السلااام عليييكم

جايبه لكم رواية اقدر احلف ان اللي يقرأ مقدمتها ما يصبر لين يكملها

رواية جميلة رائعة كويسة كل حاجة زينة

اسرد لكم شخصيات القصة وبعدها أبدأ بالفصل الأول منها


الشخصيات اللي ظهرت في القصة حتى الآن وقد تستحدث شخصيات أخرى لاحقاً هي :

سليمان : ويدرس الفصل ما قبل الاخير في جامعة الملك سعود كلية العلوم الادارية قسم ادارة أعمال يعيش في عائلة دون المتوسط ولكن لا تصل الى مرحلة الفقر .

راشد : يدرس في جامعة الامام قسم شريعة وملم بكثير من القضايا الدينية بحكم تخصصه يؤدي الفروض لكنه يسمع أغاني يصوم الست بس اذا قفلت معه قام يلعّن

حمد : خلص الثانوي ولا دخل جامعه لأنه مال من الدراسه ، ولقا له ابوه وظيفة بسبعة الاف في بنك ، أبوه تاجر

خلود : وحده متزوجه في القصة

اتصل سليمان براشد بعد صلاة المغرب متشكياً له من طفش يعاني منه هذا اليوم بدون سبب وخذتهم السواليف الين تواعدوا بعد صلاة العشاء في كوفي شوب وتكفل سليمان بالاتصال براشد وفعلاً بعد صلاة العشاء جاء راشد وحمد وحضر كذلك صديقهم السبيكه هاني برفقة راشد وبعدها بربع ساعه جاء سليمان وقال راشد : كالعاده يا سلوم لازم تتأخر المشكلة انك أحرص واحد على هالجمعه .... جلس سويلم على الكرسي بعد ما صافحهم وفك زرار ثوبه الفوقاني وقال يا عيال قسم بالله بغيت أموت من شي شفته وانا جايكم .... فقال هاني ليش وش السالفه فقال له سليمان انت كل تبن ( فأخذ هاني يحرّك كوب الموكا غير آبه بطيحة الوجه) رجّع سليمان شماغه شوي عشان ينفّس عن مقدمة رأسه وقال وهو ينقّل عينيه بين راشد وحمد وكأن السالفه مهيب موجهه الا لهم : وقفت عند الصيدلية اباخذ بندول وانا طالع من الصيدلية وألقا لكم وحده راكبة في كابريس 2007 قدام ومعها بزر ابو سنه تقريبا تلعبه وعيونها تدوّخ أطلق شنب ، قعدت اناظرها و في عز مناظري لها عطتني نظره و بان على عيونها انها ابتسمت وأنا مبلّم مع عيونها وجلستها بنت كلب تدل على ثقة في نفسها .... انسجم حمد مع السالفة وبدت ملامحه تتحوّل الى الحماس الشديد... بينما بدت على راشد علامات الفتور و عدم الإكتراث بما يقوله صديقه .... فأكمل سليمان : أشرت بيدي كناية عن كتابة الرقم وأشرت براسها وهي تبتسم يعنني لا منيب موافقة واطلع قلم من الدرج واكتب رقمي بسرعة وانزل و أدس الرقم مع الدريشة اللي كان مفتوح منها شوي وما أمداني أذب عليها الرقم إلا وطلع واحد من الصيدلية الظاهر انه زوجها (فقاطع هاني سليمان وهو يتمرجح بالكرسي قائلاً وش دراك أنه زوجها ) فرمق سليمان هاني بنظرة تحمل رساله مفادها ترى ابالعن والديك ان قلت شي .... رجع هاني اعتدل في جلسته وهو طايح وجهه ثم أكمل سليمان سالفته ....ومشيت انا وتوقعت أنه شافني و مشيت لسيارتي بسرعه وقفلت البيبان وناظرت هالرجال و ركب السيارة وحطه على الـريوس ومشى ما درى عن شي ...... استشاط راشد غضبا وقال ياخي انت ما تخاف ربك لا ووحده متزوجة ياخي من دق باب الناس دقوا بابه فتدخل هاني مرة أخرى وقال وهو يضحك يمكن ان بابهم خشبي و بابه حديد.... رد حمد على راشد وهو يبتسم ابتسامة اللي وده يصير مكان سليمان : ياخي هي اللي فكّت مع سليمان وبعدين ياخي كل الشباب اللي من أسناننا يتعرفون على بنات ما فيها شي الواحد يبتل يكلم فحوله شرواك والله انه يجيني اسهال كل ما كلمتكم من شين اصواتكم خل الرجال ينبسط شوي .... غيروا سالفتهم وبدا الأصدقاء يضحكون ويذبون على خلق الله وخذتهم السواليف فوق الساعة وفجأة رن جوال سليمان .... نعم لقد كان الرقم غريب ورد سليمان ثمن ابتسم ابتسامة حياء وهو يومئ بيده لأصحابه ليسكتوا وهم يسمعونه يقول بصوت خافت بخير ... انتي كيفك ... ثم قام سليمان من كرسيه و مشى الى أن توارى عن أصدقائه وعاد لهم بعد ربع ساعه بابتسامة عريضه لا تفارق محياه ... كلمت كلمت والله يا هي دلع وخفيفة دم يا عيال ...ومواعدها الساعه 11 اباتصل عليها. أكمل الاصدقاء تلك الليله سواليف و استأذن سليمان الساعه 11 الا ربع

