[frame="2 80"]صباح الخير
وصباح الإجازة والنوم والراحة



-أولا وبادئ ذي بدء أحب اهنيء كل الراسبين في الأمة العربية والإسلامية
وأقولهم ترى عادي لستم أول من رسب ولا آخر من سوف يرسب
انا عن رايي الشخصي الراسبين احسن من الناجحين <<انهون عليهم


-ثانياً اريد أن يعلم الجميع ان اللي يرسب يحس مثل مايحس الناجح يعني يحتاج لاحد يهنيه ويرفع من معنوياته يكفينا هالقنوات والجرايد وحتى المنتديات كلها اغاني للناجحين وقصائد وتهاني لهم ..
وكأن الناس يخفاهم ان امثال هؤلاء يكفيهم ماهم فيه من فرحة النجاح موب محتاجين لزود فرحة والواجب هو الاحساس بأخوانهم من الضعوف المساكين الفاقدين لفرحة النجاح



-الطالب و الطالبة الحاملين لمادة أو مادتين ترى هذولي ناجحين الا شي بسيط ..
وانا ومن وجهة نظري الذي متأكد انها وجهة نظر صحيحة ارى انهم افضل من الطلاب اللي طالعين بدون أي مادة
وذلك لعدة اسباب سأحاول ايجازها في بعض النقاط وذلك نظرا لضيق الوقت :
* الطالب الحامل للمادة او اثنتين طالب صاحب عشرة وروح الانتماء لديه مرتفعه الى درجة كبيرة ..
لذلك تجده مرتبط بكل سنه دراسية يكون فيها فهو يرفض ان يخرج منها بدون ذكرى او بدون ان يحمل بعض من موادها حتى لا تنقطع علاقته فيها ... وشعاره في ذلك ( العشرة ماتهون الا على ابن الحرام ) .
* الطالب الحامل لمادة أو أكثر طالب طموح يسعى الى ان يكون من ( المخضرمين ) فيعيش في مرحلتين ويشهد جيلين ..
فهو يجمع بين مواد السنة الجديدة ومواد السنة السابقة لها ..
* الطالب الحامل لمادة او مادتين طالب اجتماعي من الدرجة الاولى فهو يريد التعرف على اكبر عدد ممكن من الزملاء والاصدقاء وهذا مايحققه له حمله لمواد من السنة السابقة فهو بهذا يكون مرتبط بزملاءه السابقين فهو معهم في مرحلتهم الجديدة .. وزملاءه الجدد ( اللي اصغر منه ) برابط المواد المتبقيه له عندهم .
* الطالب الحامل لمواد والراسب بشكل عام طالب متأني حكيم لا يحب الاستعجال بل يدرس كل مرحلة يمر بها ويمكث فيها أطول وقت ممكن حتى يستوعبها ويفهمها ..
وشعاره في هذا ( العجلة من الشيطان ) .
* الطالب الراسب في أي مادة طالب مؤدب من الدرجة الاولى بل هو الطالب المثالي يكفينا انه الطالب الذي يشعر بمعلمه ويقدر مسؤلياته فهو بعدم اجابته قد كفى معلمه شر تصحيح الورقة والتمحيص والتدقيق في كل سؤال لان المعلم بمجرد نظره الى ورقة الطالب الراسب يعرف محتواها بدون اي تدقيق ( فالجواب واضح من عنوانه )
فيستبعدها وينتهي منها بسرعه ..
وقد كفاه ايضا شر جمع الدرجات واستخراج التقدير فتقديره معروف بدون جمع ولا قسمة
وشعاره في هذا كله ( قم للمعلم وفه التبجيل )

هههههههههههههههههههههههههههههههههههه


اتمنى الموضووع يعجبكم

م
ل
ط
و
ش:heat[1]:

أولا وبادئ ذي بدء أحب اهنيء كل الراسبين في الأمة العربية والإسلامية وأقولهم ترى عادي لستم أول من رسب ولا آخر من سوف يرسب انا عن رايي الشخصي الراسبين احسن من الناجحين <<انهون عليهم

طيب اقول سالفتي بما اني فاضيه ... هذا الله يسلمك دقت صديقتي قالت ناجحه قلت تكذبين قالت اسمك بالنت يوم فتحت النت والقى اسمي الا مادتين مالقيتهم ....!!!! ووحده منهم كنت شاكه فيها ..!! المهم قلت خلاص ناجحه ورحت عند ابوي ايدك على الجوال الجديد والكاميرا طبعا ابوي قال مشينا وشريت جوال جديد وحركات وكاميرات .. والاب توب الجديد الثاني ..!! شايف كيف كل هذول الحين بتشوف وش يصير ..!! والله قالوا تعالوا خذوا النتيجه قلت مايحتاج ناجحه كني حاسه اني حامل ماده ... يوم رحت عجزت اطلع من الحياء لا اقابل اهلي تخيل حملت مادة الشعر الله ياخذها باكستانية قريح .. انا مااستغربت لاني داريه اني حامل ماده ..!!! بس البلا وشلون اواجه اهلي عقب هالهدايا ..!!! المهم واروح البيت قلت لابوي شف تبي تاخذهم خذهم مالي دخل ..!!! انا حاله زين بس هي باكستانيه ماتعرف شي << ابو العذر ياشيخه ..!! المهم قال ابوي لاعادي وانا اعتبرك ناجحه << يرفع معنوياتي ياحبيلوه بس ..!!! وسلامتكم ..!!! (وجه يضحك )..

إقتباس: أولا وبادئ ذي بدء أحب اهنيء كل الراسبين في الأمة العربية والإسلامية وأقولهم ترى عادي لستم أول من رسب ولا آخر من سوف يرسب انا عن رايي الشخصي الراسبين احسن من الناجحين <<انهون عليهم تهانينا لكل ناجح ونقول له وفقك الله لما يحب ويرضى وعقبال النجاح في إمتحان الآخرة .. وللراسبين دعواتنا بالتوفيق والرسوب ماهو نهاية الأمر تقدر تعوض على نفسك إذا كنت طالب ثانوي وتحت في الدور الثاني .. يعطيك العافية زلزآل

السلام عليكم زلزال حوووبي بصرااحه والله تبي الجد ما يسمى الرااسب الا اللي عاد سنه هذا معنى كلمةى الرااسب واللي عليه اكمال مجرد انه يتمم الدرجه المستحقه وهذي فرصه ولا يعتبر راسبا والانسان لا فرق فيه بين درااسته لاكن هناك انااس تقوم بالجهد والاجتهاد وينالون النجااح وهناك اناس لا يقومون بالجهد والاجتهاد فلا يسينالون النجاح بل يكملون ما عليهم والف شكر لك على موضوعك المميز ودمت موفق يالغلا بسما التفوق