(( خـــ_ـــجــ_ــــل )) ضيفــتنا على كرسي الاعتـــراف للاسبـــوع الرابــــع - الصفحة 2 - -:: منتديات المهجولون العرب ::-

متقروش · 05-12-2007, 09:07 PM

~ خـجّـل ~

الله يعيـنك والحمـد لله على السلامة وجعله آخر فايروس يداهمـك :)

وإحتياطاً إنسخي الزخرفة وإرسليها على إيميلك

][ خــ,ــجــ,ــل ][ · 05-12-2007, 09:39 PM

يخليك ربي اخوي متقروش ..

وانت الصادق .. لا ارسلها للايميل ولا هم يحزنون ..
أبي اصير ادخل المنتدى من دون زخرفه ..
>>>>> تعقدت بعد السالفه ..
وأبيك تتصرف ياحضرة نائب الزعيم .. وتشوف لي الموضوع .. وتعدل نكي إذا فيه إمكانيه بحيث ادخل من دون زخرفه ..

ويعطيك العافيه ..

][ خــ,ــجــ,ــل ][ · 05-12-2007, 09:40 PM

هلا وغلا فيك خيتوو غنووووجه

//

بطاقتك الشخصيه قدر الامكان؟ ومستواك التعليمي؟
الإسم : على وزن خجل
العمر : عمر أي بنت هذي آخر سنه لها بالكليه .. وعليكم الحساب
المستوى التعليمي : أدرس بالكليه باكلريوس ..
قسم / دراسات إسلاميه
هذي آخر سنه وأتخرج وأفتك من هالكليه المريضه ..
دعواتكم .. باقي اسبوعين بس على اختباراتي ... :cry2[1]:

أيــن تجـــدين نفســـك حينمــا تشعــرين بالضيــق أو الرغبــه بالبكـاء ؟
عندما أشعر بالضيق .. أجد نفسي بين أروع صديقين .. قلمي وورقتي
وعندما أشعر بالبكاء .. طبعا طيران لغرفتي وتحديدا متغطيه على السرير ولا من شاف ولا من دري
وأجلس أبكي لحد مايصفى اللي براسي .. بعدها أكبر وسادتي وأنام

لكـل منـا حكمــة فـي حيـاتــه فمــا هــي حكمتـك بالحيـاة ؟
ماكل مايتمناه المرء يدركه .. .. تجري الرياح بما لا تشتهي السفن

هــل هنـاك أي تجــربــه فــي حيــاتــك تتمنـين أن تقـومين بهــا مـن جـديـد ؟
كل تجربه حلوه مرت علي .. وأشوفها ناجحه بنظري .. أود تكرارها

ما الأقلام التي تشدك في منتدى ( المهجـــولين ) وتحرصين على قراءة مواضيعها ؟
صراحة أنا أقرأ جميع مواضيع الاعضاء وكلهم مواضيعهم حلوه ..
بس أكثر شي يشدني .. مواضيع اخوي متقروش .. والكينق .. ولا يهونون الباقين
وبالنسبه لقسم الخواطر .. تجذبني وبشده كتابات صادق الوعد
وطبعا كتاباتك انتي غنوجه روووعه .. وحبيبة القمر .. وبنت الوادي

ما أروع كتاب قرأتيه ؟
صراحه أنا قليل ما أقرأ كتب .. مناهج الكليه ابعدتني عن قراءة الكتب
بس آخر كتاب قرأته وكان رائع بمعنى الكلمه ..
}{ هذا الحبيب يامحب محمد صلى الله عليه وسلم }{
للمؤلف / أبو بكر جابر الجزائري

ما هو رأيك في :

في التعارف والصداقة عبر النت ..
بالنسبه للتعارف والصداقه عبر النت .. شي طبيعي من اي شاب واي فتاة يدخل نت انه يكون صداقات من خلاله ..
وأنا أقول مافيها أي إشكال ما دام الشخص يتعامل معه بحذر .. وبحدود الأدب والإحترام وتبادل الاراء فيما يخص المنتدى .. لان النت عالم مجهول وما تضمنين أي أحد بسهوله ..

