السلام عليكم ورحمة الله وبركاته

وعليكم السلام ورحمة الله وبركاته


معليش يا قلبي يا متقروش بس انا بعد لازم اسالك اللي في خاطري

ولو ياغآلي .. إسأل اللي بخـاطرك ..

وهذي اسئلتي اتمنى ما تضايقك

لا مضايقة ولا شيء .. إن ما جاز لي سؤالك بأعطيك مخـرج :thumbup[1]:


-مـن أنت؟

أنآ الذي خلق الله أصلـي من صلصال من حـمإ مسنون .. أنـا الذي خلقنـي الله من ماء مهين .. أنا الذي خلقنـي الله في أحسن تقويم .. أنآ الذي صورني الله في رحم أمـي كيف شـاء .. أنآ الذي نزلت من بطن أمي باكياً والناس حولـي يضحوِن سروراً .. أنآ الذي كرمنـي الله وفضلنـي على كثير ممن خلق تفضيـلاً .. أنآ آلذي خلقنـي الله لعبادته .. أنآ الذي علمنـي الله ما لم أكـن أعـلم .. أنآ الذي خلقني الله ضعيفاً .. أنـا الذي إذآ مسنـي الضر دعوت الله لجنبي أو قاعداً أو قائمـاً .. أنا بني آدم الضعيف .. المستضعف ..
أنـا خـالد ..

2- منبع قوتك

عـقـلـي ..

3-قـدوتك

طبعاً كأي مسلم قدوتي رسول الله صلى الله عليه وسلم ..

4-أول بيت شعر شعرت أنه لك وعنك؟

لم أجـد ..

5- أفضل بيت شعر المفضل لديك؟ ولمن تهديه

أبيات الشعر الجزله كثيرة .. ولكن أعجبني هذا البيت خصوصاً

الليل والخيل والبيداء تعرفني ... والسيف والرمح والقرطاس والقلم

وأهديـه لكل من لا يعرف متقروش ..

6. اسم مدرسك الذي لاتنساه؟

عبدالله العامري ..

7. أول نص كتبته وقرأته على غيرك؟

لا أذكر صراحةً ..

8. أول نص كتبته ولازلتَ تخفيه عن عيون الناس؟

مرثية في أحـد الأصدقاء رحمة الله عليه ..
9-مرادف الكلمات التالية....(رد بكلمة واحدة فقط)
البريق- الحياة- الكلمة - الضعف -الحبر -رومانسية - اللغة

للأسف أخوي عالم الوله .. أستطيع أن أرد بكلمة واحدة .. ولكن لن أكون راضي عن ردي هذا .. فلك أن تفتح لي المجال .. أو اعفني من الإجابة ..


10- لمن تقول شكرا؟

لكل من مـد لي يـد عـون ومساعـدة ..

11- لمن تقول عفوا ولماذا

لكن من شكرني .. لماذا / لأنه شكرني < بدا يخور :giveup[1]:

13- لمن تقول ظلمتك

لكل من أخطيت بحقه قاصداً أو غير قاصد ..

14- لمن تقول ظلمتني

لمن ظلمني ..

15-لمن تقول زديني حبا زيديني

للمخدة ..

16-أول ذكرى لازلت تذكرها من طفولتك؟

ذكريات الطفولة كثيرة ولكن أبرزها بالأكيد هي المواقف المدرسية في الإبتدائي ..

17- ذكرى حزينة تلازمك؟

ولماذا أجعل الحـزن ملازم لي ؟؟ لا توجـد ذكرى حزينة ملازمـة ..

18-ذكرى سعيدة...تبيد أحلك الأحزان؟

No Answer

19- لونك المفضل؟

الأسـود

20-وجبتك المفضلة؟

المشاوي بدون تحديد ..

21-كلمتك المكررة؟ غير الشماته فيني

هههههه .. كلمة مكررة ؟؟ اممم بصراحة ما عندي كلمة مكررة ..

