السلام عليكم ورحمة الله وبركاته ,,,

هلا وغلا فيكم ...

اليوم جايب لكم مسجات ... غير شكل

وابي اشوف رايكم ,,,,
=========================

(((( حـــــزن ))))


ولايهمك يا روح الروح اذا ناوي على النسيان
تناسى يا عسى البسمة تزورك يوم نسياني
وخـذ فرحي معك تكفى وعلمني على الأحزان
مـدام الـهـم جـاني مــنك أكــيد بتـحلى أحـزاني
واذا جـرحـي يسلي النفس عن وقت يهز ابدان
فداك الجرح يا عمري تسلى بنزف وجـدانـي
ولـكـن قـبـل تـظـلـمـني وتجازي ودي بالنكران
حـبـيـبـي افـهـم احـسـاسـي لأنـه حـيل أشـقـاني
أبـيـك ومــا أبي غـيـرك ولـو هل المطر خلان
أنا مـالي سـواك انــت ولـو غـــيـرك تـبـلانــي
******************************
يمه حزين أبـغـيـبـــتك واشكي الهــم
يمه فديتــــــــك لاتغـيـبـيـــن عـنــي
يمه الحياة أبغـيـبـتـك شكــلـــها غــم
يمه ضحكت وجامل الضحــك سني
يمه سكن حزنــــي على حافـــة الفم
لاجيت اسولف دمـــع عينيي سبقني
يمه ترى هالبـيـت موحــش ومظلم
في غيـبـتـك يا( يمه) ســوره خنقني
******************************
على متن الجبل هذا جلست اذكر حكاياتي
جلست استرجع الماضي وصدري ضاق بهمومه
تعبت وكل مافيني تعب من كثر وناتي
عنا الذكرى جروحٍ عايشه بالنفس مرسومه
يذوب ابداخلي صمتي تذوب ابداخلي ذاتي
صفير الريح في صدري يصحي الجرح من نومه
نحت الصخر بدموعي وثرت بفيض عبراتي
تفجر في ثرى نفسي شجن واهات مكتومه
تجرعت الالم بدري وخاوتني معاناتي
مشاعر ضمها صدري من الافراح محرومه
*****************************
ابـــي اســــرق مــن هـمـــومـي
هـمـــوم تـجــرح الأبـيــات
واخـــاف اكـشـــف عـــن الـخــافــي
واتـيـــه بـوسـط اهــاتي
حــزيــن وبــايــن بـعـيـنــي
واحـــاول اخـفــي الـدمـعــات
كـثــر مــااخـفـــي الــدمــعـــه
احـــس تـزيـــد عـبــراتـي
امـــد الـكـــف كـــم مـره
ويـصـفـعنـــي الـــردى مــــرات
ردى هــالـحـــظ قــاعــــد لـــي
يـعـكــــر كـــل لـحـظـاتـي
يـســـافــر بــي ورىالـدنـيــا
لـديــره شــعــارهــاالآهــات
تــرحــب بــي وتـهـلــي بــي
وتـدفـــن كـــل ضـحـكـــاتــي
تـمـــد بـســـاطـهــا الـداكــن
وتـنـثــر شــوك للخـطــوات
وانــا امـشـــي رغـــم هـــذا
واخــــاف تــقـــل خـطــواتـي
*************************************