وهل قابلة للاستمرار حسب رأيـك ؟
بالنسبه لاستمراريتها ... هنا تتوقف على الشخص نفسه .
بعض الأشخاص يفرض عليك تستمرين معاه .. وبعضهم يفرض عليك تصكينه بلوك ثم دليت بنكهة التوابل الحاره ..
>>>>> قويه ماعندها وقت

..وشلون تشووفين الحياة بمنظوورك .. ..؟
الحياة بمنظوري .. كالقهوة .. على كثر ماهي مره .. على كثر ماهي حلوه ..
وأنا أنظر لها بنظرة متفائله وبكل بساطه وعفويه ..
لكنها تبقى دنيا .. وماندري ايش راح نواجه فيها ..
تماما كالغابة .. التي نمشي فيها وماندري وش اللي راح نواجهه ونقابله ..

هل الفتاة ؛؛تقدم تنازلات وتضحيات اكثر بكثير من الرجل؟
أكيد .. وبدون تشكيك ..
شي طبيعي ان الفتاة تقدم تنازلات اكثر بحكم طبيعتها الحساسه .. ورقة مشاعرها ..
أما الرجل .. بحكم رجولته تجده أقل ثبات .. فهو أكثر خشونه .. وإحساسه بكبريائه وعزة نفسه وشموخه .. تمنعه من أن يقدم أي تنازلات أو تضحيات من أي نوع مهما كانت الأسباب ..
يمكن 1% يتنازل ويقدم تضحيات ..

اذكري لي اسم :

عضو محترم : كل الأعضاء محترمين ..

عضو خفيف ظل : كثيرين والله خفيفين الظل أمثال ميمو وبنت الوادي وهزيم الرعد والكينق ..

عضو ردوده رائعه : }{ متقروش }{ , , ولا أبالغ .. ردوده تشفي الغليل في كل المواضيع والأقسام ..
وبالنسبه لقسم الخواطر والنثر }{ صادق الوعد }{ ردوده لها سمة التحفيز .. حتى إني أحيانا ما ادري وش أرد عليه ..

عضو محبوب .. والله أنا أحب كل الأعضاء .. بس ( رجه ) شي ثاني ..
حبوبة المنتدى ..

عضو تتمنين تتعرفين عليه اكثر .. >>>>> انحرجت
صراحة انتي غنوجه .. ياليت ترشحين نفسك لكرسي الاعتراف عشان نتعرف عليك اكثر واكثر ..

عضو تتمنين تتوقف عضويته! .. كل عضو مسجل بس يتفرج .. ومايشارك بمواضيع أو ردود .. ياليت تتوقف عضويته ..

شاعر يعجبك؟
حامد زيد

مطرب تحبين الاستماع اليه؟
صراحة .. هذا آخر اهتماماتي .. وأحاول قد ما أقدر اني ما أسمع ..
وإذا استلجيت وفي بالي إلا أسمع أغنيه ..
أسمع أي أغنيه تستهويني ... بغض النظر عن المطرب

شيء تتمنين تغيرينه بالمنتدى؛؛او يتم اضافته؟
صراحه .. المنتدى تمام التمام .. ومافيه شي يحتاج تغيير ..
وما شاء الله كامل من مجاميعه .. ومايحتاج إضافة أي شي ..
حتى أقسامه متميزه .. ماتحصلها بمنتدى ثاني ..
ولا الأعضاء عاد .. وش أقول وش اخلي ..
لا خلا ولا عدم ..

\

ودمتي لنا؛؛ الاجمل؛؛

يخليك ربي قلبووو .. وأتمنى أني اكون جاوبت بالشكل المرضي ..
دمتي بود عزيزتي ..

][ خــ,ــجــ,ــل ][ · 05-12-2007, 09:56 PM

حياااااااك الله اخوي متقروش ..

وبإنتظار اسئلتكـ .. والله يستر من درزن هالأسئله ..

