*لو كل قولً يمسك لسـان رجـال
..............................ماكـل مايطـري علينـا نقولـه
*ياضايعً بيـن المعانـي والاقـوال
..............................كنت أحسبنك تفهم اللـي تقولـه
*بالشعر تضرب بالردى زيف الأمثال
..............................وأنت الـذي مافيـك ذرة رجولـه
*بينك وبين الطيب أبـواب وأقفـال
..............................ولاكـل بـابٍ ينفتـح بالسهولـه
*يامدعي قولً كسـر قلـب رجـال
..............................نجم الثريـا .. ياثـرى ماتطولـه
*يوم أنت ماتملك من الطيب مثقـال
..............................هذاك لجل الطيـب يامـا عنولـه
*الشاعر اللي ينشد الحـال بالحـال
..............................مايجرحك بالأسئله مـن فضولـه
*لولا المواقف منعرف كـل رجـال
..............................الفـرق باللـي نـادراتٍ فعولـه
*ليا زبنت أزبن على طيـب الخـال
..............................فرحة ضمير اللي من الضيم جوله
*اللي معك بالجاه والمـال والحـال
..............................وتضرب به الامثال عند المقولـه
*قرمً مجرب باللقـا نـادر أعيـال
..............................لاصار حولك كـن تسنـدك دولـه
*الفعل يبغى له صميدع ليـا قـال
..............................بالفعل يثبت واقعـه مـع مثولـه
*ماهو من اللي لا تجّمـل ولا نـال
..............................وحبل المراجـل عاليـاً مايطولـه
*خله على ياليل .. ياليل .. يـالال
..............................نشوة نديـمً شـاع دمـه كحولـه
*ذاك الذي طيبه مع النـاس بمثـال
..............................واقع فعوله عكس ماهـو يقولـه
*شاعر يغني له من الشعـر مـوال
..............................يوم أنهم مـن غيهـم صفقولـه
*هو يدعى نبل المبـأدي ولا طـال
..............................مثله كثيـر اللـي تعـرى ميولـه
*للشعر وجهٍ لونه أسود من الشـال
..............................لاصار يطعن بالخفـا ظـل زولـه
*رجال يسوى بالمواقف له رجـال
..............................ورجال مايسوى مؤاطـي نعولـه
*ياصاحبي طالت على كـل منـوال
..............................كثيـر نـاسً يدعـون البطولـه
*بس البطوله بالمواقـف للابطـال
..............................اللي بهم طبـع الوفـا والرجولـه
*ولو أنها ياصاحبـي رزة أشكـال
..............................تساوت الانـذال وأبـن الحمولـه