السلام عليكم ..

أخواتي .. عضوات المنتدى الموقرات ..

أهلا بكم في هذه الجلسه التوضيحيه التي توضح كيفية اصطياد المعرس اللي عينك عليه ..

كيف تصطادين المعرس دون اللجوء الى الأساليب السقيمه من المغازلات والترقيم والتلميح اللي ماله سنع والترزز بالأسواق ..... الخ

= أهم شي نشني على العجوز اللي حاطه عينك على ولدها ثم نفذي مايلي :

1-خليك مع أمك ولا تروحين مع البنات وتستهبلين ,إصبري عنهم كم شهر لين تتم العملية .

2- إمشي وانتي حاطه راسك بين كتوفك ولا ترفعينه أبد حتى لو عورك (خلي الفكس دائما في متناول يديك)

3- كلمة "خالة" خليها دايماً على لسانك خاصة لأم المعرس عشان تحس بنوع من التميز عن باقي العجايز .

# ملاحظه #
لا مانع من انك تنادين عجوز ثانيه بخاله عشان اذا ما نجحت الخطه مع العجوز نمبر ون تنجح مع العجوز نمبر تو (الإحتياط واجب وأنا اختك)

4- إذا بدت امك تتكلم إنغزيها بكوعك عشان تدخلك في السالفه حتى لو مالك داعي

5- إخوانك الصغار لاحقيهم وطامري معهم وين مايروحون حتى لو مو عادتك بس تصرفي معهم كأنك أمهم عشان العجوز تاخذ فكره انك راح تكونين حريصه على عيالك مستقبلا .

6- كل ما أكلت أمك من أكله زينه خليها تقول : نفس الأكله اللي تسويها بنتي , حتى لو ان الأكل من مطعم صيني أو مكسيكي .

7- إذا جيتي بتمدين إيدك توجعي وخلي أمك تقول : قايلة لك وأنا أمك لا تنظفين جدران البيت الخارجيه .

>>>>> الحين نظفي بالأول غرفتك اللي تقولين ثايره فيها قنبله ذريه

8-أذا تكلموا الحريم عن العرس إكتمي نفسك لين تحمر خدودك عشان يقولون البنت تستحي ومالنا حق تكلمنا عندها

>>>> بس لا تكتمين نفسك مره ثم تروحين فيها وأصير قتلت نفساً بغير حق

9- مهما كان موضوع الحوار حماسي لا تبدين رايك خليك مثل البكما لأن اللقافه تجيب أجل الخطبه ..

10- شعرك إفرديه لا تخلينه طاير ولا تجعدينه مهما كانت الموضه لأن العجايز مايدورون الا اللي شعرها ناعم

11- إذا أدلت العجوز {أم المعرس المتوهق} بأي رأي سواء كان رأي سياسي أو وطني ولا اقتصادي وافقي عليه حتى لو انه ماصخ وماله داعي .

# مثلاً #
تقول العجوز : بوش متقهوي عندنا البارح قولي لها : وليه ما قلتي لنا ياخاله نجي نساعدكم ونفزع معكم ؟؟!!!

12- في الزواجات اضغطي على نفسك واقضبي ارضك ولا ترقصين واعتبري الرقص عيب وشق جيب

13- إذا جا طاري السوق وهو لازم يجي الطاري لأنه ملح الجلسه عند الحريم خلي أمك تقول : بناتي ما يحبون يطلعون السوق , يوصون ابوهم ويجيب لهم أغراضهم .

= ألحين العجوز بتكون وقعت في الفخ

( نروح للمعرس ألحين )

1-إهجدي في بيت أهلك ولا عاد تطلعين ,وإذا جا المعرس بيشوفك خلي أبوكي يقول والله ودي تشوف البنت بدون ماتدري عشان تاخذ راحتك وأنا عمك وبعد تشوفها على الطبيعه ماتقول غشيتوني .

>>>> أي هين يالشايب والله لو بيدك إن تحط بدالها نجوى كرم

2- قبل يجي اليوم اللي بيشوفك فيه بحوالي أسبوع أو أكثر (حسب درجة جكر الوجه) .. طامري من صالون لصالون ـ صبغ , فرد . تنظيف بشره .. الخ ..

3- إذا جا المعرس خلي أخوكي يوقف جنبه عشان ما يطول وهو يبحلق ويبان المستخبي وذلك تطبيقا ً لنظرية ( اللمحه ذبحه )

4- في نهاية المشهد خلي أبوكي يقول : معليش وأنا عمك ترى البنت محيوسه شوي ,

>>>> ما عليه يالشايب تنصب وتأرنب على المسيكين

وبهاللحظه الولد بينط على راس الشايب لين يشفط مخه وبيقول : متى العرس ياعم ؟؟؟

# تـحذيــر مهــــم #

إبتعدي عن أمهات العيال اللي المتعلمات ( عجوز مطور )

>>>>> وييييين جوال وأنا مدري .. خخخخخ

راعيات الشنطه نفس لون الجزمة ..

والله يوفق الجميع ..

& تـنـبـيــه &

عاد اللي بتتبع الطريقه وبيوفقها ربي .. لا تنسى تعطيني عرقتي ..
عرقتي = مجهودي خخخخخخخخ


** اتمنى يعجبكم الموضوع وأشوف الضحكه شاقه الوجه **

ههههههههههههههاي بصراحه طريقه روووعه

الله يلعن ابليسك خجوله

اجل خليني اروح انشن من الحين

وانفذ النصايح قبل لا انساها ههههههههههههه

يسلمووووو قلبوووووووو

تقبلي خالص تحياتي يالغلا

*. جنة خيالي .*

الله يخليك خيتو غنوجه .. مدري جنة خيالي

ياختي لازم كلنا ننشن من الحين

هههههههههههههههه

تسلمين ياقلبي على المرور

منـــــــــــــــــ جد ............... غرفتنا وتخب علينا ننظفهاا على قولتكــ قنبله
ذريه>>>>الله يرجكــ ضحكتني هذي خطيرره ...>>>الغرفه الحوسه مو غريبه عليهاا >>>> على قولت امي الغاليه غرفتكــ مستودع من الحوسه الى فيه >:boat[1]: >>>LOoOoL

مشكووووووره على المووووووووضوع خطيرر من جد تنفعين مستشاره في الامورالطارئه ...:thumbup[1]:

خخخخخخخخخخخخخخخخخخخخخخخخخ فكرهـ حلوهـ والله بجربها بس اخاف تجي عكسيه ياويلك مني

دمتِ بود عزيزتي ..

هههههههههههههه

لا انشالله بتنجح بس نفذي كل شي بحذافيره وماعليك خلاف

خخخخخخخخخخخخخ

مشكورين حبايبي على مروركم ..

هههههههههههههه

انشالله ان النتيجه بتكون ايجابيه ..

بس نفذي كل شي بحذافيره ومايكون الا خير انشالله

خخخخخخخخخخخخخ

مشكورين حبايبي على مروركم ..