(( خـــ_ـــجــ_ــــل )) ضيفــتنا على كرسي الاعتـــراف للاسبـــوع الرابــــع - الصفحة 4 - -:: منتديات المهجولون العرب ::-

صادق الوعد · 05-13-2007, 10:07 PM

مرحباً وأهلاً بمن جاء إلينا العز تجلى والنور هل علينا

مرحباً بك بين زهور الإبداع ورحيق الأخوة وشهد المحبة

إنتثرت الورود وتفتحت الأزهار لهذا القدوم المميز

الذي جعل المنتدى يشع نوراً وفاحة رائحة عطرك

أتمنى لك اجابات هادفة و نافعة

بسم الله ...إليكي اختي الكريمة خجل ...أسئلتي الساخنة .....!!

1 - هواياتك ؟؟

2 - أكثر شي عاجبك في المنتدى أكثر شي مضايقك فيه؟

3 - شنوالشي اللي سويته وندمت عليه في حياتك ؟

4 - -قرأت مرة: من السهل التضحية من أجل صديق ... لكن من الصعب ايجاد صديق يستحق التضحية ....

-هل وجدت هذا الصديق ؟! وهل أنت مستعد للتضحية ؟!

5 - هل تتمني شي من زمن بعيد ان يصير ولحد الان ما صار ؟

6- لو عطيتك باقه ورود ملونه لمن تهدي هذي الورود .:

الورده البيضاء

الورده الحمراء

الورده الصفراء

7 - في يوم كنتي معزومه عند حرم الوزير وجاتس بنت الوزير حبت تتميلح وصبت ليتس كوب شاي بس بدال ماتحط ليتس سكر حطت ملح .. وش يكون موقفتس ؟؟؟

8 - وش تفضل البنت بفارس احلامها من وجهة نظرتس .. ان يكون حلو وناعم ويحط مكياج ويلبس حرير .. ولا يكون خبل ومطفوق وملحوس عقله .. ولا يكون شين وقوي وخفيف دم بس راعي تتن ؟؟؟

9 - مارأيك في نتف الحواجب ؟

10 - ماذا تقولين في شخص يتهمك بالخيانه وانتي مظلومه

11 - ماهو القلم المثالي بنظرك في منتديات المهجولون العرب...؟

12 - شنو احلـــــــــى يوم مــر بحيـــاة خجل

13 - شنــو اســوأ يــــوم مــر فى حيـاة خجل ( بعـيد الشـر عنـك ) ؟؟

14 - شنــو افضــــــل بيــــت شعـــــــــر قــرأتيــه

15 - من الذي ترتاحين من كتاباته في المنتدى

16 - ما هو هدفكي في الحياة

17 - ما هو القسم الاكثر حيويه في رائيك في المنتدى

18 - ماهي أحب الصفات فيك وتودي أن لا تستغني عنها ،
وما هي الصفة التي فيكِ وتتمنين أن تلغيها ؟؟؟

19 - يقولون ... طيبة القلب في هالزمن ماتنفع << مادري شرايك بهالعبارة

20 - اي أنواع الكتب تحب قراءتها ؟ وماهو الوقت المفضل لديك للقراءه ؟

21 - ماهي كلمتك للشباب المتهورين الذين يسيرون في الشوارع بسرعه جنونيه

22 - في اعتقادك ماهي الصفات التي تجعل من الشخص محبوبا من الجميع ؟

23 - وشو شعورك لو نزلتي موضوع ومحد رد عليه ؟

24 - يوم في اسبوع مااتحبينه؟؟

25 - شنو اكثر شي اتحبينه في المنتدى ؟؟

26 - ,, ماذا يعني لك نثر حروف الخاطرة

27 - هل برايك الحب نعمه ام نقمه .

28 - ماهو شعورك وأنت على كرسي الاعتراف .

29 - ,,لو رجعت بك عقارب الزمن الى الوارء... هل كنت ستسلك ذات الطريق.

