علامك تكتم الدمعة علامك
وتنكر حبنا السلمي الدفيني
تغيب ولا تبلغني سلامك
افا يالخل يالدر الثميني
بعد ما كان محييني انسجامك
تقول انسى ولا تفكر تجيني
تجاهلت الجفا وقل اهتمامك
ومع الايام زاد الشوق فيني
وانا والله ما برضى اتهامك
تقول اني مقصر في حنيني
بعد ما راح شوقك والتزامك
وهان الحب لي بينك وبيني
تفضل غيب بقدرك واحترامك
ترى الايام ما ترضى المهيني
وانا رجوايما تنسى غرامك
عسى ان الحق من بعدي يبيني
وانا عالوعد وبنسى اتهامك
ولو ترجع عطيتك نور عيني
ولا تزعل اذا المحب لامك
وكثر الحب فاضح للكنيني
وعسى الايام تنور لك ظلامك
وتهنى بالعمر طول السنيني
للشاعر محمد علي البلوشي