أقــــوى قصــيــده قريــتــها - -:: منتديات المهجولون العرب ::-

نـواف بـدون الـف · 12-02-2006, 04:56 AM

ابد.. ما جيت ابارك لك ولكن جيت باوصّيـك

على اللي ناوي ٍ تدخل بهـا الليلـه .. مُعذّبْتـي

ترى لولا الظروف اللي عطتْك.. وحدّت مْحاكيك

قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك

نعم .. صارت معزّبتك .. ولا صـارت معزّبْتـي

كذا شاءت بنا الأقدار تحرمني.. لجـل تعطيـك

كذا لازم عشان تفوز إنت .. اخسـر بتجربْتـي

تراها غاليه جـداً .. وتكفـى .. والله يخليـك

تـدللها .. تدلعهـا .. تنسّيـهـا مصاحبْـتـي

أنا من كثر ما اغليها أحس اني بديـت اغليـك

ولا تسأل بأيـة حـق.. ولا ّ .. وش مناسبْتـي

لإنك لو بتسألني بتسمع شـيء مـا يرضيـك

لذا ياخـوي لا تسـأل .. ولا تسمـع لأجوبْتـي

أبيك تحطها في داخل عيونـك وبيـن ايديـك

وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك

وشاغبها إليـن تقـول لـك: بطّـل مشاغبْتـي

واذا هي مالها خلقك.. ولا تضحك.. ولا تسلّيك

تحمّلها وإسألهـا: يـا عمـري ليـه عصّبْتـي

وبالك اسمع انّك يوم تضربها وهـي تشكيـك

ما يحتاج اورّي لـك بفـن الضـرب موهبْتـي

صحيح انك بتملكها ومعـك العقـد بالتمليـك

وانا عارف حـدود الله ومـن حقـك معاقبْتـي

ولكن قلّها "المجنون" وصّانـي وهـو يعنيـك

يقول انّـه بينتظـرك ولـو شيّـب.. وشيّبْتـي

وانا مجنونها اللي ما نساها وانت مـا يمديـك

تغطّي ذكرياتي فـي هواهـا.. وربْـع تجربْتـي

أحس اني تماديت بكلامي.. والغضـب حاديـك

لو انّك في مكاني مـا تفكـر فـي محاسبْتـي

كفاك اني تركت الليله اشغالي.. عشان اجيـك

دخلت القاعه برجلي ولا ادري ويـش عاقبْتـي

وانا ما جيت اخرّب عرسك الليلـه ولا أذّيـك

أنا جيتك عشـان اخاطبـك واسمـع مخاطبْتـي

توصّى.. وانتبه.. واحرص عليها.. والله يهنّيك

ترى كل الكلام اللي طلَع من ضيقـيَ.. وكبْتـي

ولكن ما قدرت انّّي أقوله وانـت مـا يخفيـك

أخـاف انّـي إذا قلتـه تقـوم وتقطـع رْقبْتـي

روح الغـلا · 12-02-2006, 08:59 AM

خطيتي كلمات ذهبيه ومفردات غايه في الروعه تصل حدود الابداع وتتجاوزها

استمعت وانا اقرا يعطيك العافيه خيتوو

صديق القمر · 12-02-2006, 11:25 AM

سلمت اناملك اختي بنت العلي على هذا الابداع والتالق .. كلمات ولا اروع الله يعطيك العافية

نـواف بـدون الـف · 12-02-2006, 01:51 PM

وح الغلا على المرور يعطيك الف عافيه

نـواف بـدون الـف · 12-02-2006, 01:52 PM

صديق القمر يسلمووو على المرور

ღ غــرور أنثــى ღ · 12-02-2006, 02:20 PM

و11111111111111و

بنت العلي من جد قصيده قوووووووويه

فيها كل حب ووفا واخلاص

والادهى الحزن والغصه اللي تذوب القلب الحجر

من جد سلمت يمناك على الكلام الاكثر من ر11111ئع

اخترتي فابدعتي 000 ونقلتي فكفيتي ووفيتي

يسلمووووووووو حبيبتي وتقبلي مروري

TATU · 12-02-2006, 02:37 PM

كلام رائع وقوي ومؤثر

تسلمين بنت العلي على الكلمات

أمـيـر ~ الـذوق ~ والـرقه · 12-02-2006, 05:15 PM

كلمات روعه ومن جد قويه

يعطيك العافيه بنت العلي وواصلي تقدمك

ويعطيك الف عافيه

أخوك :: أمـيـر ~ الـذوق ~ والـرقـه ::

نـواف بـدون الـف · 12-02-2006, 08:43 PM

غنوجه يعطيك الف عافيه على مرورك
نورتي صفحتي يسلموووو

نـواف بـدون الـف · 12-02-2006, 08:44 PM

لوليه يسلمووو على المرور يعطيك الف عافيه