:cheer[1]: مراحب..
كل سنه وانتتو طيبين ..ورمضان عليكم مبارك..ويارب يرزقنا وياكم صيامه وقيامه واحنا بصحه وعافيه ويعيده علينا اعواما مديده ..واحنا طيبين وسعيدين..

اتعودنا في المهجولوون لما يجي اخر الشهر ننزل مواضيع العيد..وماباقي على العيد الا كم يوم!!..وبصراحه قليل اللي يستفيد من هالموضوع..ليه؟؟..لانو كذا بيكون الوقت ضيق..وكثير بنات يكونو شرو للعيد..وبكذا تنتفي كثير من الفائده المرجوه من هالموضوع..وهذا والله حراام وجهد ضايع على غير فائده

فطرت فكره على بالي انو ننزل موضوع تجهيزات العيد من الحين..عشان يمدي الكل انه يستفيد ويحضرّ اللي ينقصه وايضا للي ماعنده فكره معينه ويبي احد يساعده على الاختيار..وبكذا نكون كسبنا وقت واخترنا بثقه ورواقه..وماضاع جهدنا على الفاضي

اللي باقوله ياعزيزاتي.ان كل وحده تطرح افكارها..مشورتها..ملاحظاتها على الجديد..واللي في السوق.والدارج من الموضه في كل شيء....حتى الاشياء اللي تشوفها شينه وغبيه في السوق تقول عنها عشان تحذر غيرها لا ياخذونها..تعرفون مو كلن فطين وموهوب في اختيار البضاعه..
اعطي كل ما تحسينه مفيد في هالجانب..حتى لو افكار متناثره..او اشارات.او مشاهدات او اي شي سامعه عنه..او تحضيراتك الشخصيه...المهم كلها تصب في اعطاء غيرك خيارات وافكار وتوجيهات سليمه وكلن عاد واجتهاده..

مابي وحده منكم تقول وش ابدا فيه.؟.وش اقول؟ عادي قولي اية شيء تحسينه حلو وخرج العيد..وكل ما لاحظتي شي وودك تعلمين عنه او مستجدات تبين تضيفينها ادخلي مره ثانيه واضيفيها..مشكوره

عاد اظن وصلت الفكره لكم يا احلى البنات..وبابدا اقولكم افكاري ومرئياتي كأول بادره وانشاء الله تتلوها مشاركات ثانيه احلى واثرى واكثر افاده للكل ..وعاد همتكم يا الغاليات


بالنسبه للبس..مافي شيء جديد بنظري..انما نقدر نقول البنطلونات الضيقه وينلبس فوقها زي التنوره القصيره تكون شيفون ومشبوكه بحزام ..يكون لو ويست..ويتطقم معاه ببدي مناسب او بلوزه مناسبه.او بدي وجاكيت قصير مناسب
كمان الاحزمه اللوست العريضه موضه وممكن لبسها على التنوره او البنطلون..والاحلى بنظري اللي تجيك عريضه ومهدبه ..اوفيها زي الاحجار والعملات..
ايضا فيه الفساتين القصيره اللي فوق الركبه وتحتها برمود مخرم..زي اللي لابسته كارول سماحه في كليبها الاخير..

المكياج..اكتشفت لكم اساس لانكستر.يجنن..ندي ورطب ويعطي نضاره طبيعيه وطراوه للبشره ..عشقته جدن هالاساس. .اتمنى الاقيه مره ثانيه..لاني خلصته...
الشدو.قلت لكم عن اكتشافي الخطير..عن علبة شدو28لون..من ماركه ايطاليه اسمها قولدن روز..تلاقونها بمحل الاماكن في سوبرماركت بلشرف.تجنننننننننننننننننننننننننننننننننننننننننن ننننننننن ..تصدقون هالعلبه ما تتجاوز التسعين ريال...وانا ورشه قد خذينا من بازار من زمان الاربعة الوان منها بمية وخمسين..من جد خطيره
الكحل. الاي لاينر:.لا تدورون غير اتش ار..وغيرلان الجديد..رهيييب. .واحسه نفس اتش ار..سواد فاحم مابعده سواد..اما القلم فقلم نوبا من مكياجي وجفنشي الفضي وماك..

الماسكرا..طحت على مسكرة سان لوران الذهبيه وعشقتها بجنوون..وراح اجيب وحده على العيد.وانصح فيها

العطور..طبعا قولدن دست حبي الاول والاخير وريد ليبل..وشيفاز..ومس ديور. .والفصول الاربعه من باريس غاليري..والعطر الاخطر هو جيفاقو..الاخير واللي قبله..خرافه ..

للي يبون اقمشه بخيارات واسعه ومدهشه وباسعار رخيصه.(المتر ما يتجاوز سعره خمسه او عشره ريال) .انصحكم بمحل الخليج خلف طيبه من جهة مكتبة الشرق..ومحل المحظوظه خلف العويس قريب من المسجد...بتلاقون اقمشه تجنن من شانتون وتايغربكل نقشاته والوانه..وزيبرا.. وجيرسيه وحراير..وتفتات..وكريبات.واقطان .ومنقطات على الموضه....وتل ودانتيل...وبكل الالوان..اللي مخيلتها ميه ميه وذوقها عالي..بتعرف تستغل هالمحلات صح

وبالاخير اوصيكم تعتنون ببشراتكم ..من الحين....طبعا بالوجه وكامل الجسم..وايضا الاقدام.. .واعتنو بشعوركم واعملو لها حمامات زيت..واعتنو باظافركم..تناولو فيتامينات واشربو عصير واشربو مويه كثير..وكلو سلطات..اي نوع من السلطه حتى لو خيار وطماطم وبقدونس <<<= السلطه السعوديه المتداوله في معظم البيوت ..