هزيم الرعد · 05-12-2007, 10:52 PM

طيب جاوبي على اسئلتي لين الله يفرجها على متقروش والا ترى بشيل الكنب الي حاطه لك وخليك تجلسين على بلك وسمنت
هههههههههههههههههههههههههههههههههههههههههههههههههه ه

][ خــ,ــجــ,ــل ][ · 05-12-2007, 11:06 PM

اهلين اخوي هزيم .. وش فيك مستعجل .. وربي اني جالسه على هالكنب ومتمدده ابي اجاوب برواق على اسئلتك ..
بعد انت ماقصرت .. اسئلتك مايبي لها اجابه كلمه ورد غطاها .. يبي لها تفصيل ..

إستلم يالله إجاباتي .. وإنشالله تكون راضي عنها ..

**********

شفتي ماجبت كرسي جبتلك كنب اعتراف علشان تسترخين وتمددين رجولك وتجاوبين
(لا يكثر بسرعة اسال)
طيب ليش معصبة
هههههههههههههههههههههههههههههههههههههههههه

لا عصبت ولا شي .. بالعكس .. أحد يسترخي على هالكنب ويمدد كراعينه قصدي رجوله .. ويعصب .. الا قمة الرواقه .. وراح تجيك اجابات رايقه ..
تسلم اخوي هزيم ..

يالله نبداء
نبدأ .. بسم الله ..

س/ ماهي اجمل لحظات حياتك؟
عندما ألتقي بشخص عزيز .. بعد فراق داااام طويلا ..

س/ من من الناس يحتل المساحه الاكبر من قلبك ؟
أكيد وبدون شك عائلتي .. الله يخليهم لي ..

س/ اذا قال لك احدهم احبك فما هو شعورك وبماذا تردين عليه؟
>>>> انواع الإحراج وربي ..
صراحه .. شعوري راح يترتب على الشخص نفسه اللي صدرت منه هالكلمه .. ومدى شعوري المسبق ناحيته ..
فيه أشخاص .. أنتظرها منهم .. وبمجرد صدورها منهم .. أكيد راح يكون وقعها كبير علي .. وعسى الله يثبتني ساعتها ..
وبالنسبه للرد .. أتوقع اني راح انطرم .. وساعتها راح تكون نظراتي وتعابير وجهي .. كفيله بالرد ..
وفيه ناس أتفاجأ منهم لما يصرحون بهالكلمه لي ..
>>>> ياحليلهم يحبوني وانا مدري عنهم ..
وفي كل الحالتين أخجل .. >>>> إسم على مسمى .. خخخخخخ
والرد خلها على ربك .. عسى الله يثبتني وانطق لو بحرف واحد ..

س/ كلمة احبك لمن تهدينها
أحبكـ .. كلمة عظيمه .. لا يمكن أن تهدى الا لمن يستحقها وبجداره ..

س/ هل قد شعرت بفرحه غامره والسعاده تملاء قلبك في لحظتها ماكان السبب؟
يمتلكني هذا الشعور .. عندما أقوم بإنجاز أي شيء بإتقان .. وأكون راضيه عن نفسي في أدائي له .. وأشوف نظرات الرضا ممن هم حولي ..

س/ ماحب الاسماء لقلبك؟}{ حنين }{ ,, لأنه يمثل قمة الإشتياق ..

س/ تقال كلمة اكرهك هل سبق وقلتيها لاحد وانتي مؤمنه بكامل معناها؟
صراحة .. الشخص اللي أمامكـ هو اللي يجبرك على أنك تحبه أو تكرهه ..
وإذا جينا لكلمة أكرهك بالذات .. فانا ولله الحمد لم يسبق لي أن حملت مشاعره كره لأي أحد .. مهما كان بيني وبينه ..
ممكن أشعر بالنفور من ناحيته .. لكني لا أصرح بهذا مهما كان ..
وأحاول أستبعد هذا الشعور بأن أتجاهله قدر الإمكان ..