22-جملة شهيرة ترددها؟

لا تحسب المجـد تمراً أنت آكله .. لن تبلغ المـجد حتى يجيك ما جـانا

23-المادة الدراسية التي عانيت منها!؟

الحمـد لله ما عانيت من شيء .. كل شيء كان ماشي تمـام ..

24-عطرك الذي تستخدمه؟

في عطر أستخدمه وهو طبعاً خاص يسمى مخلط الشيوخ ..

25- ماهو المستحيل بنظرك؟

لا مستحيل - بإستثناء الأمور التي آثر الله بها نفسه - ..

26-هدفك الذي تراه يستحق العناء

لو تحـط أهداف ممكن أجاوب على السؤال ..

27- أسوأ عادتك

الغضب سريعاً ..
28- مارأيك بــ:
( الحقيقه - الخيانه - الصداقة بين الجنسين -الأسرة -الشات-الوهم -الأصدقاء- الغيرة- الماسنجر-شمس الصباح-المنتدى- الحنين- النوم- دكه الأنس- الانتصار-الظلم )

الحقيقة : أمر لا بد من معرفتـه ..
الخيانة : قبّح الله من يخون ..
الصداقة بين الجنسين : تحتاج لكتابة وتفصيل فاعفني عنها الآن ..
الأسرة : محيط إهتمامي ..
الشات : إعتزلته رسمياً ..
الوهم : شيء جميل للكسول ..
الأصدقاء : لا بد منهم في حياتك لمساعدتك وعونك ..
الغيرة : جميلة ولكن ..!!
الماسنجر : زحمة يادنيا زحمة
شمس الصباح : منعشة ..
المنتدى : أخوان وأخوات في عالم إفتراضي ..
الحنين : إسم لموقع أحد الأصحاب :>
النوم : خذ منه مايحتاج جسمك ولا تزود ..
دكة الأنس : تفرقت الشلة :(
الانتصار : له لذة خاصة ..
الظلم : ظلمات يوم القيامة ..

29-لمن تضحك وأنت تبكي؟

لم تمر عليّ فلا أستطيع إجابتك ..

30- لمن تهمس أحبك؟

لماما وبابا < صورة بزر عمره 4 سنوات وسعابيله تقوطر ..

31-لمن تصرخ بأحبك؟

الأولى همس والثانية صراخ ؟! الله يخارجنا
أصرخ لك < صورة قلب ينبض >
(( الهمس غير الصراخ خليك دقيق بإجابتك ))

ماعليك لابس النظارات :>

32- لمن تهدي باقه اعتذار

لكل من أخطيت عليه وأسأت له ..

33- من أبكاك ولماذا؟

اعفني من الإجابة

34- من ملكك بكلمه

ملك الإحساس < تذكرونه ؟

35- تصرف من شخص أثار اعجابك

قابلت الكثير الكثير .. فلا أستطيع التحديد لك ..

36-ما الأمنية التي تتمناها سرا

خخخخخخخ دامها سر شلون أعلمكم ؟؟

37- ما الجسر الذي تخشاه

الجسر المعلق كل ما مريت من عليه أتخيل إنه يطيح :(

38- من الذي تمتلك قلبك الآن

أمي ..

39- موقف محرج بالتفصيل المممممل

قبل يومين .. كنت جالس في إستراحة مع اخوياي .. المهم قاعدين نسولف ومالنا من الشيطان طاري إلين جابوا طاري واحـد " خـال " عندهـ إستراحه بجنبنا وقعدوا يحشون فيه المهم انا ساكت وهم ماسكين خط محشات فيه عاد انا قلت في نفسي كل واحـد منهم مسوي نفسه يذب خلني أذب معاهم فقـلت : والله لو ان شعر هالخال عندي كان فصلته بشت .. ضحكوا العيال وأشروا لي على إن في واحد وراي وألتفت إلى وهو واقف فوق راسي .. عاد تعال دورني خخخخ تشوف خشمي نقز تحت المركى وعيني عند ابريق الشاي بس طلع الخال حبيب وتفهم الموقف ومشاها لي < والحمد لله ما جا في السآلفة تفقيـع وجه أو ترفيـع ودق ركب وأكواع


40- مساء أحسست به بالوحده

مساء الإثنين .. الموافق أربعطش نوفمبر < الحين نوفمبر جا ولا بآقي ؟؟


41- رأيك وبصراحه يامتقروش بالأعضاء..