للي في وجهها حبوب.طلعت مع اكل اللقيمات والسمبوسه انصحها باستعمال كريم نورما ديرم من فيتشي..ممتاز جدن.. ..من صيدلية الحبيب...
واللي تبي نضاره..لازم تقشر وجهها .لمدة اسبوع ..ثمين تستعمل كريم فيتامين سي يوميا..وتشرب عصاير..وتتناول فيتامين كبد الحوت..اللي هي كبسولات زيت السمك.. ..والمقشر ممكن تاخذينه من ماركةى فيتشي ايضا..

وللشعر انصح بفيتامين مور هير من صيدلية الحبيب..وتونيك للشعر ..فوركابيل...او ستابيل...او اية تونيك مناسب..
كمان للشعر حمام زيت..مدحت لكم قبل كريم كانيبو..واضيف له ايضا حمام زيت من جاك ديسانج من صيدلية الحبيب...انشاء الله يجيبونه لانه خلص ومبعد جابو دفعه ثانيه..

للاظافر المتكسمره والضعيفه. .انصح بقوه بفيتامين ماكس بلس من صيدلية ادمه..بتصير لكم اظافر حديديه بعدها باذن الله

للجسم اعملو سكراب..له مع كل شاور تاخذونه..وايضا سكربي جسمك بملح اليوكو.. وبعد الحمام تنشفو وحطو مرطب قوي للجسم.مثل زيت جونسون للاطفال.اوزيت اللوز.او زيت البرافين ..او اية كريمات مرطبه مناسبتكم..

اكتشفت ايضا زيت جنين القمح..للجسم اللي تبي تشد جسمها جربت كل الانواع طلع احسنها ارخصها...وتراه منتج من عصارة الاحلام بعشرين ريال..مكتوب عليه زيت جنين رشيم القمح...مع استعمال 3 قوارير بتحسين جسمك مشدود.ونااعم..مرره مدهش هالزيت..مير اللي عندها ترهل بسيط بتنذهل من النتيجه..واللي عندها ترهل قوي بتلاقي تحسن كبير...تراني اتكلم عن تجربه شخصانيه
.والمفاجأه الاحلى انو ممتاز للشعر لما تنشفين شعرك وتسشورينه تحطين منه لمسه..يعطي نعومه .طفوليه للشعر. .بس لاتكثرون..وهو ايضا مع المداومه يقضي على التقصف.

قد مدحت لكم سيروم ارجوسي للشعر.وهو فعلا ممتااااااز. .ولكن لان كثير ما يحصلونه لقيت واحد نفس مفعوله بالضبط وارخص اسمه يوكو من محلات الجعيدي اللي في التخصصي بجانب مشويات الرافدين..بعشره ريال.. .تحطيه على شعرك المبلل بس لمسه.لاتكثرين..وبتشوفين المشط يتزالق بشعرك لا تمعيط ولا تقطيع...

للي يبون البياض..قريت ان فيه حبوب في جي ان سي.هي حبوب مضاده للاكسده..لكن لو اخذتيها ضعف الجرعه المحدده.تبدا تخفض مادة الميلانين.اللي مسؤوله زيادتها عن حدوث التصبغات الجلديه والاسمرار...وبتناول فيتامين سي مع هالمنتج..يوميا...بتلاحظين البياض..ترى هالشيء انا انقله لكم مجرد معلومه.لا جربتها ولاشفت وحده تقولي جربتها.. ...وقريت ان كثير من اللي استعملوها استشارو دكاتره وطمنوهم وقالو مفيها ضرر..الشاهد اني اعرف وحده سمراااء .اعرفها واعرف اهلها..بنت متزوجه وعندها كم بزر..فوجئت لما شفتها مؤخرا كيف صايره بيضاء زي القشطه. .ماهو مكياج..لا حتى البدي حقها مشاء الله ابيض بطريقه تدعو للعجب.. فتوقعت انو ممكن تكون من اللي جربو هالشيء..واللهو اعلم

ترى يابنات ...بالنسبه للي اوردته سابقا...طرحت اشياء ..حرصت انها تكون في متناول الجميع..من حيث الاماكانيات الماديه او المواصلاتيه ..لان هاذا احسن للعموم.. ..

وه تعبت يا بنات من جد

انشاء الله راح نتكلم عن الصبغات..واللي دارج ..
والساعات..
والعدسات..
والصنادل...والشنط..
النظارات الشمسيه..
حلويات العيد المقترحه..
الكوافيرات..
الحواجب.
الاكسسوارات الدارجه دلوئتي
المجوهرات اللي هابين فيها.
الحركات الجديده في كلبو الاشياء ..

كل شيء بيكون مهم ومفيد للوك جديد على العيد..بنتناوله باذن الله بس همتكم...ساعدو بعض.وفكرو مع بعض..الله لايحرمكم من بعض .مدام الوقت لسا في صالحكم... منقول) (
:yeah[1]: :yeah[1]:

خخخخخخخخخخخخخخخخخخخخخخخخ

الله يرجك يابنت السلاطين

وش دخل الورعااااااااااااان في البنات

أي والله


وش دخل الورعان:)


وقصمن أني دخلت وأنا مبسووووووووووووط


لكن ماعليه ماحصل إلا الخير:)

هههههههههههههههههههههههههههههههههههههههههههههههههه هه:120104laughter10[1]
معلييييييييييش اياااام سووووووو سورررررررررررري <<ولا لبناني خخخخ ماعلينااا المهم
الغلط مني ......... انا كنت كاتبه موضوع وبعدين مسحته وحطيت موضووووع ثاني
بس ولا يهمكم يا الورعاااااااان ابشرو بلي يرضيكم