س/ متى اخترتي اختيار وقلت في داخلك نعم هذا اختياري الابدي؟
كل إختيار تسير عليه اموري ويكون في مصلحتي في أي مجال .. أقدم عليه بدون تردد وأستمر عليه ..

س/ ماهو اجمل مكان زرتيه واجمل بلد زرتيه؟
كثيرة الاماكن اللي زرتها وعاجبتني ولقيت راحتي فيها ..
باختصار .. يستهويني كل مكان يتميز بخضرته وبرودة جوه .. بغض النظر عن موقعه ..
وأجمل بلد .. صراحه مدري وش تقصد بالبلد .. بالمملكه ولا برى المملكه ..
بس اذا كان بالمملكه .. شوف .. أنا زرت المنطقه الشرقيه والغربيه والجنوبيه .. مهما شفت من بلدان ..
مافيه شي يستهويني كثر حرم مكه وحرم المدينه ..
وبرى المملكه مابعد حصل لي الشرف .. بس النيه موجوده ..

س/ اذا طلب منك تغير اسمك من خجل فماهو الاسم الذي سوف تختارينه؟
صراحة انا عاجبني نك خجل .. بس لو فكرت أغيره .. ما راح اروح بعيد ..
راح يكون نكي .. }{ إحساس خجوله }{

س/ تخيلى العالم يصغي إليكـ بهذة اللحظة , ماذا ستقولى ؟؟
راح اقول اهم شي : (( سامح الأنام قبل ان تنام ))
{ أدفع بالتي هي احسن فأن الذي بينك وبينه عداوه كانه ولي حميم }
.. وأنبههم منه .. اللي هو }{ الحقد }{ لأني أشوفه يتفشى وبكثره هالايام .. وأشوفه يفتك بالمجتمعات .. وتتفكك الروابط لما تشيل على احد ولا تسامحه .. وتظن فيه ظن السوء ..
والشي اللي يجهلونه أكثر الناس .. أنو الواحد لما يصفي قلبه قبل لا ينام على كل من كان شايل عليه لوجه الله .. ومات بهالليله .. يكون سبب لدخوله الجنه ..
بدليل ماروي عن احد الصحابه .. انه كان يغسل قلبه ويصفيه قبل ان ينام .. بقوله : (( اللهم اني عفوت عن عبدك هذا لوجهك الكريم ))
فكان سببا لدخوله الجنه ..

س/ سؤال تودين طرحه على أحد الأعضاء ولكن هناك ما يمنعك؟؟
الى الان ليس عندي اي سؤال اود طرحه على اي عضو .. بس يمكن فيما بعد ..

س/في وسط فوضى الحياة ما الذي يرسم لكِ "بسمة"؟
التفاؤل في ان غدا أجمل من امس ومن اليوم .. والإيمان بأن القادم احلى

س/ خمس وردات لمن تهدينها
الولى / للماما والبابا الله يخليهم لي ولا يحرمني منهم ..
الثانيه / لأغلى صديقه عندي ..
الثالثه / لجميع المهجولين والمهجولات في منتدانا الغالي ..
الرابعه / لغناتي غنووووجه اللي رشحتني للكرسي واستضافتني له عشان انعم بالرد على اسئلتكم ..
الخامسه / لك اخوي هزيم .. لأنو مو معقوله اهدي ورد وما يكون لك نصيب فيها ..

معذرة طولت عليكي بالاسئلة بس طلب اخير
لا عادي بالعكس .. استمتعت وانا اجاوب .. على انك احرجتني ببعض الاسئله .. بس مايخالف ..

ما ريك بهزيم وبما تنصحينه
قلت لي وش رايك بهزيم ..
هزيم أنسان جدا رائع .. خلوق .. قمة الادب والتعامل الراقي ..
شخصيه فارضه احترامها .. طريقتك جدا لطيفه .. صاحب قلب كبير .. واضح انو عندك مخزون من المشاعر .. أتمنى انك ماتمنحها الا للي يستحقها ..