عالم الوله

ياشينك يادب .. حـاط نفسك أول واحـد عشان أمدحـك بزيادهـ < تفكير خسيس ههههههه

~ عآلم الولـه ~

مهجول يحمل رتبة مشرف الصور والتعليقات .. يقولـون إنه قدم على قرض من البنك الأمـريكي يبي يشتري له عدسة كانون سعرها أربعة وستين ألف ريآل قلنا ليه يا عالـم قال نفسي أصور عيون الذباب من قريب وأشـوف هو صدق الكـلام اللي يقولونـه إن الذباب عندهـ أكثر من 12.000 ألف عين ( ملاحظة وش رآيكم بالفاصلة اللي تفصل الــ12 عن الــ000 ؟؟ )
المهمـ لو تبون تعرفون ليش عالم الوله غاب عننا اليومين الماضية .. السبب إنه حاول يجرب هالعدسة المجهريـة اللي تقرب وقآل ياولـد خلني أصور خشتي مـن قـريب من بآب تجريب العدسـة وفعلاً صور خشته ودخل في غيبوبة نتيجة ما شاهدهـ من صور مرعبة ومجازر مؤلمة في رآس خشمة من الحبوب السوداء هههههههههههه
عآلم الوله يا مهجوِلين مشرف كبير آد الدونيا لنا والله الشرف إنه بيننا كأخ ومشرف ونتمى له التوفيق ونشكرهـ كل الشكر على كل جهد يقدمه للمنتـدى بيّض الله وجهك يابعـدي ..


~ هزيم الرعد ~

إذا جينا عن أخلاق هذا المهجول فهو قمة في الأخلاق وطيبـة القلب .. وإن جينا عند التميّز فهو متميز وإنسان كويّس ويحب الوطن ويحب كل شي صالح ويكره الطالح .. ومهما تكلمت أخاف انقص بقدرهـ لأن قدرهـ كبير ولو تكلمت عنه ما وفيته حقه .. " أحبك يا قدع " ..



~ الكينج ~

الكينق كاتب من الكتاب الكبار أصحاب المواضيع التي لآ تنضب لازلنا نذهب إلى هذه اللحظة لمواضيع كتبها وهو طالب في الإبتدائي قسم حداده < لا تدققون :>
الكينق أحد الذين تتلمذوا على يد الشيخ متقروش أثابه الله ..
الكينق بذل الكثير لكي يرتقي بأفكاره يمتلك أحد أفضل كتيبة مجاهيم مسلحـة ومكتوب في كرت زواجه ممنوع دخول المغآتير مرهـ سافر للتبت والتي تقع في أعالي جبال الهمالايا على حدود الصين وشآف حيوان اللاما فجلس يصيح ويقول سبحان الله ورى مجاهيمهم ما فيها سنام وراهم عرّضوا هذا الحيوان الأليف لإشعاعات نووية وإشترى له مجموعة وحلف إنه يعالجهم على حسابه الكينـق ما نقول غير شكراً لك على كل ما بذلته من جهد وما قدمته لنا من وقتك .. وتاريخ الكينق صراحةً كبير حتى إن ابن خلدون ذكره في مقدمة كتابه فمن باب أولى أن نقدم له الشكر فشكرا يا حبيبي ..


زلزال الوله
معشوق نانسي
امير بكلمتي
اسير الحرمان
تايه الخطوة
رجه بس رزهـ
بنت الشيوخ
روح الغلا
غنوجه
كوين
بلاك روز

وآخيرا وليس آخرًا لي عوده بإذنه تعالى ولا يسعني بهذه اللحظه سوى الدعاء لك بالتوفيق والسداد
*ومضه أريد الإجابه واضحه شكلا ومضمونا ولا تحاول التزيف..فضلا ليكون حجم خط الكتابة 6
بالتوفيق وقلوبنا معك



* بإذن الله لي رجعه وتكملة للإجابات *

* تكملة أسئلة عالم الوله *


رأيك وبصراحه يامتقروش بالأعضاء..