30 - , ماذا يعني لك
الحزن . الهجر.الصبر .الثقة .السهر.الشك.الحب.الوفاء .الخوف.

عزيزتي

آسف على الاطاله وان شاء الله مااكون ثقلت عليك بالاسئله

والله يعينك

تقبلي اصدق تحياتي القلبيه

ملك الإحساس · 05-13-2007, 10:43 PM

هلا بك أختي على الكرسي

ماراح أطول
س1:أكثر شي تفكرين فيه؟
س2:ألاكل المفضل لديك؟
س3:ماشعورك بأول يوم درستي بأول أبتدائي؟
س4:شي لا يعجبك بالمدرسه؟
س5:سمعنا كثير عن القياده للمرأه مارأيك أختي خجوله؟
س6:عضو مثقف
س7:عضو مهذب
س8:عضو تخمه اللقافه أحيانا
س9:عضو تتمنين يرجع للمنتدى
س10:مارأيك بملك الأحساس بكل صدق ترى قلبي نقل جماعي

دمتي بود

][ خــ,ــجــ,ــل ][ · 05-13-2007, 11:01 PM

يؤؤ

باقي اعضاء حطو اسئله ماجاوبتيهم ليش ؟
وانت ليش مستعجل .. أكيد اني راح أجاوبهم ..

<<<<< مندمج وقسم مستانس خخخخخخخ يحس انه يقرا مجله
دوووووووم الوناسه ان شاء الله

الزبده

انا صراحه ماعرفج يعني اللهم انه عضو روعه هنا اسمها خجل احس اسلوبها رسمي شوي ومرات تجي تنط علينا تضحك معنا عقب ترجع تنخش باافضل الاقسام بالمنتدى بالنسبه لها
ههههههههههههههههه ,, شي طبيعي اني اكون كذا .. لان بعض المواضيع جديه فلازم اكون رسميه .. وبعض المواضيع فكاهيه فأضطر اضحك .. وبعض الاقسام القى نفسي فيها عشان كذا اتواجد فيها باستمرار

فمن شان هيك بدي اتعرف على هالعضوه الغامضه من هنا هع
خذ راحتكـ ..

امممممممممم

قلتي عمرك عمر اي وحده بااخر سنه بالكليه هع زين ياحظي يمكن انج قد خذيتي حرمان ولا شي ولا عدتي سنه او شي
تحليلك ذكي .. بس لا تخاف ماقد رسبت ولا قد خذيت حرمان

طب ماعلينا من ذا

انتي كيف اخترتي تخصص دراسات اسلاميه !! وش كان تفكيرج وقتها
انه بالفعل حابه تدرسين هالشي او انه سهل ماسهل وافضل لج من هالناحيه او حابه بالفعل انج تدرسين اكثر بهالامور !الصراحه .. اني ماكنت ناويه ادخله ..
وطموحي كان تخصص علم نفس أو علم اجتماع أو إنقلش لانقوج ..
بس للأسف ماالله كتب ..
ولما اضطريت للأقسام الثانيه .. قلت مافيه الا قسم دراسات ..
يعني دخلته مجرد تسكيته ..
بس الحين احمد ربي وأشكره انه سخرني لهالقسم .. لأني استفدت كثير ..
وكان تأثيره علي بشكل ملحوظ ..

احسج ياانتي متدينه بقوه يافيج شوية التزام ولله الحمد صح ؟ ولا
يظن الناس بي خيرا وإني .. .. لشر الخلق إن لم تعفوا عـــني ..
ومالي حيلة الا رجـــــائي .. .. وعفوك إن عفوت وحسن ظني ..
أنا مو مسألة ملتزمه .. بس أحاول أجاهد نفسي قد ما أقدر ..
والله يسمع منك وأكون هيك ..