وبالنسبه للنصيحه ..
صراحة .. وجدت فيك مثالا للأخلاق الرائعه .. فتمسك بها طوال حياتك ..
وفيه نصيحه اخويه لك ولكل من يقرأها ..
إجعل بينك وبين الله ساعة عباده .. أو عمل سري بالخفاء بينك وبين ربك ..
ولا تعلم عنه اي احد ..

ومشكوووور على هالاسئله .. وأتمنى أكون جاوبت بشكل يرضيك ..
وآسفه على التأخير في طرح الإجابات ..

هزيم الرعد · 05-12-2007, 11:17 PM

خجل وش اقول وش اخلي ما قصرتي بيض الله وجهك يارائعة والله العظيم ان نصائحك جاءت بالصميم ورتحت لها كثيراً

حفظكي ربي ايها النقية النبيلة

][ خــ,ــجــ,ــل ][ · 05-12-2007, 11:26 PM

يخليك ربي اخوي هزيم ..
والتناصح فيما بيننا .. اقل شيء نتعامل فيه بالمنتدى وبكل مكان ..
حتى انا ياليت توجه لي نصيحه .. أو توجيه ..
ولا تنساني من صالح دعاؤكـ ..

دمت بوفــــــــــاء ..

][ خــ,ــجــ,ــل ][ · 05-12-2007, 11:37 PM

حيااااااااك اخوي عالم الوله ...
جركن أسئله مرة وحده .. أجل ياليت تحط فيه ثلج ..
والله يستر من هالجركن ..
وبالنسبه للتحمل .. أكيد راح نتحمل .. أنا بكرسي الاعتراف عشان أجاوبكم ..
بس لا تبطي علينا ..
بانتظار اسئلتكـ ..

][ خــ,ــجــ,ــل ][ · 05-13-2007, 12:29 AM

أسئلة أتمنى إننا نحصل لها إجابة عندك ..
بإذن الله ستجد ما يسرك ويرضيكـ

1 / مساحة من بياض الورق هي لكِ عرفِ بها عن نفسك ..
سبق التعريف في سؤال الاخت غنوجه ..
وهناك بعض الاضافات سيتم ذكرها خلال اسئلتك ..

2 / أمنية حلمتِ بها و تحققت ..
3 / أمنية حلمتِ بها و لم تتحقق ..
بما انك عطيتني الاذن في اني ازحلق اي سؤال .. ودي أزحلق هالسؤالين

4 / هوايتك المفضلة ..الانترنت .. كتابة الشعر والخواطر .. الفن التشكيلي .. السباحه ..

5 / في المستقبل الباهر .. ستكونين .. ماذا تتمنين أن تكوني ؟؟
أن أتخرج بمعدل عليه الكلام لكي يتسنى لي أن أكون معلمه ..
أو ان ألتحق بالسلك الأداري ..

6 / صديقتك المفضلة ؟
هي من تحافظ على مشاعري .. وتكتم أسراري .. وأجدها وقت ما أحتاجها .

7 / إنسانه تحبكِ تعرفين السبب ؟؟
ولله الحمد قد حظيت بمحبة الجميع ..
كقبضة اليد قلبي في مساحته .. .. لكنه ساحة كبرى لأحبابي ..

8 / إنـسانه تكرهك تعرفين السبب ؟؟
للأسف فيه بنات تفكيرهم جدا سطحي .. وما ينظرون للأمور بتعمق ..
في هالسنه اكتشفت ان فيه بعض البنات يكرهونني .. بالرغم من ان مابيني وبينهم اي شي .. ولك أن تتخيل تفاهة السبب اللي يكرهوني عشانه ..
يقولون ان شكلي مغروره وشايفه نفسي وما أتنزل اكلم أحد ..
طيب .. على اي اساس حكمت بهالشكل ..
تفول من هيئتها وشكلها ..
بالله عليك هذا مقياس تقيم فيه الشخص ..
وأنا أقول .. أن الهيئه والشكل مو مقياس للشخصيه .. ومو دليل على مضمونه ..
ولا تحكم على أحد قبل لا تجلس معاه .. وتاخذ وتعطي معه بالكلام .. وتشوف طريقته وأسلوبه ..

