الســلام عليكم ورحمة الله وبركاتهـ

هذي قصيدة قريتهآ وعجبتني في كلمآتهآ ( القوية ) وحبيت أنقلهآ لكم

وإن شاء الله تعجبكم ..

صاحبي بسألك بالله قلي وش جنيت = يوم جازيت الوفاء بالخيانة والطعون
أنت تدري بالخيانة ولا عمري سعيت = كيف قلبك طأوعك بالخيانة يافتون
بعت أنا لرضى عيونك حبايب وشتريت = عينك آللي وقتها كنت تسوالك عيون
كنت أنام بداخل حشاك لأمنك طريت = ولأنسيت أطريك بحشاي وصحابك جنون
كنت اعدك في عيوني قصيده بيت بيت = هي مجلد هي دوأوين هي عدة متون
وأن غلطت بكلمتك قلت عفويه سهيت = يابعدعمري على العمر ياعمري تمون
لازعل غيرك أمن الناس وأنت آللي رضيت = وش علي أمن الملا والعواذل يقعدون
كم شكيت لنجمة الصبح منك كم شكيت = صدق من قال الغدر بالمحبه مايهون
وش عطيت أمن المحبه وقلي وش عطيت = أنت يومني اصونك علامك ماتصون
الصراحه عند مثلك بقول أو ماكفيت = مثل ماقالوا هل العرف من خأنك يخون
خابرينك والسوالف ترى كيت (ن) وكيت = أثر قلبك فندق (ن) كل يوم (ن) له زبون
يوم جازيت المواصل بصدك وش خذيت = غير نون وكاف (ن) وراء وبعد الالف نون
جاهل (ن) مالك ندامه لقربك ماعنيت = والسلامه بالمخاطب جواب الجاهلون
القلوب أتغيرت أن دريت أو مادريت = والمحبه عند شرواك لا يمكن تكون
ولا أنا وجدي على آللي اليأمني لفيت = واحد (ن) بالحب مخلص وقلبه لي حنون
كامل (ن) والكامل الله ويرسي لارسيت = بالوصايف كامل وبالمحبه لي يصون
احمدالله مخلص (ن) لا جحدت ولا نسيت = لكن الأنذال للطيب دايم يجحدون
مامسكت المصحف بسورة الكهف وقريت = أن ياجوج وماجوج هم المفسدون

المشاركة الأصلية كتبت بواسطة روح الغـلا قصيده قووويه بكلماتها رنانه بمعانيها مشكور خيو الكينق على هالقصيده الروووعه يعطيك العافيه خيو

خابرينك والسوالف ترى كيت (ن) وكيـتأثر قلبك فندق (ن) كل يوم (ن) له زبـون

المشاركة الأصلية كتبت بواسطة متقروش شآعر أجزل قصيدته بكلمآت وومعآني ووصف رآئــع صح لسآن من قآلهآ وسلمت يمينكـ يآلكينق على النقل الطيب يعطيكـ العافية