طمنوني عن حبيبي كان مريتوا عليه
وعلموني كيف عايش طمنوني كيف حـاله
يا ترا مرتاح ولا صار بعدي شي فيه
واسألوه ان كان حبي لين ها اللحظه في باله
يعلم الله ما نسيته واني اتألم وابيه
وان ما ليلة و مرت الا داعبني خـياله
وان لين هالحين وقلبي واقف له يحتريه
نادر في حبه ونادر في غلاه وفي وصاله
حالف ان شفته لا ضمه وسط قلبي واحتويه
**************************************
أحبك ذا ترى أول كلامي .. وآخره كله
ولكن وش يضر اليـوم لو تدري عن احوالي
وخذ ما جـاز لك من هالحكـي واللي تبي خلـه
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
***************************************
حسمت المسأله والحين .. ابصدرلك قراراتي ..!!
وهي حاااصل ( تشاورنا ) بعد تكرار غلطاتك
( أنا ) ( وجروحي ) ( وقلبي )
تعاهدنا على ..... الآااتــي :
"" نحــب حتى الغلط منك ""
لانــه جــزء من ذاتـــك.....!!!!!
**************************************
رفعت الرايه البيضا..نعم ..سلمت واستسلمت
رفعت ايديني الثنتين..سو اللي تبي فيني
فداك الطاعه العميا..عليها يالحبيب اقسمت
اطيعك لو تعذبني.. وتظلمني وتشقيني
انا بلياك يالمحبوب.. يجرحني رهيب الصمت
احس اني وحيد بعالمي.. لاغبت عن عيني
***********************************
اببتعد واهجر شوارعك والبيت
قلة ادبكم عجلت بالنهاية

رح في طريق في دروبه تماديت
تحت الثرى شيعت نهاية عنايا

اقسم قسم لوشفتك بيوم حنيت
لأدوس قلبك بالقدم من قسايا

آخر سؤالي كان بالحق رديت
قلي بربك وش سبب هالسوايا
************************************
وووينك انت يا وله روحي عليك
وووينك انت كل ايامي تبيك!
في بعادك صارت اوقاتي عنا
اكتب اشواااقي خواطر واحتريك
ما احتمل احساسي اني مو معاك
ما بي هذا الكون انت اللي (( ابيك ))
***********************************
نسيت الناس والدنيا ولكن ماقدرت انساك
ولامني ذكرتك رجعت وقلت لعيونــــــــــك
انا لعيونك الحلوه احبك واعشقك واهــواك
ولاتسأل عن احوالي انا بسألك وشلونـــك
ترى ماهمني غيرك ترى كل البشـر تفداك
ترى موتي وميلادي حبيبي داخل عيونـك
***********************************
خلنــــــــــــــــــي
قصة هوى تسكن كيانك
خلني صورة مسافر في سماك
وخذ حياتي خلها شمعة زمانك
وخذ عيوني ماسكن فيها
ولمني ثم "ضمني " بأقصى حنانك،،
لمني يا جعلني كلي
فدااااااااااااااااك !
*************************************
هويتــــــه طفل ٍ صغيـــر وعلمتـــــه وربيتـــــه...
....... عشقـــــته لعنبو جـــــده وسواهــــــا وربــــــــاني؟؟؟
*********************************
مات الحكي واحرجني الموقف احراج
وعجزت اعبر عن هواي اعذرني
ماغير جملة حطها الخوف بسياج
قلبي يحبك حيل لا تتركني
كتبتها اخشى اسبب لك ازعاج
ولولا الغلا ما قلتها صدقني....
*******************
والله اني كنت الوم الي يضيق ان غاب خله ,,
لين جربت المحبه
والفراق وقلت
"تـــــــــوبه"
لعنبو جد المفارق فيه هم وذله ..!
اثر كل الحب لذه..,
والفراق
((اكـــــــــبر عيــــــــــوبه))
*******************************
رح فمان الله
وجه ابيض و طيب بشاره
لا تراعيني بعينك لين ما تخفيني
واعرف انك لو تلف الارض
حاره.. حاره
وين ما تلقى ملامح طيب بتلاقيني
واعرف انك لو تضيق
بدنيا دوّاره
ما تشوف الا ويدينك وسط يدّيني
********************************
يأأه يادمعه طاحــت على خد المواجــه
ما عرفتي تصبــرين اليــن ما عينــه تروح ؟
و الله اني ما قصدت بدمعــتي يا قلــب حاجه
بس فاجأني بغلاهْ .. و صممت عيني تبوح
*******************************

=======================

(((( شــــوق ))))



يامن ترك في
خاطري لهفة الشوق
تشتاق لك عيني ..
وقلبي لك اشتاق

غابت معك لحظاتنا
اللي لها ذوق
ويغيب ليل بالغلا
كان براق

اسمع صدى صوتك ..
وانا اقوم وافوق !
شي ملك روحي ..
وشي بالاعماق ..
***********************************
رسالـة .. كلها أشواق
من اولها لتاليها ..
بعثها خافقي يمّـك
.. مع اخلص تحياتة ..

