سلاااااااااااااااام

اسعد الله اوقاتكم بكل خير
كم هو جميلا ان ترى تميسيح صغنون وهو يلعب امام الشاطي بكل برائه وعذوبة الطفولة وهو يذهب ويقترب من الشاطي همن يعود وقد رش على عمرة مويه من البحر والابتسامه تشق خشته ومستانس وحوله تماسيح كبار شهب الملامح متجطلين على الشاطي يتأملون ذلك التمساح الصغنون وكل واحدن ينقش اسنانة من الطحالب المتعلقه بين فكيه... صورة رائعة ولكنها تتمزق و تتلاشى حينما تمر سحليه وتشوت وتسطح هالتميسيح الصغنون ببوز مبعثرتن علامات الطفوله على خشته ليستقر في قعر البحر.. همن تعط مطلقةً كراعينها لتسابق الريح.. بذمتك ايها التمساح ذا مو ظلم؟؟؟
وحرصا منا حتى لا يتتكر ها المنظر المأساوي يلي فوق .وخوفنا على حياة التماسيح من التشويت والاختطاف والدعس والأبادة والأندثار.واهتمامنا بجعل التماسيح تنعم بأمان وتتمدد تحت ظلال العدل والمساواة والرفاهية..
من ها المنبر نعلن لكل تمساح باخذ الحيطه والحذر من السحالي اللي رازين صورهم تحت حتى لا يكون مصيرة قعر البحر اوقعر قدر ضغط ...


=================================
مهجوله مع مرتبة الشرف

صورة نادرة التقطت بواسطة المصور النمساوي فليب توماس المهجوله ونظرة التحدي مثل نظرة عربجي متكي بعاير بقالة ويطالع فيك بنص عين ويقول : خير براسك شي يالحبيب؟


الاسم :مجوله مع مرتبة الشرف ويدلعونها بوايت المطافي

العمر:هي تقول انا عمري في ربيع الزهور ومن تشوف صورتها عزيزي التمساح تحس انها المك****************ي اللي يدف حصان طروادة .

الهوايه: جمع الطوابع ..جمع المذكر السالم ودبجهم شر دبجه ..قيادة وايت رش اشجار . وتعتبر مهجوله مع مرتبة الشرف ضلات للسحالي .. عليها بوقس مو صاحي يهد جدار .ويقولون انها مرتن لزخت تمساح ببقس اعدمت ملامحه وماعرفوة الا بظروسه. ويقولون اذا رقصت بزواج او حفله يعلقون لوحة تحذيريه عليها ومكتوب فيها (ممنوع الاقتراب لاقل من 100 متر..خطر ..سريع الاشتعال) حفاظا على سلامة وارواح السحالي من الدعس ..الوكاد انها مسيطرة على السحالي ويا ويل اللي تقول لها جيبي لنا مقاضي من البقاله. واللي شاغل تفكيرها ومحيرها>> ( كيف مفك الصلصة يفك قوطي التونه)

الحكمة التى تؤمن فيها: ( معك شخط ..اذن انت تتن .انت تتن.. اذن انت تفرك من المدرسة . انت تفرك ..اذن تتفرج بقرانديزر )
=====================
غنوووجه

غنوجه لها ونظرات تسبر أغوار الأفق البعيد << امحق نظرات الا نظرات واحدن افغاني طاقة الجوع يقول عندكم سلف ايدام صديق؟..وتلاحظ عزيز التمساح التوافق بين فرقة الشعر وفرقة براطمهاوذا دليل على متابعتها للموضة..

الاسم: غنووووجه ويدلعونها بدركولا النسيم

العمر:قدرخبير البلوت (جعيثن صن) ان عمر غنوووجه 35 برا.ونجن ابدورنا نشكرالخبير (جعيثن صن) ونقول ترا خويك مهرب شريا ارجع سبيت يمال الدجه..