واذا يس وشرايج باللي يصير بالنت بالمنتديات والماسنجر والشاتات
من مغازل شباب لبنات وبنات بشباب ومسويلي فيها حبتين وكول وهم من على جنبها ؟!
شي طبيعي أني انتقد هالشي .. لأن النت تقنيه لم توضع لهالسخافات ..
وياليت كل واحد من هالنوع ..يتقي الله في نفسه .. ويخلي ربه قدام عينه ..
ويحط في باله أنه محاسب على كل شي يسويه ..
وان جميع أعضاؤه راح تشهد عليه يوم القيامه .. على كل كلمه قالها وكل كلمه كتبها وكل نظره ..
لي متى يعني والقلب ميت .. وغافل .. ولي متى بنتبع هوانا .. ؟؟
الواحد لازم يحرك ضميره شوي ويراجع نفسه .. يتخذ موقف صارم أمام كل شهواته ..؟ عشان يرضي ضميره وترتاح نفسيته

تحبين السياسه ؟ اذا اي شرايج باللي يصير هاليومين
من امريكا وايران ! تتوقعين بتقوم الحرب ؟ وبتضرنا كثير يااهل الخليج
وبعد كم سنه تتوقعين تصير الحرب على كل حال ونتضرر منها يااهل الخليج ؟
لا والله وانا اختك .. ما أحب السياسه .. وياليت تبعدني عنها ..
بس إن شاء الله ماتقوم اي حرب ويكفيكم الشر يا أهل الخليج
والله كريم ينصرنا على اعدائنا ومن عادانا ..

انتي شايفه ان شباب الخليج اللي راحو يجاهدون بالعراق من ورى حكوماتهم ووو شي طيب منهم ولالا ؟
والله مدري وانا اختك .. بس أكيد أني لا أؤيد أنهم يجاهدون من ورى حكوماتهم ..

شرايج بالتمييز اللي صاير هاليومين بسبب هالقنوات وهالذبح اللي حاصل بين سنه وشيعه ؟!
والله ما دام موجود شي اسمه شيعه .. فالتخلف موجود ..
وما اقول الا الله يهديهم لديننا وسنتنا ..

ووشرايج بالشيعه والمذاهب الاخرى المخالفه ؟!!
رأيي فيهم أنهم على ضلال .. وهي وحده من ثنتين .. يا أنهم يتلاحقون نفسهم ويغيرون ملتهم ويتبعون ديننا الحنيف ..
أو الله يخلف عليهم ..
وهم الله يهديهم ما سمعوا قول حبيبنا محمد عليه افضل الصلاة واتم التسليم .. لما قال (( إفترقت اليهود الى 71 فرقه ,,
وافترقت النصارى الى 72 فرقه ,,
وستفترق أمتي الى 73 فرقه ,, كلهم في النار إلا واحده ..
قالوا من هي يارسول الله ,, قال : من كان مثل ما أنا عليه وأصحابي ))
والله عاد إذا هالحديث ما حرك في داخلهم شي .. فقلوبهم ميته وعليها السلام بعد .. فيه شي يهز غير النار .. الله يجيرنا منها ..

اممممممممم

في ظاهره طالعه هاليومين اعجاب البنات ببعض .. قد جربتي هالشي طول مراحلج الدراسيه وبذات بالكليه ؟
صراحة ولا اخفي عليك هالشي منتشر بقوه .. وياليته على الإعجاب وبس .. الا فيه أشياء أردى الله يهديهم .. خلنا بس في الاعجاب ..
بالنسبه لي .. ولله الحمد ماقد جربت أني أعجب بأحد إعجاب من هالنوع اللي هو هالإعجاب المحرم ..
وأرفض وبشده تكوين أي علاقه من هالنوع السخيف ..