زلزال الوله

أخ وصديق صدوق صادق الوعد منصفاً ، متميّز في مواضيعه مبدع فيها ، أكن له كل الإحترام والتقدير ..


معشوق نانسي

مهما تكلمت في معشوق سيظل مقصر معنا < جاب العيد هههههههه
بصراحه مهما تكلمت في معشوق راح أنقص حقـه .. معشوق يامهجولين عضو مخضرم من الرعيل الأول .. من أوائل المسجلين في المنتدى حتى إنه لحق على الإستايل البيـج القديم .. الذي كان أول ستايل في المنتدى .. له جهـود كثيرة لرفعة هذا المنتدى المعـطاء .. معشوق وقسم إني أحبك ( صورة قلب ينبض ) ..

امير بكلمتي

ودي إني أعرفه خارج النت :> .. مهجول جديد بقراطيسه بس أثبت وجوده له من أول ما سجل في المنتـدى .. أتمنى له الإستمرار معانا .. يحفظك ربي يالغـالي ..
اسير الحرمان

مهجول منتـاز .. تعجبني تصاميمـه ببساطتها وروعتهـا .. كل التقدير والإحترام لك يابعـدي ..

تايه الخطوة

مهجولن جـديـد .. بدا يمـون علينا .. تعجبني ردودهـ في منتدى الشعر فصرت أتابعهـا .. لك كل تحية وتقدير < معاهم بوسه بس بأرسلها لك ع الخاص :>


رجه بس رزهـ

أحتـار وش أكتب إذا وصـلت عند هالنك :> .. من المهجولين الفعّالين بالمنتدى .. شعلـه من النشـاط ماشاء الله عليها .. أعتبرها الأم الروحية لمنتدى ألعاب المهجولين :>


بنت الشيوخ

الكل يدرك تميّز هذه البنيّـه في المنتـدى .. إنسانه لابد عليك أن تحترمها وتنحني لتميزهـا وإبداعهـا .. الله يخليـك لعيـن ترجيـك يابنوتـه ..

روح الغلا

حاضرة غائبة .. مهجوله من العصور الوسطـى للمنتدى .. فلته في مواضيعها دائماً متميزة .. ودي أزنطها خصوصاً بعد ذبتها عليّ في موضوعها فضائح مشرفين وأعضاء المنتدى :> .. أسلوبها أخوي جميل .. تفرض على الكل إحترامها وتقديرها ..


غنوجه

مشاء الله تبارك الله .. أذكرو الله ياجماعة الخير ولله الناس يحسدونا على مشرفة مثل غنوجـه ..
مميزهـ في كل شيء في الطرح المواضيع وفي الردود اللي تخلي صاحب الموضوع يفتخر أنها ردت على موضوعه .. أفكارها دائماً متجدده وتواجدها دائماً في القمة .. ولكنها أبلشتني بفكرتها في موضوع كرسي الإعتراف ههههههه .. يحفظك ربي وما ننحرمش منك ..


كوين

أتمنى إني أستنسـخ 5 أعضاء من هذه العضوة .. ونقفل التسجيل ولا عـاد نبي زود :> .. كوين ولايحتـاج أزيد متميزة بكل ماتعنيه الكلمة .. من ردود من طرح للمواضيع من تعامل وأخلاق .. كل الإحترام والتقدير لك ياكوين ..


بلاك روز

أختي عزيزة وغاليـة .. كل ما أشوف نكها أتذكر الصديقة المسالمة .. من قدامى المهجولين .. جت لها فترة كانت شعلة في المنتـدى .. كانت ومازالت عزيزة وغاليـة.. الله يحفظك يادودو ويوفقك في دراستـك ..