عساها تاصل وتـوفي
..غلا عينك وراعيها ..
واناادري ان الغلا ..
اكبرمن احساسي وابياتـه ..

ولكني اببعثـها
وامّنــها واوصيّـــها ..
تقبّل رمش عينك ..
قبل جوالك ونغمــاته ..
*****************************
..ياصاحبي..
ياصاحبي .. لو بالزمـن ذرة إحسـاس
ماياخذك .. من عند ( قلبي ) .. ثواني
مليت اشوفك .. بين الأشواق .. والياس
واشوف حلمي .. ينهدم فـي كيانـي
*************************
يمك خذاني الشوق ماني مخير والي خذاه الشوق معذور لو صاح
***********************

لــو قلت انا

ما اشتــاقلك

تراي كذاب..

كلي على بعضي

اضيــع بغيــابك ..
************************************
لا تحسبني يوم دقيت مشتاق
بس بجرب موقع الصفر وينه
أثر الصفر من بين الأرقام ذواق
رقمك هو اللي بس حرك حنينه
ما جابنا لأرقامكم غير الأشواق
وأحساسنا قبل الصفر عارفينه

=============================
<<<<<<<<<<<<< يــتــبــع

(((( حــــب ))))
فديتك من هنا لآخر محطات الغلا لهناك

فديتك كثر مايهوى رضيع الصدر غفواته

فديتك يابعد كل الحروف وكلها تفداك

فديتك يابعد بيت القصيد وكل غاياته

فديتك بس لو تعرف وش اللي بالحشا ينخاك

وربي لو كشفت اللي بقلبي مت لرضاته
***********************************
سو كنك مادريت وحبني....وسوها ثاني على انك تعتذر !!
وقول اسف مانتبهت وضمني...والعذر مقبول ولك مني شكر
وكرر الغلطه معاي وخلني...أنتظر عذرك بكل فارغ صبر!!
جيبني ثم ودني ثم جيبني...من حدود الشمس لحدود القمر !!
وين ماتبغى فديتك ودني...خادمك ياسيدي تحت الأمر...
تكفى بعثرني شظايا ولمني ..في كفوفك يابعد كل البشر !!
راح أسوي كني دخت وضمني..وراح أقول أمزح وأحبك وأعتذر؟؟
***********************************

عديل الروح يسألني؟؟ تحبيني!!!!
أرد الصوت يا (...) أحبك حيل ياعمري...
حبيبي ليه تسألني كأنك جاهل فيني..!!
تعال عيوني واقراها تعرف الخافي وتدري...
أحبك حيل بأسبابك ذنوب الحب تغريني...
أحب الذنب لاصارت ذنوبي بالوصل تغري..
أحبك ثم أحبك ثم أحبك لين تكفيني...
أحبك كلمة خجلى تصغر في الهوى قدري...
أنا وان ضاقت الدنيا لقيتك فسحة سنيني.
أنا ولخاطر عيونك أبيع الكل من عذري..
*********************************
مدري عــــــــلامي صــــــرت ماحب غيــــــره....
........ كنه موصينــــــــي أحبــــــــــه لحــــــــــــــــاله
********************************
أحبك لين ترفعني ايادي الناس يم قبري.. احبك لين يغمرني تراب القبر وغباره
*****************************
كان هذا تغلي والله اني لجيك
انت روحي و روحي يا بعدهم فداك
تاج راسي و رأس الهوى يحتريك
دق بابك غرامي افتح الباب جاك
عاشق خط عمره بين رجة يديك
عاشق رعشة شفاك
كل حرف يخطه دوم يسال عليك
لعنبو حي حيك ماذبحني سواك
*************************************
لبي فؤادك يامنى الروح وين انت؟
ياللي حياتي دون وصلك ولاشي
اقسم برب الكون مشتاق لك انت
شوقن يساوي من تنفس وهو حـي
لبي الوفا وانا الوفا لك تكونت
لبي الكنين اللي حوى النور والضي..
**************************************
سحايب شوق مرت بي
وهبت بعدها نســمات