ووش رايج بشذوذ البنات والبويات واللي مسويلي فيها حبتين وزعطه ؟
صراحة .. أشوف هالنوعيه من البنات .. بس ما ادري وش الدافع لأن تكون البنت شاذه أو بويه .. وأكيد الاهل لهم دورهم في إن البنت كذا ..
ربي ميزنا عن الجنس الثاني بانوثتنا ورقتنا ونعومتنا .. وتروح تسوي لي شذوذ وحركات ومسترجله والمشيه عوجاء والشعر بوي والنظرات حاده والكم مفسرته لنص يدها .. وساعة يدها هذا كبرها ..
ما أقول الا الحمد لله والشكر .. صراحه إن قلبي يتقطع لما اشوف هالنوعيه من البنات .. وأدعي من كل قلبي ان الله يشفيها .. لأنها مريضه وفي بلوى .. الله يطلعها منها ..

لو وحده منهم تعرضت لج كذا زعطه تبي تمسخرج قدام البنات وش بتسوين ؟
أصلا ما فيه أي بنت تتجرأ انها تمسخرني .. أو تتلفظ علي ..
لأني مسالمه هذا أولا .. ثانيا .. محترمه نفسي ومحترمه اللي قدامي ..
وبطريقتي واسلوبي فارضه احترامي ..
ولله الحمد محترمه من قبل الجميع ..
ولو فكرت وحده مجرد تفكير إنها تقط علي على بالها تمون ولا مسويه لي فيها .. أقل شي راح اسويه .. أعطيها نظره .. والله تخليها تحرم تناظر فيني مره ثانيه ..

قد مر عليج موقف محرج مثل انج تروحين لوحده من البنات تنصحينها او احد وفشلتج !
لا والله ماقد صار لي ..

قد لعب بعقلج الشيطان مره وسويتي شي غلط وتمنيتي انج ماسويتيه وان الارض بلعتج قبل لاتسوينه ؟!والله الإنسان مو معصوم من الخطأ .. ولابد إنه يغلط .. بس المؤمن لا يلدغ من جحر مرتين .. يعني العاقل ما يكرر الغلط ..

كيف عرفتي منتدى الهجوله ؟!
عن طريق اخوي صادق الوعد ..

وكتاباتج حلوه ليش ماتنزلين لمنتدى الهجوله بقسم الشعر على طول اشعارج عشان نتمتع ونقراها ؟!الله يحلي ايامك وابشر بالخير اخوي مناحي .. بس الظروف احيانا تمنعني من اني انزل باستمرار .. بس انشالله الايام الجايه تشوف كتاباتي ..

وماطرى لج تنزلينها يعني بمواقع متخصصه بالشعر ومرتبطه بالمجلات والجرايد ؟! تحت اسم خجل طبعاً
صراحة اقترحوا علي كثير بهذا الاقتراح .. بس انا ماني مستعجله ..
وزياده على كذا .. انا ما بعد حسيت أن كتاباتي تستحق اني انزلها بجريده أو بمجله او بمواقع متخصصه ..

ادري طولت عليج بس والله باقي اسئله بس بخف

وبعطي مجال للغير
انت طولت وبس والله ماقصرت بأسئلتك .. اخوي مناحي ..

وتشكراتي لغنج اللي فتحت لنا المجال انه ع الاقل نتعرف شوي عليج

وطانكيو لج لأنج متحمله اسئلتي شوي خخخ
لا وش دعوه .. على قلبي زي العسل وطانكيو لك خيووو على تواصلك

ويامرحبا
ياهلا ..

رجه بس رزه · 05-14-2007, 12:31 AM

طانكيوووووووووووووووووووووو خجل حبيبتي :thumbup[1]: :thumbup[1]:

ومشكوره على البي ام :thumbup[1]: :thumbup[1]:

والله يعينك على الاجابات
<<<<<<<<<< تتذكر زمن اول <<<< الوقوف على الاطلال
هههههههههههههههههههههههههههههه:kez_03[1]: :kez_03[1]: ههههههههههههههههه

<<<<<<<<<<< لا يكثر بس :ranting[1]: :ranting[1]: :ranting[1]:

مشكوووووووووووووووووووره قلبو :kez_03[1]:

بسمه · 05-14-2007, 01:50 AM

حضرت هنا لا لأسأل !
فقط ،، لأقول :
ضيفه رائقه

وقد اتحفتينا بمتعة اجاباتك الممتعه حقا لكل رواد المنتدى

شكرا لسعة صدركِ
فبارك الله فيكِ

][ خــ,ــجــ,ــل ][ · 05-14-2007, 07:01 PM

صديق القمر ..

