتهم علينا ,,

وإذا جينا للكلام الجد ,,

أنا ضد هالفكرهـ .. لعدة أسباب أهمها :

قيادة المرأة للسيارهـ يعــرضها للمخـــآطــر مثلا تتعطل المكينه وانتي ماسكه درب ..
ولا يخلص البنزين عليك وانتي منتي يم اي محطه قريبه ..
أو يبنشر الكفر .. ولا ما تدرين الا وهي تدخن عليك وانتي ماتدرين وش سالفتها ومن هالامور اللي ماتحسبين حسابها , ثم محد يروح فيها الا انتي ..

والسبب الأقوى والأهم تحرش الشباب المراهقين اللي ما يعرفون الاحترام ..
وراح تتنكدين في مشواركـ أكثر من إنك راح تنبسطين ..

فأفضل إن المرأه تبعد عن شي اسمه قيادة سيارهـ عشان تسلم من اي مخاطر من اي نوع ..
إبعدي عن الشر يا رجه وغني له ..

الله يكفينا وياك الشر ..

سؤالي للي بعدي ..

هل انت مع اوضد الدراسه بشهر رمضان ,, ولماذا؟

صديق القمر · 09-25-2007, 08:41 AM

انا ضد هالفكره

الحين الكفار وهم الكفار

عندهم احترام وتقديس لاياهم الدينيه تحصلهم ماخذين اجازه

وحنا يالمسلمين اللي الله من علينا بهالشهر الفضيل كارفينا فيه دوام ؟؟ ورا طيب ما يعدلون الجدول ويصير قبل شعبان ورمضان وشوال اجازه وخلاص افضل شي كذا

وبعدين نمسك خط دوام

او الافضل يخلونه 4 شهور عطله وثلاث شهور دراسه ترم اول واسبوع اجازه وثلاثه شهور الا اسبوع دراسه ترم ثاني

صدقوني يا مهجولين لو ترشحوني لمنصب وزير التربيه والتعليم مالكم الا شي يسركم ههههههههههه

خجل الظاهر انك جايه متاخره وتحسبين باقي محد رد على الموضوع بس بارجع واحط سؤالي مرتن ثانيه وجاوبوا بصراحه حنا بمنتدى مهجولين محد له سيطره علينا هع

اقتباس:

طيب انت مع ولا ضد

توزيع الحكومة فلوس الشعب على الدول المجاوره << مثل اخر مره 40 مليون دولار قيمه بناء مدينه سكنيه بالاردن

ياقهررررري بسس

روح الـ ع ـين · 09-25-2007, 10:05 AM

وانا وياك اخوي صديق

حنا ماخلفناهم ونسينهم

وين رئاسهم عنهم

انا اشوف لازم يشوفون شعبهم بالاول وبعدين يتصدقون ع الباقي <<<<< لو بيدها ماعطتهم شي هع

انت مع تفتيش الاهل لتليفونك ؟؟؟

blackrose · 09-25-2007, 11:57 AM

لأ لازم يعطون ثقة لأبنائهم
مشكورة على الموضوع الروعة

هل انت مع المهجولين ولا معهم؟؟؟؟
دودو

الكابتن مناحي · 09-26-2007, 12:59 AM

وشو ؟

يااختي بالله وضحي سوعالج لأن مافهمت مع المهجولين ولا معهم ماهو كل الطرق تؤدي الى روما

ويس معاهم

طب

شرايك بمغازل الشباب للبنات بالمجمعات ؟!!