الشاعر : ياسر التويجري . المشهور بـ قصائده الجريئه وقد يسميها البعض البجيحه .



أحيا حفل لـ الطلبه السعوديين في قاهرة مصر وتم طرده من مصر بعد إلقاء هذه القصيـدة


التي سب فيها بوش و كونداليزا رايس < صح السبلنج ؟ و الرئيس المصري حسني مبارك


أرٍعــــص تحت عشـــآن تسمـــع القصيــــدهـ ..


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]





البارحة في يوم عشرة يناير ... دارت علـى الـراس المحنـك دوايـر

حاولت أغير في الزمان المغاير ... ولا حصل لي شي غير اللذي صـار

الله يعزتس يا قضية فلسطين ... مـن أربعينتـس ليـن سبعـة وستيـن

ومن أولتس لين بكره وبعدين ... لولاتس كان تضيع نشـرات الأخبـار

حنا عرب نعم عـرب يـا أوربـا.... مـا عندنـا إلا جبـن وإلا مربـى

الشخص منا لا تبين تغبـى ...وهـذي سياسـة للهدوء قبـل الإعصـار

سيوفنا قبل الملاقى شطيرة ... يعنـي علـى مـا قيـل مثـل الشطيـرة

وهذا دليل مع نقاء السريـرة.... والله يجيـب الخيـر وتطيـح الأمطـار

سلام يا بوش الأبن يا المبـدى ... يلـي علـى كـل المبـادي تعـدى

الطيب ولو أنه عنـد ربعـي تـردى ... وقدامنـا جنـه وقدامنـا نـار

يا كوندليزا رايس أهلا وسهلين .. يا أم الجمال اللـي يهـز السلاطيـن

غنجتس ذبح له فوق خمسة ملايين .. هذي ضحايا والضحايا بتس كثـار

فخامة الرئيس حسني مبـارك ... يحفـظ جـزء عـم وينسـى تبـارك

وأكبر دليل أنه يقود المعـارك ....ومواقفـه إذا جـت حـزات الأخطـار

القاهرة بلد حضاري وبطران ... فيه البنـات أنـواع وأشكـال وألـوان

من هارديز لين ميدان لبنان ... وأحسن بنات اللي يجن طـرق وصغـار

ورموشهن شبرين وعيونهن سود ... وأنعم من الديباج وأرهف من العود

مباسم حلوى وحجان وخدود ... كسـلات بالممشـى وبالغنـج شطـار

أنا هنا يمكن قبل أربع أعوام ... رحت أتمشـى عنـد هامـات الأهـرام

وركبـت مـع تكسـي وقـدام قـدام ... حتـى تعدينـا بقـالـة ودوار

وجينا وأثر فيها خيول عريبـات ... أجدادهـا قـد شاركـت بالغـزوات

آجارهـا يمكـن بأربـع جنيهـات .. وزد صفـر ولا تدقـق بالأسعـار

أخذت لي خيل وكرباج وأقفيت .. يعني علـى قولـة عنيـت وتمشيـت

ويا ليتني مع المقادير ما جيـت .. ولا رأيـت اللـي يهستـر بالأنظـار

فيه البنـات يسابقـن الرياجيـل ... اللـي عليهـن ضيقـات البناطيـل

فوق الخيول يجاذبن المواويـل .. أمهـار لكـن فـوق قبـات الأمهـار

غزلت لي وحدة ولا عبرتنـي ... حلـوة وفيهـا مـن ملامـح برتنـي

وأقفيت أشيل الهم من فوق متني .. عقب ما قالت لـي حيـوان وحمـار

وأنا مانيب إنسان واطي وسافل .. أنـا مـن اللـي يحكمـون القوافـل

أحيان مكفول وأحيان كافل ... وأكره ما أشـوف الظلـم والـذل والعـار

أبترك الموضوع وأدخل بموضوع .. دام صوتي عند الأجـواد مسمـوع

نبينا محمد ولاهـوب يسـوع .. المصطفـي الهـادي شفيـع للأبـرار

لو إنتحر صدام من قبل ينهان... وخلى المشاكـل كلهـا فـوق بـرزان

ما كان مسخر به قدام كل الأعيان .. عزيـز قـول ذل بأيديـن الأقـدار

سبيس تون إن كان بالناس حيرة ... أفضل بواجد مـن قنـاة الجزيـرة

تضحك الورعان وقت الظهيرة .. وهـذي تبكينـا ليـا جـات الأخبـار

وختامها مدري وش أقول لكن .. ما أحب أنـا أسمـع أغنيـة الأماكـن

من ثقل هم بين الاضلاع ساكن ... الله يحرول ساق رجلي علـى البـار







وسالفة الطرد أتوقــّــع اشــــآعة :120104love_you4_cut

أتمنــّـــى تحووز على رضا واستحســـآن معآلي سموّكم :D

مشكوره أختي مهجولة ع الموضع يعطيك العافية..

الايام هذي لا تستبعدين أي شيء:)

ومشكور أختي مره ثانية..

أســـرع ردّ مـــــرّ عليّ :010105l_bhuhhh333[1


ماشــــآء الله عليك ..


وقصمن انك كنقهـــــم كلـّــهم :060105rap_25[1][1]:



توشكــــر وكل شــــي جــــآآيز *_^

سلام عليكم
هـع والله فلـه وخـاصـه

سبيس تون إن كان بالناس حيرة ... أفضل بواجد مـن قنـاة الجزيـرة

تضحك الورعان وقت الظهيرة .. وهـذي تبكينـا ليـا جـات الأخبـار

هـع هـع احلى ياسبيس تون صرتي مشهوره هـع

مشكوره اختي
وصح لساانك يامهجوله والشاعر الكبير ياسر

شكرا مره اخري