---------------------------
صفحة من حياة "مــقــــــــــروش".. هــــع

مقدمة:


" بلوتوث" من أين جاءت التسمية ؟!

"هيرالد بلوتوث" كان ملكاًُ على الدنمارك في أواخر القرن العاشر الميلادي،(والله والكوووووبه) وهو الذي أدخل المسيحية إلى الدنمارك ( ياويله من الله .. قص على ذا العالم ) بعد أن نجح في توحيدها مع جزء من النرويج في مملكة واحده، انتهت حياته بمقتله على يد ابنه "سفند فور كبيرد" في معركة دارت بينهما في عام 986م ( يمكن انهم مسمين التقنية عليه على اساس ان ذا التقنية خطيرة واحتمال كبير تقتل من يرعاها )<< طرّاه ذا الولد العاق اللي ذبح ابوه ؟!.


يدل إطلاق تسمية ذا التقنية على ما تتميز به الشركات الإسكندنافية من أهمية في مجال صناعة الاتصالات، حتى ولو لم تشر التسمية إلى الطريقة التي تعمل بها التقنية. ( صورة بقرة اسكندناااافيه معها جوال .. وتتمشى في المملكة )؟!


الموضوع:


( تعلن محطة كهربا الرياض ان الكهرب بيطفى على بعض الناس عشان ما يصير ضغط على كهرب بعض الناس ... وتأسف على الإزعاج وتقول ترى الرقاد في السطح مهوب شين ؟! )


قام (مــقــــــــــروش) وهو رابص"ن" من العرق عقب ما نام حوالي ستطعش ساعه بدون مكيف (صورة واحد من شباب ذا اليومين .. اللي إذا رقد صار تسنّه جيفة حمار .. لو يثور جنبه مدفع ما درى عنه) !
.. ضاق صدره من ذا الحر والتعب والربصه بالعرق .. وأطلق زفرة طويلة تدل على انه مهوب يحب يتروش ابد .. وانه طمل ومهوب راعي نظافه رغم انه يصرف على العطور اكثر مما تصرف (هالة سرحان) على المكياج وابتساامات وكركرة التميلح ( عليها من الله ما تستحق )!
سحّب رجليه للحمّام ودخل تحت الدش وبوبز عشان يمدي الماء يبرد شوي قبل لا يصلخ جلده .. ومع هذا طلع من الحمام بحروق من الدرجة الثانية ( بعذره مهوب يحب يتروش )؟!
تنشّف ودهن جلدة المحترق بـ(تنتريون أزرق) وصار تسنّه من مشجعين ايطاليا في كاس العالم ( مع فرق علامة الجودة ) << طرّاه ان ذا الطليان فيهم زين يهوّل هوااااااايل القلب ( وهـ بس منهم ذا الطليان ) ؟!
لبس(مــقــــــــــروش) خلاقينه وطلع للصالة وهو يصيح : يمّه .. يمّه .. وين الفطور ؟!
على غير العادة .. امه ما ردت عليه .. ولا سمع حسها .. قال أكيد انها مسيره على الجيران .. أو راقده ؟!! (صورة (مــقــــــــــروش) وهو يتحكحك ويتثاااوب) << يحلفون انك تشوف قرحة المعدة بدون منظار من كبر خشته !!
دخل المطبخ وفي نيته ياخذ خبزة صامولي بالجبن السايل و يعرمها مع كاس شاهي كما هي عادة سموه الكريم ..!<< ما ودك تكتب موضوع وأنت تسمع الأخبار ؟!
يوم دخل المطبخ ويشوف شغالتهم ( مجهولة الجنسية ) وهي تفرك بلاط المطبخ ولابسه قميص بيت قطني من كثر الغسل صاير "شيفون" ! << من مصدر الفعل شاف يشووووف شوفن فهو مشيوف!
ياللعجب .. (مــقــــــــــروش) .. جحد الشغالة وراح لكيس الخبز .. ولقط خبزة وطلع .. حتى انا وانا اكتب ما صدقت ؟!! ههههههههههههه