~ أخيراً في ردي على أسألتك والذي استغرق ساعتين وخمس وأربعين دقيقة .. أقول لك يآعآلم الوله .. لك معزة خاصة على قلبي وجلدك لي بالأسئلة هذه زاد هالمعـزهـ فلذلك توقـع إني بأجلدك إن لقيتك بالمقهى فلذلك حاول إنك تتحاشاني إلين أبرد شوي هههههههه ~

فعلا عضو مميز عكس لنا طابع الهدوء في مشاركاته

تسلمين ..

مساك الله بالخير اخوي متقروش وعندي لك كم سؤال :

مساك الله بالرضى والعافية .. واسدحي مالديك حتماً سأجاوب عليها أو أعطيك أقرب مخرج :>

السؤال الاول : مستواك العلمي ؟

رابع إبتدائي .. وماخذها ليلي ..

الثاني : هل لطفولتك تأثير علي حياتك الحالية ؟

لا أحـد ينكر تأثير الطفولة على المرء - سواء كان تأثير إيجابي أم سلبي - .. وأكيد طفولتي أثرت على حياتي الحالية - والحمد لله التأثير إيجابي - ..


الثالث : هل تقبل المجاملات من الاخرين ؟

أقبلها نعم < يكتب الرد هذا وهو مبتسم

وهل تجامل الاخرين علي حساب نفسك ؟

أجامل الآخرين على حساب نفسي نعم .. ولكن بحدود - ولا ضرر ولا ضرار - ..


الرابع : هل يملك متقروش إرادة قوية تجعل منه شخصا مميزا ؟

أكيـد ..


الخامس : هل اتخذت قرار ما وندمت عليه ؟

نعم


السادس : حين يتعرض متقروش الي حالة من الحزن او الفرح

هل يبوح بذلك ؟ ولمن ؟

إن كان فرح فحـدث ولا حرج أعلم حتى هندي البقاله .. وإن كان حـزن أفضل كتمانه لكي لا أضايق صديق ولا أفرح عدو ..


السابع :صفات يكرهها متقروش في المرأه؟

كثر الكلام ..


الثامن :ما :لمن يهدي متقروش هذه العبارات

شكرا : لكل من ساعدني ومد يد عونه لي ..

يجي منك اكثر : لكل من غلط بحقي ..

ليتني ماعرفتك : .....

لو الاعمار تهدى لاأهديتك عمري : أكيـد لأمي ..


التاسع :رايكـ بالحب عن طريق النت ؟؟ _ وهــل جربته يوماً ؟؟

الحب عن طريق الإنترنت هاوية كثير من وقـع فيها .. ولم أجربه والسبب تحكيمي عقلي والحمد لله ..


العاشر:ضع اسامي الاعضاء في الاماكن الصحيحة ..!!


عـضـويـن تـتـابـع جـديـدهـم ؟ " الكيـنق + بنت الوادي "

عـضـويـن تـمـوت عـلـيـهـم ؟ " الزعيم + الكينق "

عـضـويـن كـسـولـيـن ؟ " الزعيم + هنوده "

عـضـويـن تـقـدم لـهـم ورده ؟ " عالم الوله + نوره "

عـضـويـن تـتـمـنـى حـالـيـآ تـلـتـقـى بـهـم ؟ " أمير الذوق + المقام السامي "

عـضـويـن ردودهـم تـنـشـط الـمـوضـوع ؟ " كوين + وردة العشاق "

عـضـويـن هـادئـيـن ؟ " بلاك روز + نوره "

عضوين تحترمهم جدا ؟ " الصديقة المسالمة + وردة العشاق " ..

عضوين مفتقدهم ؟ " الزعيم + الغريب "

عضوين دائما تواقيعهم جميله ؟ " الغريب + بنت الوادي "

عضوين تحبهم في الله ؟ " كل المهجولين والله "

عضوين دمهم خفيف ؟ " رجه بس رزه + الكابتن مناحي "

عضوين ردودهم جميله ؟ " الكينق + كوين "


~ بنت الشيوخ ~

أتمنى إني جاوبتك على ماتبغين .. شآكر لك أسئلتك الحلوه