الساعه 7 بعد المغرب كان سليمان يتقهوى مع أهله وبدى أبوه يقول لأم سليمان هاه متى تبينا نزوج هالشيخ ...فانقض سليمان مقاطعاً والده : موب أول المفروض تشترون لي سيارة بدال هالكسره اللي مفشلتني عند خلق الله ... كان سليمان مستاء من معاملة اهله لأخوه ناصر اللي اصغر منه بسنتين ومعه سيارة هوندا 2006 بينما سليمان معه أكسنت 99 ومصروف ناصر اكثر من سليمان لأن ناصر لديه شخصية قويه لحوحه تفرض على اهله تلبية اغلب متطلباته بينما مرح سليمان وبساطته خلت اهله بالكاد يوفرون له الحد الأدنى من متطلباته أخذ الأب ينظر الى ابنه سليمان بابتسامه الأب الحنون أزاحت عن سليمان كل نوبة الغيرة من اخوه وفي هالأثناء رن جوال سليمان لحظتها فاستأذن من أهله وصعد الى غرفته ليقضي وقته مع صديقته الجديدة التي لم يمضي على معرفته بها يومين.

بدأت العلاقة بين سليمان وخلود تأخذ منحى الارتياح التام والتحدث براحة الى أن بدأ كل منهما يسرد للآخر ما يتكدس في صدره من هموم وأحلام كشفوا أوراقهم الكاملة وكشفت خلود لسليمان مدى معاناتها الكبيرة مع زوجها الذي اغتال براءتها ودمر روحها الحالمه .......أجابت خلود على سؤال سليمان عن حياتها بشكل عام وفي بيتها بشكل خاص فقالت خلود بعد أن سكتت لبرهه أخذت فيها نفساً عميقاً... سليمان أنا كنت أعاني من شكوكه المجنونة كان يتخيل انه كل ما طلع من البيت يجيني رجال ينام معي حاولت أحتويه فترة من الزمن لكني قاسيت كثير كنت أقرف من من مجرد تخيل شكوكه الا أنه بدا يهاوش و يمد يده ويهمز و يلمز ووصلنا إلى مرحلة أنه إذا كلمت أمي والا أختي والا وحده من صديقاتي يدخل علي و يسحب الجوال مني فجأة وبكل قوته يتأكد ، ومع ذلك كنت أحاول أني أعالج الموضوع بزيادة الحب له وتوفير الأمان... سكتت خلود قليلاً ثم سرعان ما عادت تردف حديثها والعبرة تخنق كلماتها و الحرقة تزيد من لظاها... وآخر شي اكتشفت أنه يعرف بنات وقال لي مرة لا تجين المجلس عندي رجال وسويت لهم الشاهي وآخرتها اكتشف من الكعب النسائي اللي عند باب المجلس أن اللي عنده وحده ثانية تمنيت أني حاطة لهم سم في الشاهي ....