ضحية من ضحايا المجتمع وُلدت ورُميت على رصيف الحياة بعد أن تكونت عظامها ولحمها وكساها جلدها ،،

لتجد من يلتقطها ويرعاها منذ بدء تكوينها وظهورها بفجر الدنيا فتلقى نفسها وحيدة بلا أب يسأل عنها أو أم

ترمى عليها بحضنها ،،



يايمه أسألي سجودي ..

بأعلى الصوت يدعيني ..

يايمه أسألي ركوعي ..

من حالي بيرثينـــي ..

يايمه أسألك أنتــي ..

الى يومك تحبينـــي ..

يهون عليك يايمــه ..

بثوب العار تكسينــي ..

يهون عليك هالعالم ..

لقيط الدار يسمينــي ..

يادنيا وينهـا أمي؟؟

ليه يايمه تعافيـني؟؟

أنا ولدك أنا أنتي ..

أنا ياكيف تنسيني ؟؟

أنا شسويت يايمه ..

أنا شذنبي أنا شفيني ..

أنا غلطان يايمه ..

أنا ياكيف بعتيني ؟؟

ياليتك جاهله يمه ..

وبإيدك وأدتيــني؟؟

ياليتك قبل ما أحيى ..

أنابجوفك قتلتينــي ..

أنا شسويت يايمه ..

أنا شذنبي أنا شفيني ..

يايمه أحلف بربـي ..

دعاء منك يحمينـي ..

يايمه ياترى وحشتك ..

مثل ماأنتي وحشتيني ..

يايمه وينها عيونك ..

من دموعي تواسيني ..

يهون عليك يايمه ..

بلا أسم تخلينـــــي ..

أنا ساره أنا نوره؟؟

أنا كيف بتنادينـــي ..

يايمه سامحك ربـي يوم أنك شقيتينـــي

يايمه سامحك ربـي يوم أنك خذلتينـــي

يايمه سامحك ربـي على مر جرعتينــــي

يايمه أنتي مو أمي أنا أمي ما تخلينـــي


من كل قلبي لا أقول سوى ،،

تباً لكل من ترك رضيع بالطرقات يعاني من قسوة الحياة والظلمات ويكون لقيطة أو لقيط ،،
ويبدأ مشوار معاناته وقوة صبره ،،
حسبنا الله ونعم الوكيل على كل أم رمت بابنها أوابنتها التي كانت بأحشائها ثم تولد ومدى الحياة
تحرم منها ومن حضنها ،،
وحسبنا الله ونعم الوكيل على كل أب رمى بابنه أو ابنته التي تكونت من مائه وترمى بلا رعاية
أبوية أو حزم وتوجيه منه لها فتحرم من أباها ،،


منقووووووووووووووووووول

يايمه سامحك ربـي على مر جرعتينــــي

يايمه أنتي مو أمي أنا أمي ما تخلينـــي



قويه الكلمه هذي



يعطيك العافيه


اختي

سيلانيه

كلمات قوية جدا جدا جدا..


تسلمينـ أختي سيلانية ع الكلمات الرائعة:)


تقبلي مروري وردي..

كلمات حزينه

وقووووويه

لكنها روووعه

سلمتِ وسلمت اناملك الذهبيه ..

تحيتي
مـــس مــس

لاحووووول ولا قوة الا بالله

وانتو ماعندكم شغله الله يهداكم الا تصيحيونا

استغفرالله ياخي بجد وش ذنب هالمساكين من غلط مسوينه الاهل

يكون بعلمكم يعني ان نسبة اللقطاء واليتامى بس بالشرقيه ارتفع ناسي وقسم من الرقم بضبط .. بس اخبر واحد كان على طول يتابع هالامور

وارتفع ارتفع لدرجة الشخص مايتوقعها

وطانكيووووو خيتو

الله يسلمكم من كل شر

تقبلوا مني كل الاحترام والتقدير