إذا كنت في نظرك عضوه رائعه ..
فهذا من ذوقك .. ولأنك أساس روعة المنتدى ..
أشكرك على إطرائك ..
وبإنتظار جركن الأسئله تبعك ..
ولا تنسى تحط فيه ثلج ..

دمت بسعاده

][ خــ,ــجــ,ــل ][ · 05-14-2007, 09:58 PM

مرحباً وأهلاً بمن جاء إلينا العز تجلى والنور هل علينا

مرحباً بك بين زهور الإبداع ورحيق الأخوة وشهد المحبة

إنتثرت الورود وتفتحت الأزهار لهذا القدوم المميز

الذي جعل المنتدى يشع نوراً وفاحة رائحة عطرك

أتمنى لك اجابات هادفة و نافعة

أهلا فيك اخوي صادق .. وأشكرك على هذا الترحيب الساخن ..
والمنتدى منور بوجودك ..
وازدادت صفحتى نورا وتميزا بوجودك فيها ..

بسم الله ...إليكي اختي الكريمة خجل ...أسئلتي الساخنة .....!!
والله من شفتها 30 سؤال وانا داريه انها ساخنه ..
وان شاء الله تلقى اجوبه ساخنه ..

1 - هواياتك ؟؟
الانترنت ,, كتابة الشعر والخواطر .. السباحه .. الرسم والفن التشكيلي

2 - أكثر شي عاجبك في المنتدى أكثر شي مضايقك فيه؟
أكثر شي عاجبني بالمنتدى .. أعضاؤه من مهجولين ومهجولات ..
عسل وربي .. ذوق .. احترام ..
وأكثر شي يضايقني فيه .. لما ما يتفاعلون مع الموضوع ..
ومايعطونه حقه من الردود

3 - شنوالشي اللي سويته وندمت عليه في حياتك ؟
ما أتذكر انو فيه شي سويته وبعدين ندمت عليه ..

4 - -قرأت مرة: من السهل التضحية من أجل صديق ... لكن من الصعب ايجاد صديق يستحق التضحية ....

-هل وجدت هذا الصديق ؟! وهل أنت مستعد للتضحية ؟!
صراحة . . انا كنت متوهمه اني وجدت هذا الصديق .. لكن للأسف ماصارت صديقه بمعنى كلمة صديقه ..
وبالنسبه للتضحيه .. مستعده أضحي بس لما تكون فعلاً تستاهل التضحيه ..

5 - هل تتمني شي من زمن بعيد ان يصير ولحد الان ما صار ؟
صراحة .. من زمان وانا اتمنى اني اسافر برى المملكه .. والى الآن ماحصل ..
بس أبشرك انو بيصير في القريب العاجل ..
(( كثر الدق يفك اللحام ))

6- لو عطيتك باقه ورود ملونه لمن تهدي هذي الورود .:

الورده البيضاء :: للي في بالي

الورده الحمراء :: برضوه للي في بالي

الورده الصفراء :: ايضا للي في بالي

7 - في يوم كنتي معزومه عند حرم الوزير وجاتس بنت الوزير حبت تتميلح وصبت ليتس كوب شاي بس بدال ماتحط ليتس سكر حطت ملح .. وش يكون موقفتس ؟؟؟
أكيد ماراح أشربها .. وبإختصار راح اقول ..
الدكتور مانعني اشرب شاي ... خخخخخخخخخخخخ