حتى الشغالة .. حست انها مالها داعي ... اجل مسوية زحمة وتقلد ممثلة الإغراء (وفاء عامر) وتفرك في ذا البلاط من فجر الله وتسمع أغنية المارج شااقي " سـ اتحداكم تعرفون اسمه هع هع ليدي " وتاليتها يمر من جنبها (مــقــــــــــروش) تسنّه مااارن من عند لوحة قف ! <<< طرّاه ان ذا اللوحة في ديرتنا .. مسحوووووب عليها بقوة !!
تنويه بسيط : المرأة تغضب اذا تعرضت للتحرّش .. وتغضب أكثر اذا تم تهميشها وما تعرضت للتحرّش ! ( يعني ما منها سلامة ... ابد )!!
وفي لحظة غضب الشغالة .. وتزليب (مــقــــــــــروش) لها ... تمت ولادة فكرة كلمات أغنية الأماكن .. واللي الحين يردحون عليها أهل مصر (صورة مصري مغمّض وخااااش جو مع الأغنية ويقول : جيييت قبل العطر يبرد .. قبل حتى يتووه في صمت الكلااام .. واحطريتك ) << راحت اللهجة الخليجية ملح !
الشغالة .. تضايقت مرررره ... وحست بالقهر .. ومثل عادة ضعفاء النفوس استعانت بالسحر .. عشان تسحر (مــقــــــــــروش) وتعلمّه الأدب مع رموز الفتنة في الشرق الأوسط (صورة شغالات متجمعات في مطبخ وكل وحده تقص سالفتها مع مراهق البيت) << عليهن من الله ما يستحقن .. يكبن العشاء في أقرب عزيمه! (( اهم شي لا يكبن العشاء خارج حدود البلد .. أو في سفارة ))
دخلت الشغالة غرفة (مــقــــــــــروش) وهي تنافض من ضيقة الصدر .. ولقطت أقرب شي خاص (مــقــــــــــروش) .. وكان للأسف مشط شعر فيه تالي شعر وقشرة .. وحامت تسبدها من شكل القشرة وهي تسنّها يد واحد ماكل جريش ورقد ما غسل يده !!
ذبت المشط .. ودورت تحت السرير .. وتلقى مستودع من عقب أيام حرب الخليج .. مليان مجلات وأشرطة فيدو .. وشين يعرف وشين ما يعرف ؟!
وبعد عملية فرز صعبه لمستودع (مــقــــــــــروش) .. طاح في يد الشغاله .. قطعة قماش يابسه وتخرفش .. قالت بس هذا أكيد يخرفش من توالي " إ((شطبت الكلمه لاسباب امنيه بحته )) الحياة " أو " حمض الدي ان اي " ؟!
يقول أحد شهود العيان على القصة .. ان حمض الدي ان اي عند (مــقــــــــــروش) مركّز بشكل غريب ... حتى ان الدكاتره يحلفون انهم ما قد شافو أغرب من ذا التحليل لحمض (مــقــــــــــروش).. مكتوب فيه التحليل ان عيال (مــقــــــــــروش) يشبهونه في كلش .. حتى مقاس كنادرهم 42 من الحين )
!!
وقبل لا تطلع الشغالة من الغرفة وفي يدها قطعة القماش .. فاااض عليها (مــقــــــــــروش)
مع الباب ( تنفع نهاية حلقة مسلسل مكسيكي )؟!
وتشهق ذيك الشهقة اللي بغت تقلع الستاارة من محلها ؟!! << عليها رئة لو تستغلها مكنسة كهرب تسان توفر على معازيبها شي"ن" واجد ؟!
وتذب اللي في يدها في اقصى الغرفة .. وتطيح مغشي عليها ( يعني مغمى عليها )!
تنبية* ترى مغشي عليها جاية من الغشاء .. والغشاء هو الشي اللي يصير دون الوصول لشي .. قالت العرب : غشانا الظلام ونحن ما بعد شغلنا الماطور ؟!( صورة وجه مستحي وخايف يزلق عليه أحد ذا المبزرة ويقول موضوعك فيه ايحاء غريزي )!!<< غرزو في بطن العدو مخيط ؟!

امّا "مغمى عليها" فهي عبارة جاية من اصل الكلمة (غماء) وهو السقف .. يعني الشخص المغمي عليه يصير عليه سقف من طبقة الأوزون تحجب عنه الشعور بالعالم الخارجي << وين قناة ديسكفري عن (مــقــــــــــروش) يا نااااس ؟!
جت ام (مــقــــــــــروش) ولقت الشغالة وهي عاضتن الأرض ومغمى عليها و(مــقــــــــــروش) مطيّرن عيونه وفااتن ؟!
ناظرت ام (مــقــــــــــروش) في عيون (مــقــــــــــروش) .. ولساان حالها يقول : مهيب هي يا (مــقــــــــــروش) ؟!

فبااادلها (مــقــــــــــروش) النظرة بنظرة أسرع ولسان حاله يقول : إن بعض الظن أثم يا اميمتي ؟!

قربت الأم من الشغاله وصفقتها صفقه خفيفه عشان تصحى .. ( غلطة الشاااااطر بعشرة ) ؟!

في هذه اللحظة .. بالذات .. طب وزير العمل ورئيس وحدة مكافحة الشغب الأسري .. ورئيس منظمة حقوق الإنسان والعناية بالأقلام الشابة ؟! (صورة رجاء وهي شاااابه والدخان طالع مع هامتها )!<< من رجاء هع

وقال بس صدتك يا أم (مــقــــــــــروش) .. أنا من زماان وأنا احتريتس تغلطين ذا الغلطة عشان أصدر فيتس قرار ينشر في الجريدة وأقول ان ذا العجوز مهيب كفو عمالة منزلية وممنوعه من الاستقدام طول عمرها ؟! << من طول ذا العمر الحين ؟!