9 / لونكِ المفضل ..الوردي .. والسماوي . والتركواز ..

10 / عطرك المفضل ؟؟
جميع عطورات CHANIL

11 / أكلتكِ المفضلة ؟؟
أمممممم .. مكرونه بالباشميل .. والتبوله والفتوش ..
هذي انعمي لما اشوفها ..

12 / شيء لا تستغنيين عنه .. ما هو ؟؟
الانترنت .. ورقتي وقلمي
وربي اليوم اللي يخلص فيه الاشتراك .. احس ودي انتحر ..

13 / أجمل مرحلة دراسية مرت عليك .. وما السبب ؟؟
كل مرحله دراسيه لها طعمها الخاص ..
الابتدائي لها طعم .. كذلك المتوسطه .. والثانويه .. والكليه ..
بس الكليه لها طعم ثاني بحكم انها غير عن المراحل السابقه .. لانها مليئه بالتجارب ..
وتقريبا أحلى شي العام الماضي .. لاني فيها خضت تجربة التدريس أثناء التطبيق في المرحله الميدانيه ..
وجربت الوقوف امام الطالبات بعد ماكنت طالبه ويوقفون فوق راسي ..

14 / شاعركِ / شاعرتكِ المفضلين و أجمل كتابتهم ؟
الشاعر المفضل / حامد زيد
كل قصائده روعه .. قديمها وجديدها ..
بس فيه قصيده من قصائده أكثر شي عاجبتني والى الان وهي ببالي ودايم اسمعها ..
اللي هي قصيدة (( الحلم ))

15 / مثلكِ الأعلى في الحياة ؟؟
الماما والبابا الله يخليهم لي ..

16 / حكمتكِ المفضلة ماهي ؟؟
ما كل مايتمناه المرء يدركه .. .. تجري الرياح بما لا تشتهي السفن ..

17 / هطول المطر بماذا يذكركِ ؟؟
يذكرني بمدى سعة رحمة الله تعالى بعباده . . وأنو مابعد الضيق الا الفرج ..

18 / شروق الشمس ماذا يوقظ فيكِ ؟؟
الامل المتجدد .. والتفاؤل بيوم جديد ..

19 / أين تجدين الحب الكبير ؟؟
الحب الكبير إستحاله أن تعثر عليه في غير قلب الأم

20 / مدينة لا تفارق خيالك ؟؟
باريس

21 / كيف تقودين الآخرين لحبك ؟؟
بالتعامل الراقي والأسلوب الجميل .. والاحترام .. والابتسامه .. والكلمه الطيبه ..

22 / هل تشتاقين للحزن ؟؟
طبعا .. لا .. لأن الحياة لا تخلو من الحزن والكدر .. فلماذا استعجل على الحزن .. وأشتاق اليه ..
فهو لا بد أن تأتي لحظات كئيبه وتعكر لي لحظاتي ..

23 / شخصية تودين مجالستها ؟؟
نبينا محمد صلى الله عليه وسلم .. أسأل الله لي ولكم أن يجمعنا به وننعم برؤيته ومجالسته ..

24 / عندما تضطرين لمجالسة شخص لا تحبينه ماذا تفعلين ؟؟
في تلك اللحظه .. أحاول جاهدة أن لا يبين له ذلك ..
وأبدي له بأني سعيدة بالجلوس معه .. لأني لا أحب أن أجرح أي احد مهما كان .. حتى وإن كنت لا أرغب بمجالسته ..

25 / أنتِ تجاملين ؟؟
صراحة اضطر للمجامله في اغلب الاحيان ..

~ أتمنى أن تكون خفيفة الأسئلة عليك أختي خجّل .. وأي سؤال ما تهضمينه لا مانع من الزحلقـه ~

يعطيك العافيه اخوي متقروش .. وبالعكس .. أسئلتك كانت مثل العسل ..
ولقد تم زحلقة مايمكن زحلقته ..
وانشالله أكون جاوبتك بالشكل اللي يرضيك ..

دمت بسعاده