8 - وش تفضل البنت بفارس احلامها من وجهة نظرتس .. ان يكون حلو وناعم ويحط مكياج ويلبس حرير .. ولا يكون خبل ومطفوق وملحوس عقله .. ولا يكون شين وقوي وخفيف دم بس راعي تتن ؟؟؟
وش ذاللي انت مجمعهم لي .. عوير وزوير والمنكسر واللي مافيه خير ..
ياشيخ لو ماباقي بهالدنيا الا هالجحلط .. والله ما اتزوج ..
والله ما اردى من هذا الا هذا ..
والله يخلف على اي وحده تفكر تتزوج أي احد من هالاصناف ..

9 - مارأيك في نتف الحواجب ؟
رأيي رأي أي وحده حطت في بالها حديث الرسول اللهم صلي وسلم عليه لما قال : (( لعن الله النامصه والمتنمصه ))
أغضب ربي وأصير ملعونه عشان ايش ..
وعلى فكره مو على انها تغضب ربي وبس .. برضوه فيه مضار على الصحه ..
بحيث انو مع نتف كل شعره من شعر الحاجب .. تموت خليه من خلايا الدماغ ..

10 - ماذا تقولين في شخص يتهمك بالخيانه وانتي مظلومه
الكلمه هذي وقعها كبير على متلقيها إذا كان فعلا خاين ..
فكيف وقعها عليه اذا كان مظلوم ..
ما اقول الا الله يسامحه .. وهو الخسران طبعاً ..
وانا لا خسرته ما اخسر الجنه .. .. واحد بداله يجي عشرين ياعمي ..

11 - ماهو القلم المثالي بنظرك في منتديات المهجولون العرب...؟
صراحة كثير اللي أقلامهم مثاليه بالمنتدى ..
وأخاف احددهم وأجحف بحق أعضاء آخرين .. فاعذرني على عدم التحديد ..
والحقيقه أن أغلب الأقلام في المنتدى مثاليه ومبدعه ورائعه ..

12 - شنــو اســوأ يــــوم مــر فى حيـاة خجل ( بعـيد الشـر عنـك ) ؟؟
أسوأ يوم مر علي .. اليوم اللي دخل فيه ابوي للمستشفى عشان يسوي عملية إنسداد شرايين .. وأنا ما اقصد القسطره .. لا عملية ( قلب مفتوح )
خصوصا إن نسبة نجاح العمليه مو مضمونه ..

13 - شنو احلـــــــــى يوم مــر بحيـــاة خجل
احلى يوم لما طلع ابوي من المستشفى ورجع ينور بيتنا من جديد ..

14 - شنــو افضــــــل بيــــت شعـــــــــر قــرأتيــه
أبكيتني وأنا أحسبك تكره بكاي .. .. أثرك تلذذ بدموعي وأنا ابكي ..

15 - من الذي ترتاحين من كتاباته في المنتدى
صراحه .. جميع الاعضاء استمتع بقراءة مواضيعهم وارتاح لها ..

16 - ما هو هدفكي في الحياة
رضا الله أولا .. ثم رضا الوالدين ثانيا ..
ثم إكمال تعليمي .. والحمد لله هانت ما بقى الا الاختبارات واتخرج ..

17 - ما هو القسم الاكثر حيويه في رائيك في المنتدى
صراحة أغلب الاقسام نشيطه وذات حيويه ..
وأكثر شي قسم الحوار .. لأنه تتسنى فيه المناقشه وابدآء الآراء .. وطرح وجهات النظر ..

18 - ماهي أحب الصفات فيك وتودي أن لا تستغني عنها ،
وما هي الصفة التي فيكِ وتتمنين أن تلغيها ؟؟؟
صراحة .. أنا ولله الحمد متسامحه وأتغاضى .. واتمنى اني ابقى على كذا علطول ..
وبالنسبه للصفه اللي ابي ألغيها .. الحساسيه الزايده ..

