السلام عليكم ورحمة الله وبركاته ,, كل عام وانتم بخير


قصيدة من تحت لـتحت

لو تعرف الخطايا كيف كنـت محـروم
كان سود الليالي يوم طحـت سمحـت

لو هموم المفـارق مثـل كـل الهمـوم
ماتشوفون عينـي بالدمـوع سبحـت

ولو تحن المشاكل عقب حب الخشـوم
كان حبيت خشـم المشكلـه واستحـت

بين صـدة عزيـز وكبريـاء مهـزوم
عين شحت علـى وعيـنٍ استسمحـت

بس مالله خلقني مـن بكـاي معصـوم
وادري انه المحاجر لو تفيض افضحت

والله اني على جرحي صبـور وكتـوم
لكن ان الدمـوع ان روحـت روحـت

اعذلتنـي ظروفـي وانهكتنـي عـزوم
والوجيه احزنت لي والقلـوب افرحـت

اشهـد ان الليالـي ماتعـرف السلـوم
قلب جافي لقاه ووجـه صافـي بحـت

راهنتنـي تبلـل بالـدمـوع الكـمـوم
ويشهد الله عليهـا راهنـت واربحـت

احرمت نور عيني من غلا ريـم قـوم
بذرةٍ وارتوتنـي واثمـرت واطرحـت

جـادلٍ دوم ماهـي مثلهـا كـل يـوم
استضاحت غموض وبالغموض اوضحت

دورت بين قلبـي والهـدب درب نـوم
وامرحت وين مـدري المهـم امرحـت

تنحت اسمي بقلبٍ جيت فيـه معـزوم
واسمها بين جلـدي والعظـام انحـت

مثل جفنـي لعينـي بالنعـاس محكـوم
كل مانمت نامت كل ماصحـى صحـت

ماتعارض كلامي غيـر عنـد اللـزوم
بس لا قمت اسولف واندمجت سرحـت

دايم ازعل عليها بـس قلبـي رحـوم
وهي تموت بعذابي من تحت لي تحـت

مثل وجه العلاقه فـي ثيـاب الخصـوم
ان تطيبت طابت وان جرحت اجرحـت

خصها الله بوصفٍ من خيـال معـدوم
لا اذان اسمعتبـه ولاعيـون المحـت

كن ربي خلقهـا مـن بيـاض الغيـوم
ومن كفوف السحابـه بالـورد القحـت

عن سواها فرقهـا بالقمـر والنجـوم
وكل عذرى تباهـا بالجمـال انزحـت

بالحلا هي كـوم وباقـي النـاس كـوم
كفـتٍ عادلوهـا بالبشـر وارجـحـت

حسبي الله على اللـي مابغاهـا تـدوم
من بعد كيف كانت شوف كيف اصبحت

لاتحقـق وصـال ولا فـراق محتـوم
خطـةٍ قربتنـي للفـشـل وانجـحـت

لعنة العشق تبقى مثل ضرب السهـوم
لو محى الوقت جرحه صورته ما انمحت

كيف ابنسى وانا اللي من جفاف لسموم
ماحشمت العيـون ولا الدمـوع فلحـت

كانهـا بالحميـا كـل ربعـي قــروم
لو يلدون لاصعاب الظـروف صلحـت

اجزم ان كنت ياقلبي شجـاع وجـزوم
لـد لعيـون بنـتٍ لا التفـت الفحـت

ماتهيـن البخيـل الا يديـن الـخـدوم
دام كـف الخطايـا بالجـفـا لـوحـت

نطح الباس باس ونطـح اللـوم لـوم
وان تهدت تهـد وصيـح ان صيحـت

ياتعيـش بمعـزه ياتمـوت محـشـوم
ودك ان الليالـي لافعـلـت امـدحـت

عمر ضعـف الاراده مايسـر الرخـوم
ضربت السيف لوبيدين الشجاع ذبحـت

*****

وهذي القصيده الثانيه ..

اسمها " ثامن السبع العجايب "

