ˆ~¤®§(§أمـــرؤ القيـــس وبنــت عمــه §)§®¤~ˆ° - -:: منتديات المهجولون العرب ::-

الغريب · 02-12-2006, 09:20 PM

بسم الله الرحمن الرحيم

السلام عليكم ورحمة الله وبركاته

اليوم جايبلكم قصة الشاعر الكبيرالوجعان/ امرؤ القيس

يقولك كان يا ما كان كان امرؤ القيس قافله معه طارده ابوه من البيت بتقولولي ليش طرده ابوه؟اقولكم ليش000

جاء لابوه جماعه من قبيلتهم وقالوا له ان امرؤ ابلش بنات الديره كل شوي وهو حاذف الرقم يعني يغازلهن قال ابوه والله اني ازريت فيه قالوا مالك غير حل واحد انك تسرحه بالابل المهم سرحه ومانفع به قالوله سرحه بالخيل وسرحه لكن برضه ما نفع قالوله سرحه بالغنم وسرحه لكن مانفع المهم يوم شافها قافله بوجهه ابوه قام اطرده لانه فشله مع الجماعه

نرجع للموضوع راح يتمشى امرؤ القيس لين وصل للغدير اللى يشربون منها ويتروشون <<<يعني ياخذون شاورفيها ويسقون حلالهم منها ويوم قرب لقى بنات قاعدات يتسبحن في هذه اللحظه كشر عن انيابه امرؤ القيس ليه لانه شاف بنت عمه اللى يحبها معهن راح ابو الشباب قال لازم اشوفهن وهن لابسات بدون ملابس <<<عاد افهموها

راح اخذ ملابسهن وقعد عليها قال ما اعطي اي وحده ملابسها الين تطلع من الغدير في بادي الامر رفضن لكن يوم شافن ان الوقت راح وخافن انهن يتأخر عن البيت وبرضه شافن الرجال المهستر ذا ملزم قامن وحده وحده يطلعن وياخذن ملابسهن وهو قاعد يتفرج <<<يلعن ابو التنسيم

الين جاء دور بنت عمه هو مسوي الشغله ذي كلها علشان بنت عمه والله وتطلع من الغدير يوم قام يرجف شاف الجمال وتجي وتأخذ ملابسها ويقعد يضحك وهن زعلن وراح يبي يراضيهن وقالهن لو اذبح لكن ذلولي <<<الذلول هي سيارات الجاهليه منول>> ترضن علي؟ قالن ايه!!

والله ويقوم الرجال وينحر السياراه حقته قصدي الذلول ويشويلهن وهن ياكلن الين الليل وضحك وسواليف سبحان الله عقب ماكانن زعلانات الحين يسولفن معه

الرجال بلش الحين كيف يشيل الشنطه حقته لانه اخذ اغراضه يوم اطرده ابوه والذلول ذبحها قامن عاد البنات وشالن عنه اغراضه كل وحده شالت عنه شي حتى بنت عمه شالت عنه الظاهر انها شالت الملابس وهو شالها معها لانها الملابس كان مطلعها من الكواي وما يبيها تتقرفط <<<كواي ما يمديها

وبهذا انتهت قصة شاعرنا المهستر الكبير/

°ˆ~*¤®§(*§*)§®¤*~ˆ° امرؤ القيس°ˆ~*¤®§(*§*)§®¤*~ˆ°