19 - يقولون ... طيبة القلب في هالزمن ماتنفع << مادري شرايك بهالعبارة
والله الطيبه أشوفها اهم شي لازم يتحلى به الانسان ..
والمفروض من الواحد عشان مايفقد هالخصله الحلوه فيه .. وفي هالزمن بالذات .. لازم يعرف كيف يتعامل مع الاشخاص اللي امامه ..
مو يخليهم يضحكون عليه ويستغلونه بعدين يجي يدربي راسه ويقول الطيبه ماتنفع هالايام ..

20 - اي أنواع الكتب تحب قراءتها ؟ وماهو الوقت المفضل لديك للقراءه ؟
دواوين الشعر .. والمجلات المعنيه بنشر القصائد .. واحب اقرا الخواطر
وكتب القصص بانواعها .. الدينيه والخياليه والفكاهيه .. وغيرها ..
وأفضل وقت عندي .. ( بالليـــــل ) لما يهدى الجو .. وأكون خلصت أشغالي ..

21 - ماهي كلمتك للشباب المتهورين الذين يسيرون في الشوارع بسرعه جنونيه
أقول لهم .. تراكم رايحين للموت برجليكم ..
(( لا تسرع ,, فالموت أسرع ))
وتمهل .. واذكر دموع المحبين ..
يعني وش بتستفيد لو صار لك شي لا قدر الله .. وفقدت الذاكره .. ولا فقدت عضو من اعضاءك ولا انشليت ولا انكسرت رقبتك ..
بعد زين اذا صار كذا وما توفيت ورحت في خبر كان ...

22 - في اعتقادك ماهي الصفات التي تجعل من الشخص محبوبا من الجميع ؟
الاحترام والطيبه والابتسامه والكلمه الطيبه والتعامل بما يرضي الله

23 - وشو شعورك لو نزلتي موضوع ومحد رد عليه ؟
آآآآآآآه يا هالشعور .. أنواع الاحباط والتحطيم ..
اتذكر اني طرحت هالموضوع بقسم الحوار والمناقشه ..
لمعرفة المزيد .. الرجاء التوجه لقسم الحوار والمناقشه ..

24 - يوم في اسبوع مااتحبينه؟؟
يوم السبت عشانه اول يوم هو اثقل يوم ..

25 - شنو اكثر شي اتحبينه في المنتدى ؟؟
صراحة كل شي في منتدى المهجولون احبه .. الاقسام .. والمواضيع .. والاعضاء ..

26 - ,, ماذا يعني لك نثر حروف الخاطرة
يعني لي اشياء كثيره .. فهو إبداع حسي تترجم فيها الأحاسيس العذبه ..
حروف لها في النفس تأثير .. وفي العقل تعبير ..
تقرأ لها فتشعر بمدى شفافيتها وجمالها .. تتضمن النزف الرائع .. الذي أواسي به نفسي .. كما أنها تجعلني أشعر بمن حولي .. ومن خلالها أ ُشعر من حولي بي ..

27 - هل برايك الحب نعمه ام نقمه .
الحب أكبر نعمه .. إذا وجهناه الوجهه السليمه ..
إضافة الى ذلك أن من لا ينعم بهذا الاحساس .. فهو مجرد وخالي من الاحاسيس الحيه .. التي تجدد لنا الروتين .. وتجعلنا ننظر الى الحياة بشكل اجمل ..
ويكون نقمه .. إذا سار في غير مساره الصحيح ..

28 - ماهو شعورك وأنت على كرسي الاعتراف .
شعوري أكثر فرحة مما تتصور .. إذ أنه تسنى لي التعرف بشكل أكبر على اخواني واخواتي أعضاء المنتدى .. وهذي احلى فرصه جعلتني آخذ واعطي معهم ..