اسمعي والكـل منـا لـه هـواه ولـه ميولـه
لاتمسين بكلامـك شعـره بـروس القرايـب




ان حكيتي مـا وفيـت وان تحديتـي عجولـه
تحسبين ان كل فعـل ٍ تفعلـه يمنـاك صايـب




تحسبين انك خذيتي بالحـش صولـة وجولـة
تحسبين اني ذكرتك مـع نسانيـس الهبايـب




والله انك لو ذبحتـي خافقـي لألقـاك حولـه
عاشقة تشقي بقلب من طريق العشـق هايـب




كم رضيت اسكت عليك من القهر وانتي زعوله
خايف اضحك وستفزك واهجرك واعيش ذايب




ادعيت انك خجولة وادري ان ما انتي خجولـة
وادري انك تخجلين الشمس من فوق السحايب




مايحببنـي بقلبـك ياالهـنـوف الا فضـولـه
ولا ينسيني غرامك غيـر تكـرار المصايـب




عاشقة جيتـي ورحتـي يالحبيبـه يالعذولـه
لابنيتـي لـي طمـوح ولا تركتيهـا خرايـب




تستبيحيـن القلـوب وتستحقيـن البطـولـة
واستحق اعيش بعدك تايـب وامـوت تايـب




ياكثر ماشال قلبـي شـي اكبـر مـن حمولـه
ولا عفيتي عن غلاه ولابخـل لـك بالوهايـب




كنه ارحم من همـال المـزن للزهـر بذبولـه
وانتي اقسى من هجير القيظ وسموم اللهايـب




وانتي ادرى في غلاك بداخلي ش اللي يزولـه
وادخلي علـى الله واحفظـي ذيـك السبايـب




ماخبرت اللحظة اللـي حللـت قربـك تحولـه
ولا هقيت اني بشـدد للجفـا قلـب وركايـب




ولاهقيت انك تحبيـن الزلـل وانتـي جفولـه
ولاهقيتـك تكرهينـي كثـر حبـك للطلايـب




كن قلبي فـي وصالـك وابـل ٍلحظـة نزولـه
وفي فراقك مثل دمعة تنحدر من عيـن شايـب




كنت ابي وقفت حبيبه تنهض القلـب بخمولـه
طامح بالعشق وانتـي عايبـه والحـظ عايـب




كنت ابيع الكون واشتري خافقك وظلال زولـه
كنت اثور اليا وطيتي بالقدم شهـب الترايـب




كنت قصن كـل كفـي غيـر كفـك مايطولـه
كنت قلب ودمعتيـن ودرب وجـروح عطايـب




كنت ابيع العمر كله ورخصه عرضـه وطولـه
للعيون الـي هدبهـا ثامـن السبـع العجايـب




بس ابرضي لك غرورك واكسر القلب بذهولـه
وقتها ماكنت افكـر صايـب او كنـت خايـب




والرجـل لـو ماتحلـى بالشهامـه والرجولـة
صدقيني صعب يقدر يملـك قلـوب الحبايـب




صدقينـي مايوالـف خافـق البنـت بسهولـه
بالهوى يابنت حواء غيـر طـلاب النشايـب




والسهر والعشق الاول والهوى واللـي ينولـه
شي اقسى من همومك والعنه حاضر وغايـب




والهموم اللي دعتني من بعـد سـن الطفولـة
كلها ( من تحت راس العشق ) ملعون الصلايب

وســلامـتـــــــكم .. اتمنى تنال على اعجابكم

اخــوكم .. مـلـ النت ــقـوف

قصيدة رائعه جدا اسمها " تزعلين وتقعدين "

يقول فيها ..

عافت الشمس المدينة وأعلنـت وقـت الـزوال
رغبـةٍ للنـوم منهـا مـع عيـون الناعسيـن


أبعدت من يوم شافـت بالسمـا ضـيّ الهـلال
كنّهـا كانـت تـهـزّا بالـهـلال وتستهـيـن


كفكفت صبح التلاقـي مـن ورا روس الجبـال
واستخارتني وراحت وابعدت عـن كـل عيـن


وانتي أخطيتـي خطاهـا وانعزلتـي بالوصـال
ولا رحلتي مـن سكـات ولا وعدتينـي تجيـن


عشت عمري بالمحبـة فـي سبيـل الاحتمـال
وانتي تعيشيـن عمـرك تفرحيـن وتجرحيـن


من غرورك في جمالـك مـا عطيتينـي مجـال
وأدري إنـك تفهمينـي لـو بغيتـي تفهميـن


كيف أشوف الشمس تشرق بالسما وانت ظلال ؟
ومن يعيش بوسط غـارٍ للذيـاب الجايعيـن ؟


كنت أحسب الكره زايل والجفـا لـو طـال زال
ولا بديتـي بالغـرام ولا بقـى فينـي حنيـن