الهوايه: قرض تماسيح ..قرض شعر..قرض اخشاب . ويقولون مرتن قرطت بتمساح ولا فكوا ظروسها من التمساح الا بعد عملية فصل تكللت بالنجاح.
وعيبها شي واحد ان ارسلوها السحالي تجيب لهم تميس تجيب التميس ونصة مأكول بالطريق.. والزين فيها انها محافظه على نظافة وبريق ظروسها.. الناس تستخدم فرشة اسنان وهي تستخدم فرشة شعر(مشط). ويقولون ان في وقت الراحه والاستجمام ومشاهدة التلفزيون السحالي يتسلون باكل الفشار والبسكوت وهي بالحاله ماسكتن زاوية و تتسلى ببلكاش. وتموت بشي اسمة موضة واناقة .ويومن شاف صورتها احد المصممين الايطاليين قال وش موضتة وش اناقته خلنا بالأول ندرس حياة وميول النمل الابيض همن نشوف؟؟

الحكمة التى تؤمن فيها: ( الجسم السليم في الظرس السليم وانحش عن الحلاو.. مايجيك السوس)
========================
هنوووده

هنوووده في لحظه تفكير عميق لتجهيز خطة سنعة لصيد تمساح خطم من امام عينها مرسلينه اهله تجيب بروستد . وانا من شفت وقفتها وها التسريحه اللي براسها ودك ترزها بطرف مزرعة تروع فيها الطيور لا ياكلون المحصول..

الاسم: هنوووده ويدلعونها بهيكارو منفوحة..

العمر:والله التسذب خيبه تو صرح كبير المهندسين بمصنع باصات المدارس السيد استيف ماك وقال ان عمرها الافتراضي خلص .دزوها لنا بالمصنع نسوي لها اعاد صيانة.

الهواية: وضع التمساح ببرميل همن تدفه مع الدحديرة . وتعتبر هنوووده العقل المدبر والمخطط للسحالي . وصاحبة الفضل الأول في فقدان كثير من التماسيح ذاكرتهم .قبل يومين لاقين تمساح منسدح تحت جدار فاقدن ذاكرته ونسالة وين بيتكم يقول سادس (ج)!! .. وش اسمك انت.. يقول انا اهدي الاغنية لحصيصة بنت جارنا بالدنمارك. ودايم يصحون السحالي بتالي الليل على قرقعة مواعين مطبخهم قالوا ذا يا حرامي او بسوس تتهاوش.. ويتفاجئون باهنوووده تحوس وتدوج بين دواليب المطبخ ويومن نشدوها وش تسوين ترد وهي تحك دميجتها دعوني افكر بصمت.. ودايم تدخن قراطيس اسمنت تحت خزان السطوح حزة القايلة <<(عز الظهر) .وتفكر كيف تشن هجوم على التماسيح.

الحكمة التى تؤمن فيها: ( السماء لا تمطر ذهبا بل تمطر مويه يعني لاتنسى مظلتك) والله مالومهم يومن حطوها العقل المخطط للسحالي
=========================
بنت الوادي

صورة حديثة بنت الوادي وهي في حالة ضحك شديدورهيب وفاغره تقول جحر فاار ونلاحظ كبر الفتحات الي بخشمها متناسق مع نفق المعيصم << اي خشم الا بقايا اثار تفجير شروخ ام عصفور ..

الاسم:بنت الوادي ويدلعونها بسندريلا طبرجل..

العمر: والله اختلفوا العلماء ..عالم بلجيكي مختص بالجولوجيا والبراكين يقول انها من بقايا حمم بركان .. وعالم اثار فرنسي يقول معصي يابو الشباب عمرها من ايام الفراعنة والدليل الكتابه الهيروغليفية اللي بخشتها واتحداك من عشاء لعشاء...