29 - ,,لو رجعت بك عقارب الزمن الى الوارء... هل كنت ستسلك ذات الطريق.
نعم سأسلك ذات الطريق .. مع محاولة تلافي الأخطاء التي حصلت من قبل ..
والتطوير من نفسي اكثر ..

30 - , ماذا يعني لك
الحزن .. عين تدمع وقلب يبكي
الهجر .. قمة القسوه والجفاء ..
الصبر .. قمة الثبات
الثقة .. أعلى درجات الشموخ بالنفس
السهر .. محطه يقف عندها كل محب يرسل فيها اشواقه او عتابه
الشك .. التأزم وعدم الاستقرار النفسي
الحب .. لغه عذبه .. قليل من يجيد ترجمتها
الوفاء .. عهد مقدس .. وارتباط وثيق
الخوف .. الرهبه .. والقلق .. وعدم الاستقرار ..

عزيزتي

آسف على الاطاله وان شاء الله مااكون ثقلت عليك بالاسئله
وش دعوه .. بالعكس .. استمتعت وانا اجاوب على اسئلتك ..
بس على فكره .. حطمت الرقم القياسي في الاسئله ..

والله يعينك

تقبلي اصدق تحياتي القلبيه
يخليك ربي

][ خــ,ــجــ,ــل ][ · 05-14-2007, 10:32 PM

هلا بك أختي على الكرسي
هلا بك اكثر اخوي ملك .. حياك الله

ماراح أطول
س1:أكثر شي تفكرين فيه؟
حاليا أكثر شي أفكر فيه .. الاختبارات النهائيه .. الله يعين عليها

س2:ألاكل المفضل لديك؟
مكرونه بالباشميل وورق العنب والكبه وانواع السلطات

س3:ماشعورك بأول يوم درستي بأول أبتدائي؟
صراحه .. اتذكر اني كنت ابكي وخايفه الاسبوع الاول كله ..
حتى اتذكر انهم دايم ينادون اختي لي تسكتني ..

س4:شي لا يعجبك بالمدرسه؟
قصدك بالكليه ..
اشياء كثيره ماتعجبني بالكليه .. خصوصا أنظمتهم المتعنجهه .. والسقيمه ..

س5:سمعنا كثير عن القياده للمرأه مارأيك أختي خجوله؟
صراحة .. أنا مابين معارضه ومؤيده .. بس لو سمحوا فيها .. عادي
خصوصا اني مجربه السواقه وربي شي .. :thumbup[1]:

س6:عضو مثقف .. والله كثيرين .. منهم متقروش والكينق وميمو وهزيم
س7:عضو مهذب .. والله كلهم مهذبين .. خصوصا .. حبيبة القمر
س8:عضو تخمه اللقافه أحيانا .. الله يستر علينا وعليه ..
س9:عضو تتمنين يرجع للمنتدى .. نورة والمسافره .. وحبيبة القمر .. اتمنى ما يتأخرون برجعتهم .. وربي فاقدتهم ..

س10:مارأيك بملك الأحساس بكل صدق ترى قلبي نقل جماعي
اكيد راح تكون اجابتي بكل صدق .. لان الامور هذي بالذات لا مجال للمجامله فيها ..
ملك الاحساس .. على اني ما اعرفك معرفة قويه .. لكني لم ارى منك سوى الاحترام والادب والتعامل الراقي ..
وهذا واضح بأسلوبك وطريقتك في مواضيعك وردودك ..

أشكر لك هذا التواصل .. دمت بسعاده

][ خــ,ــجــ,ــل ][ · 05-14-2007, 10:37 PM

طاااااااانكيو لك اكثر قلبي رجه ..

تستاهلين اكثر يالغاليه ..

مشكوره قلبووو على تواجدك الرائع ..

دمتي بود

][ خــ,ــجــ,ــل ][ · 05-14-2007, 10:39 PM

بسمه .. حضورك يشرفني ..
وتواجدك أسعدني ..
دمتي ودام تواصلك الراقي ..

تقبلي ارقى تحياتي ..