أشهد إنـي مـا خطيـت ولا نويـت الانعـزال
وما خدعتك في غرامي ليـن شفتـك تخدعيـن


اصدقي بالوعد مـرة لـي ولـو فيهـا سـؤال
من عرفتك ما أذكر إنـك توعديـن وتصدقيـن


كنت أشوفك من عيونك تأمرين أقوى الرجـال
والله إني قبل أعرفـك مـا هقيتـك تخضعيـن


كنت أشوفك تبعدين وقلـت مـن بـاب الـدلال
وإن بعدتي عن عيوني قلـت باكـر ترجعيـن


كنتي أكثر في عيوني من عـدد وبـل الخيـال
وين أنا ما الد وجهي كنت أشوفـك تضحكيـن


وإن بغيت أصد عنك من يميـن ومـن شمـال
ما قـوت عينـي تلفّـت لا شمـال ولا يميـن


عاشقٍ والعشق بلوى وأشهد إن الحـال حـال
ولا تركتـي رحمـة الله ولا عرفتـي ترحميـن


وأدري إنك في غرامـي للأسـف نلتـي منـال
افترقنـا فـي دقايـق والسبـب لعنـة لعيـن


حبك أشبه فـي غرامـي بالوصـال الانفصـال
ويلعـب الخفـاق لعبـة كبريـاء الخاضعـيـن


بالهوى ماهـي غريبـة نكبـة عيـال الحـلال
ولاني أول من يصون ولا انتي آخر من يهيـن


الصداقة فـي عيـون النـاس منفـى للعـدال
وكـان ردّت للصـراحـة كلبـونـا مذنبـيـن


المحبـة شبـه زالـت والصـداقـة لاتــزال
بس أببقى في عيونك ( حامد ) اللـي تعرفيـن


علّميهـا يـا قصيـدة واضربـي فينـي مثـال
عرفيهـا بالبـداوة فــي طـبـاع الأولـيـن


علّميهـا كيـف نصنـع صبرنـا والاحتـمـال
علّميهـا كيـف نفلـح بالعمـل دنيـا وديــن


علّميهـا فـي سوالـف حلّـنـا والارتـحـال
علّميهـا كيـف نظهـر جـورنـا للجايـريـن


علّميهـا يـا دقايـق ، علّميهـا يــا لـيـال
علّميهـا يـا عصـور وعلّميهـا يـا سنيـن


إن عشقنا مـا بغينـا غيـر عشـقٍ بالحـلال
وإن نوينـا مـا لفينـا كـود نـاس طيبـيـن


كامليـنٍ فـي عطـانـا بــس لله الكـمـال
والرجل فينـا غرامـه لـو يعيـن ويستعيـن


ابـدويٍ مـا يقـوده للـردّى شـد الحـبـال
يعسـف اليـدّ الشحيحـة للعطـا حتـى تليـن


همنـا فعـل الرجولـة رمزنـا لبـس العقـال
وانتي المكياج كله صار فـي وجهـك سجيـن


عندك المكياج موضـة تحسبيـن إنـه جمـال
صار همـك فـي حياتـك تكشخيـن وتطلعيـن


والا أنا قلبـي بقـى لـي بالمحبـة راس مـال
والله اللـي مبتلينـي بالـهـوى والله يعـيـن


إن بغيت أعشق أبالقـى كثـر حبّـات الرمـال
لكن انتي لو بغيتـي صعـب مثلـي تعشقيـن


قلت لك كل الصراحة وأختـم أطـراف الجـدال
وإن زعلتي مـن كلامـي تزعليـن وتقعديـن

وهــــذي قصيده مفضله بالنسبه لي مع ان الشاعر حامد زييد افضل شاعر قد شفته بحياتي وماظن بيجي مثله احد ابد وكل قصايده فوق الممتاز ماشالله عليه .. واسم هالقصيده " الـجـمـهـرهـ "