وقبل لا ترد ام (مــقــــــــــروش) على سعادة الوزير وتشرح له حقيقة اللي صار .. كان خبر (التركي) فك الله أسره .. يذاع في وسائل الاعلام .. ؟!
فقالت ام (مــقــــــــــروش) : الله يحلل الحجاج عند ولده ... واعترفت انها مقصرّه في حق شغالتها وانها راضية بكل قرار يصدر من وزارة العمل في سبيل تهذيب (العربان) وتذكريهم ان (العماله) آودام ومهوب مكاين ديزل تكد الليل والنهار ولا تحمى ولا تصرف واجد (صورة شغالة تشتغل كل النهار بصحن أندومي)؟!


ما يستفاد من ذا الخنبقة :

1- البلوتوث والبقر وجهان لعملة واحدة ..
2- ما نراه بسيط وعادي يراه الأخرون صعب ..(صورة غرفة شغالة في السطح ومافيها مكيف)
3- هناك من يتتبع عورات العرب ..
4- العلوج ..عليهم من الله ما يستحقون .. يبلعون البعير ويغصون بعصقول الدجاجه
5- اللي تحت سرير المراهق .. أعظم من أسرار الدولة ؟!






همـــسه للغالي (مــقــــــــــروش)

مالقيت الا انت اكتب الموضوع بأسمه ياليت ماتزعل واذا فيه سماجه ارجوا المعذره يااا (مــقــــــــــروش)لأني بس بعرف الأعضاء اللي جو جدد بعد ما تركت المنتدى


كـــاان معـــكم

7
7
7
7
7
7
7
7
7
7
مايهـــــــــــــــــــــــــــــــــاب !

تقبلوا مني خالص
7
7
7
7
7
7
7
7
7
7
7

هههههههههههههههههههههههه
هههههههههههههههههههه
ههههههههههههههه
هههههههههههه
ههههههههه
هههههه :********************[1]:


مآآيهــــــآآآب مـن جـــد ابــدعــــت بالوصـــــــــف :ok[1]:


حقـــــآآئـــــق مــذهلهـ عـــن شخصيـــــــهـ كنى نجهلـــــهآ بالمنتــــدىفكتشفنـــــآهـآ واصبحـــــت مكشــــوفــهـ آمـــآآم اعيـــــونا :kez_03[1]:

(آثــركـ كذآآى يامتقرووش طلعت موهينـ) :search[1]:

من برى الله الله ومن جوى يعلم الله :acute[1]:

لو ماارسلنا مايهــــــآآآب كان مادرينا عنكـ:thumbup[1]:

بس اعجبتنــــى كلمة (مــب ) :thumbup[1]:


ماشفنــــــاهــآآ فالمـــــوضــــوع مايهـــــآآآبو ليشـ :ranting[1]:


يسلمــ( على هيــــــكـ حقأأأأئق )ـــــــو :thumbup[1]:

:thumbup[1]:

كلمب مب تلقونها بالموضوع اللي بعده على الكنق خخخخخخخخخ

واللي خافي عن متقروش أعظم بس خلوني ساكت خخخخخخخخخ

مشكوووره على مرورك نورهـ يا واحشتنا في هالمنتدى

تقبلي مني خالص

خخخخخخخخخخخخخخخخخ

أول شي ما تقرب لي

بس أخت عزيزه وغاليه

ومعرفتي فيها معرفه نت فقط

وأشكر لك هالمرور وأبشري بالثار من الكنق خعاخعـ

مشكوره على هالمرور والرد

تقبلي مني خالص:thumbup[1]:

وين باقي الأعضاء خلوني أعطيتك قصه الكنق ياللا بسرعه؟؟؟؟؟

:********************[1]: حركه يا مهجولين:********************[1]:

لكم مني أرق:thumbup[1]:

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههه

( لا تعليق)

يؤ يؤ يؤ

كل هالقصه الطويله العريضه

وما لقيتي ولا حرف تعلقين عليه؟؟؟؟

حلقي ما عليتس مب مسوي لتس شي متقروش أنتي تحت حراستي خخخخخ:thumbup[1]:

مشكوره على هالطله أختي

وتقبلي مني خالص

هههههههههههههههههههههههههه ههه قـآتلك آلله


ههههههههههههههههههههه
ههههههههههههههههههههههههه
هههههههههههههههههههههههههههههه

وجه يضحك ويقول ضف وجهك يالمهسترٍِ ههههههههه


ينفـع أغني ( ادلـع يآكآيـدهم ) هههههههههههههه


ههههههههههههههههههههههه
ههههههههههههههههههههههههه
هههههههههههههههههههههههههههه

هالمقطع بآلذآت " تمزعت " من الضحك عليه


1- وين تروح لاصرت بالسـطوح < أتحـدى أحـد يفهمـ وش أقصـد بهـآ هههههههههه

2- مـآيهـآب ! < بـديت أحبك يآخي .. خشمـك >< خخخخخخخخخخ

اسمح لي بهالرد الثآني لأجل أضحك وأضيف ملاحظة بسيطة

هههههههههههههههههههههههه
هههههههههههههههههههههههههههههه
ههههههههههههههههههههههههههههههههههه


ملاحظة / لو أقتبس كل كلمة بالقصة ما أوفيتهآ حقهآ

يعطيكـ العآفية مآيهآب