الهواية: تحنيط التماسيح وممارسه رياضة السباحة على ظهرها بالوديان وتحت السدود وقت هطول الامطار.ويقولون يومها بسنه يعني يدزونها السحالي تجيب لهم مرقه ماجي من البقالة ويحترونها .وبعد اسبوع كافشينها سلاح الحدود بالربع الخالي ومتصلين علي السحالي ويقولون انتم صدق دازين وحدة تجيب لكم مرقه ماجي؟ تعالوا خذوها !!... والزين فيها صمتها المطبق وضحكتها ..بس لا تكلمت ماتسكت لين تخلص بطارياتها وترقد. ويبلشون السحالي فيها. اول ماتصحي يدفونها مع درج الصاله لين تنتع وتشغل واحيانا يشركونها بأسلاك بالبطاريه لين تشتغل وتدهر...

الحكمة التى تؤمن فيها: (في العجلة الندامة وفي التأني السلامة و يالبى قلبك يا انطون كوين)
=======================
روح الغلا

صورة لروح الغلاالتقطت لها وهي تو مصحينها من النوم ومعطينها ملفها وفاصلينها باول يوم دراسي بمحو الأمية..ولو تلاحظ عزيز التمساح فستانها المشجر يتبادر الي ذهنك وانت تشوف خشتها مثل خشته قرصان فلبيني طارحينه خفر السواحل يهرب ادوات كهربائيه ومواعين..

الاسم : روح الغلا ويدلعونها سلحفاة النينجا.

العمر: يقولون المؤرخون انها من ايام حملة نابليون بونابرت على مصر وان نابليون صادها وهي تسرق طماط من مستودع طعام الجنود وتبيعه بالسوق السوداء فأمر بسجنها. وتو معطينها انذار بأخلاء السجن استعداداً لهدمة

الهواية: التأمل في طبخ التماسيح التأمل في هدوء البحر...التأمل بنجوم الليل...التأمل انها تنجح ويطلع اسمها بالجرايد.. وتجيد روح الغلا فن الطبخ وحل الكلمات المتقاطعة بس من تنشدها (2+ واحد ونص) كم يساوي تتلخبط وتنحاس يعني يمديك وانت بالرياض تروح تجيب تمر من الحساء وهي باقي ما عرفت الحل ..وعذروبها اذا تابعت مسلسل مكسيكي تبنط وتخيم قدام التلفزيون وقعدة وحدة لين تخلص حلاقات المسلسل كلها..عاد عليكم الحساب.
ويمدحونها السحالي يقولون لا اختفت قواطي مربي الجح من الثلاجه نلقاها بدولاب روح الغلاتحت ملابسها .<< ياحبها لمربي الجح

الحكمة التى تؤمن فيها: ( رغم ان البحر غامض باسرارة الا انه يظم الكثير من الدرر مثل لؤلؤ .. غوايش ذهب .. قواطي جح مربي)



=================================


واخيراُ
نحب ان نحذر كل تمساح بأخذ الحيطه والحذر وعدم المشي بشارع مظلم يلفة الضباب و تتكاثر به البسوس .وان حسيت بالخطر تصرف بكل هدوء وخلك طبيعي. وسوف تدودل عليك اقنعة الأوكسيجين تلقائيا .وتضئ لك الممرات بنور اخضر << يعني افهما حط رجلك وانحش يالفطين..

.
.
.


قراسيووووووووووووووووس
.

إنتبــاهـ إنتبــاهـ

نرجوٍِ من كل تمسـاح مهجـول يشوٍِف هالسحليه " غنوٍِجـه " إستخدامـ حزٍِِامـه النـاسف

أو إرسال نـداء إستغاثـه وطلب المسـاعــدهـ من أقرٍِب تمسـاح


<( كـاتب على جبهـة غنوِجـه مطلوٍِبـه أمنياً


ههههههههههههههههههههههههههههههههآآي


يسلمـوِ يآطخوٍِمـي على هالتحذيِرٍِ ،،

وٍِخلـك على اهبة الإستعـداد " ومعشق الساكتـون " ترآ الحرٍِب بيننآ إحتمآل تقبـع في أي لحـظه


تحيآتي لكـ