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره
مايملي عيون الحسود بهالزمن غيـر التـراب
ومن لايتوب من الخطا تحـرم عليـه المعـذره
اللي من أولهـا خـراب أكيـد تاليهـا خـراب
والبندق اللـي ماتثـور فـي هدفهـا تذعـره
ودك اليامن جاتك الغلطه مـن النـاس القـراب
الصاحـب اللـي ماكسبـت محبتـه ماتخسـره
مشكلتي إني ماعرفت أحسب لصدتهـم حسـاب
قلطتهم صدري على ذكـرى قصيـد وحنجـره
صوت ٍ يصول بمنبره واخطاب مامثلـه خطـاب
والطيبه اللي زعزعت صوت الخطيب ومنبـره
مافيه دمع ٍ صوبوه أحبابـي بوجهـي وخـاب
ولازرق حزنـي علـى غالـي ولافـج انحـره
كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطـره
لأني تجنبت الغرق.. عديت من فوق السحـاب
لأن أكثر أصحابي ورق..ماشفت للطيب إثمـره
والله ماحطيـت بيـن الحقدوالخـوه حـجـاب
حتى غدوا ربعي يحدوني على الضيق أشكـره
البارحه ثـارت علـي رقـاب وأوتنـي رقـاب
البارحـه ياثـقـل دم الـبـارح ويامحـقـره
أثر المصايب ماتجيك إلا مـن النـاس القـراب
وبهالزمن حتى الخوي اللي تثـق فيـه أحـذره
أهب ياوجه الحسـد وشلـون جمعهـم وغـاب
كيف السنين اللـي عطتنـي بعثرتهـم بعثـره
لابارك الله في رفيـق ٍ تزعلـه كلمـة عتـاب
ولاجمـع الله الرجـال اللـي تفرقهـم مــره
الصاحب اللي مايجي من صحبته غير العـذاب
نذر ٍ علي إن ماهجرني وإلا أنا اللي ب أهجـره
من يفتح لفرقاي باب أفك لـه عشريـن بـاب
وأذا خويـي مايقـدر خوتـي مــا أقــدره
عو ّدت نفسـي كـل ماشـددت لليمّـه ركـاب
مأصد وجهي عن طمـوح إلا لياجبـت خبـره
أن روّحوا فأنا بـري منهـم ليـوم الحسـاب
وإن جرحوا قولوا لهم ماحركـوا فـيّ إشعـره
شفهم لهم حول السنه ولا خذوا منـي جـواب
أحسـن دوا للـي يحـاول يستفـزك تحقـره
ماكنت أحاتيهم صغيّير ..عاد أحاتيهـم شبـاب
الصاحب اللي ما أذخره لليوم الأسود ما أذخـره
شفني جمعت أوراقهم بكتاب وأغلقـت الكتـاب
ياوقت لـم اللـي تلمـه وأنثـر اللـي تنثـره
اللي يخاف من الظما يترك لنا طـرد السـراب
واللي ماهو بقـد الظـلام ووحشتـه لايسهـره
عقب أكتئاب البارحه ماعاد انا حمـل إكتئـاب
الطيب جرجرني وانا مانـي بناقـص جرجـره
انا تجرعت الظما ليـن أحتـرق وجهـي وذاب
انا كسرت بخاطـري قبـل الصداقـه تكسـره
انا خسرت اللي غيابه غير عـن كـل الغيـاب
انـا غفـرت لعالـمٍ ماتستـحـق المغـفـره
انا أكثر (أنسان) تعلم من كثر ماأخطأ وصـاب
انا أخر (لسـان) يتكلـم فـي زمـان الثرثـره
انا القصيد اللي فزع من دفتـره مليـون نـاب
وانا الوحيد اللي جمـع مليـون نـاب بدفتـره
جفني وجرّحه السهر ، حيلي وهدّتـه الصعـاب
دمعي هدر،ضحكي ندر،عمري وضيعت أكثـره
شيبت بعقـول العرب..هيبـت روس ٍ ماتهـاب
جمهرت ناس ٍ عمرهـم مايعرفـون الجمهـره
ماصرت ذيـب إلا لأن اللـي تحدونـي ذيـاب
ما كنت أغيـب إلا لأن العفـو عنـد المقـدره
ترى حلاتك لاحملـت لصاحبـك كلمـة عتـاب
أن مانطقـت بهـا بوجهـه ماتذمـه بظهـره
في هالزمن مايملي عيون الحسـود إلا التـراب
والا الحظيظ.. الطلقه اللـي ماتصيبـه تذعـره
ودك اليامن جاتك الغلطه مـن النـاس القـراب
الصاحـب اللـي ماكسبـت محبتـه ماتخسـره


************

مقتطفات شعريه لشاعر الشباب حامد ..

" ملعون ابو العشق " ..

ملعون أبو العشق دام العشق دلّعها
لاصارت البنت تامرنـا وتنهينـا

تجزم على الراي والكلمه وتقطعها
وحنا الرياجيل لارحنـا ولا جينـا

و " صوت الفناجيل "

ياحبيبي لاتواعـد مواعيـد وتغيـب
دامك تقول المواعيد من غير شهوه

والله إني من عرفتك وسميتك حبيب
أسمع بصوت الفناجيل وماشفت قهوه

و " أربع جهات " ..

يالحبيبـه خفوقـي مايبيـك ويبـيـك
أشهد أنك حبيبـه غيـر كـل البنـات

وين ما ألد وجهـي بالطريـق التقيـك
صرت أخيلك واشوفك في جميع الجهات

و " لولا العقل "

إستحيت ورحت بالخطوه وراي
يوم شفته مـن بعيـد يكلّمـك

والله إن لولا العقل توّه معـاي
كنت أعرف أعلّمـه وأعلّمـك

وسـلامتـكم .. اتمنى ان هالحلقه نالت على رضاكم وعجابكم

و ان اختيارنا لشاعر حامد كان موفق ونال على اعجابكم ..

وانتهى وقت البرنامج نلقاكم ان شالله بالحلقه الثانيه من برنامجنا

" برنامج سـيـ ـ ـ ـرة شـ ـ ـ ــاعـــــ ـ ـ ـــــر "

مع تحية فريق العمل ..الكابتن مناحي و ملقوف النت