حشا الله ما أفارق وطن تحكمه ( أل سعـود ).........................!! - -:: منتديات المهجولون العرب ::-

أمـيـر ~ الـذوق ~ والـرقه · 10-04-2006, 04:07 PM

. مساء الخير يـا دار النبـوة والكـرم والجـود *** مسـاء الخيـر يـا دار لهـا فـي القلـب أماريـه
2. أحبك واعشق والله عليـم والحـواس أشهـود *** عليـه والمحبـة واضحـة مـن صافـي النـيـة
3. سعودي وأفتخر فيهـا وأعلـم إننـي محسـود *** وكـل النـاس تتمنـي تـجـي دار السعـوديـة
4. ربيت في كفلها وأصلا أنا في الوطـن مولـود *** وأحبـه حـب لا يمكـن يجـي مثلـه ولا زيــه
5. حشا لله مـا فـارق وطـن تحكمـه أل سعـود *** ولغنـي لـه قصيـد وكـل يـوم فـيـه رديــه
6. قصايد ماتخللها لحـن عـازف وطـرق العـود *** نغنيهـا ليـا أمسينـا علـى بيـبـان حربـيـة
7. ولو أصبحت ميت يا هلي مـن شعلـة البـارود *** تري روحي فـدا وأن مـت بـه لا تاخـذوا ديـة
8. سقى الله ديره فيهـا يقـص الحـق بالمجـرود *** وكـل أحكامهـا مـن فـوق جايتنـا سمـاويـة
9. سقى الله عزها والعز ورثك يا هـذاك العـود *** عسـي مثـواه فالجنـة مـع الإبــرار فالفـيـة
10. حكمها واستجابة له على شعيل وعلى مسعود *** وصارت مـن بعـد ذيـك العلـوم الـدار محميـة
11. وخلف له نسل من بعده مشوا في دربه الممدود *** وصاغوهـا صياغـة عـرف والخيـرات مثنيـة
12. حكمها أربعة منهم ونعـم ولا علـى هـم زود *** عسى ربـك يسكنهـم تحـت عـرش الإلوهيـة
13. وحنا في حكم فارس يحقـق باقـي المقصـود *** يمشيهـا علـى مـا طـاب والهجمـات عبسيـة
14. يبادر بالسلام ليا نفع وإن مـا نفـع بـارود *** على اللـي خالـف الوجهـات شرقيـه و غربيـة
15. يحرك قافلة تمشي ولو كـان الخطـر موجـود *** محملهـا بمـاء وعيـش والوصـفـات طبـيـة
16. إله في عاصمة لبنان خيمـة حبلهـا مشـدود *** تعالـج مـن قصدهـا يشتكـي وعكـات صحيـة
17. تكفل يبني الديـرة ويفعـل فعلـه المحمـود *** وهـذا شـي مـا يذكـر هـذا مـن فعلـه شويـه
18. يده للشعب باسطهـا وعـدة دايمـا مـورود *** ومن يضما يجـي يشـرب وتبـري عقبـه الكيـة
19. وأبو خالد عظيده في الليالـي بيضهـا واسـود*** ليـا منـه مشـى ديـره عقبـه ريـاح وسميـة
20. حشـا لله ماجينـا لقينـا بابهـم مـسـدود *** علـى المصـراع مفتوحـة وهـذي مـن عاديـة
21. ولو جينا نبي نحصي تعبنا من هـذا المجهـود *** ولا أحصيناك يا هـذي ولا أحصينـاك يـا ذيـه
22. أبلغ من هذا المنبـر جماعـة حظهـا مقـرود *** تبـي تفتـن ديـار الـعـز بأفـكـار يهـوديـة
23. نصيحة أرجعوا لله تري درب الخطـأ مـردود *** ومن يعصي ولي الأمـر عصـى المعبـود كليـة
24. ترى الله يغفر الزلة بعد ما أستغفر المعبـود *** وأبـو متعـب يخففهـا مـن الإلفـيـن للمـيـه
25. وطنا له مائـة عـامِ وهـو بطيبـه معهـود*** وكـل مـا راح شخصيـة عقبهـا فيـه شخصيـة
26. وأخير أحمد الله في وطن أهل الكـرم والجـود ***و أصلى وطلب المولـى يسامحنـي علـى السيـة

الشاعر فارس الثبيتي(الـضـمـيــان)

متقروش · 10-04-2006, 04:34 PM

صــح لسسسآن فآرس على هالقصيـدة الروعـه وسلمــت يمنآك أخوي أميرٍِِ ..

وأبو متعـب معروف بالجود والكرمـ وهو أهله ..

آلله يحفـظ لنآ مملكتنآ بكل خيرٍِ ..

تحيتي لك ..

أمـيـر ~ الـذوق ~ والـرقه · 10-04-2006, 05:14 PM

أميـــــــن

يعـــــــــطيك العـــــافيه أخــــــــوي (( مـتقروش على مرورك ))

ويعطيك ألف عافيه

تمنياتي لك بالتوفيق

أخـوك :: أمـيـر ~ الـذوق ~ والـرقـه ::

روح الغـلا · 10-04-2006, 09:50 PM

تسلم اخوي على القصيده الرائعه والله يحفظ لنا المملكه حكومه وشعب

أمـيـر ~ الـذوق ~ والـرقه · 10-04-2006, 09:54 PM

أمين

ومـــــــــشكوووووووووووووووووره على مرورك ويعطيك ألف عافيه

الكابتن مناحي · 10-09-2006, 06:56 PM

اقتباس:

أحبك واعشق والله عليـم والحـواس أشهـود *** عليـه والمحبـة واضحـة مـن صافـي النـيـة
سعودي وأفتخر فيهـا وأعلـم إننـي محسـود *** وكـل النـاس تتمنـي تـجـي دار السعـوديـة

الله الله .. صح لسااان الضمياااان وصح كيبوووورد ياميرووو

وسلمت يمناك على هالنقل اللي يكيف الراس ولاهنت

أمـيـر ~ الـذوق ~ والـرقه · 10-09-2006, 10:31 PM

صح بدنك

مشكور مناحي على مرورك

ويعيطيك الف عافيه

! غيــــــد ! · 10-09-2006, 11:30 PM

صح لسانه وتسلم يمينك امير الذوق

ولنا الفخر اننا من وطنن يحكمه (( أبو متعب ))

ALKING · 10-10-2006, 04:14 PM

اقتباس:

5. حشا لله مـا فـارق وطـن تحكمـه أل سعـود *** ولغنـي لـه قصيـد وكـل يـوم فـيـه رديــه

والله كلمات يعجز اللسان عن وصفها:)

,,,صح لسانك أخوي ::أمير الذوق:: يعطيك أل1000 عافية..

والله لنا كل الفخر اننا سعوديين والله يخلي لنا مملكتنا الحبيبه..

أمـيـر ~ الـذوق ~ والـرقه · 10-11-2006, 01:17 AM

الله يعافيك مشكور حبيب قلبي على مرورك

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)