شفت القمر .. شفته
وتذكرتك
أنا وتذكرت وجهك
الضاوي
تمنّيت في وقتها لو
شفتك
تنوّر لعيني هالعالم
الخاوي
يا شوق سواد عيني
لطلتك
قلبي بليّا قلبك والله
غاوي

هب النسيم
بريح الياسمين
وهزّني.. هز أغصان شوقي
"رجفه" ..!
وشعور غريب
تسللو لعروقي ..

ذكريات
ما قد طرت وطرت
أحلام
حلوه قدّامي تسطرت
حسّيت
السما بالحنين أمطرت
حسّيت
الدنيا بالحب تعطرت

طرت على بالي
طواري .. وطراوي
يومنّي لمحت
طيف وجهك الضاوي

غمضت عيوني
ورحت لبعيد وسرحت
مدري وين ؟
وصلت ولا وين رحت
انجنيت أنا
وطرت فالسما وفرحت
ناديت وحكيت
تكلّمت صرخت وبحت






ونطير أنا وياك
نشعل الدنيا والكون أفراح
والنجوم تلالي
ويضوّي علينا ضي القمر

أحتويك "وتحتويني"
وأروي فيك
ومنّك حنيني..
واحساس يجتاحني
وشعور غريب .. بينك وبيني
وأتوه "بخطوتي" ولا أدري
ولا أبي أدري
أنا ويني ..!


ابتسمت..
لكني شوي
"تألمت"..!
لما ذكرت انّه سراب
مر قدّام عيني وغاب
وتكلّمت..

وأنا داريه مستحيل
بتسمع همسي وبوحي
مهما غنّيت مواويل
وزاد حكيـي ونوحي

تخيّلتك في هالليله
"تجيني" ويكتمل فينا البدر
نضوّي الشمعه
ونشعلها تحت حبات المطر


ارجع خلاص
أنا استسلمت..
"فهمت" الدرس زين
وتعلّمت شنو المووت ..

صدقني بغيرك
ما غيّرتك..
أنا فخيالي
أنا صورتك
وعلى جمر الوله
منتظرتك..
شفت القمر
شفته..
شفته..
شفته .. وتذكرتك ..