تبسم خاطري وارتاح

لانــي بـــس....

...تـــــذكــــــرتـــــك...
***********************************
ما يتوب القلب عنك لو يذوب يا عجيب الحسن عشقي لك عجيب
لو نهو روحي عنك ما تتوب انتا غيرك ما بهالدنيا حبيب
كل عمري من سروقه للغروب فدوة لك من شبابه للمشيب
كان حبك عيب يا مرحبا بالعيوب ليت نفسي من عيونك ما تطيب..
************************************
يحسبني يوم سلم ماسمعته سامعه بس اتغلى عليه
قلت ابثقل بس ثقلي ماستطعته وابتسمت وجيت لمعانق يديه
يحسب اني يوم مارديت بعته مادرى اني بكل عمري مشتريه
والصراحة يوم سلم ماسمعته كنت افكر كيف انا سلم عليه
*************************************
الوا هلي وشفيك
ماترقد الليل..
ترى السهر ماله
عواقب حميده..
كانك مريض روح
واعمل تحاليل..
يشرح لك الدكتور
وصفه مفيده..

قلت انشدوا راعي
الرموش المضاليل


اليوم صار الحل
والربط بيده
قالوا تحبه قلت
بالحيل بالحيل !!
****************************
طابت ليلتك نا111مي
سهرتك معي ساعة
انتي غمضي عيونك
وانا احكيلك حكاية
قرب فجرنا يطلع
نجوم الليل تتركنا
خلي وسادتك قلبي
نا111مي وبكرة موعدنا
************************
يارســــــايل خبـــريه ،،
مستحيل
أنسى
غلاه..
واضحكي له ودلليه
وسولفي
دايم
معاه..
علميه إني حيييييل أحبه
طار
قلبي
في
سماه..
كل شوقي سلميه
واسهري
صبحه
ومساه..
يارسايل دلعيه
هو
سعد
قلبي
وهناه..
*************************

تخونك عينك وقلبك ولامني يجيك قصور.......
يخونك ناسك وربعك ولاصكيتلك بابي........
لو كلي ألم ينزف أبظهر لك فرح وسرور.......
ولا برضى ولو مره يصيبك جرح بأسبابي........
*************************
أماااااااااااااااااااااااااااااااااااااانه........
لاغدت صرخات قلبي لك بليا صوت؟؟
تحمل لاتخليني أشيل الهم بلحالي..........
ولامن صار مايحيي غلا الغاليين غير الموت؟؟
أنا ودي الا من مت...أموت وعادني غـــــــــــــــالي.....
***********************
مابيك بالقوه ..ولابيك بالطيب
أبيك من كيفك تحس بحنيني
مابيك تقبل باخر العمر وتغيب
أبيك دايم بين رمشي وعيني
خذني وغربني عن الناس تغريب
مابي اشوف انسان غيرك بعيني
************************
مسكت النقال شوي
أناظر صفحة
الوراد جايز ناس
تذكرني
ومنهم شي يوصلني
لكن من غير ماأحس
ضغطت صفحة
أكتب رسالة وكتبت
أحلى عباراتي
"أنا الموجود
بوجودك ،،
وأنا اللي ظلي
بورودك ،،
وأنا عمري
إبتدا معاك ،،
ونهاية عمري
حدودك "
**********************
عشقت الدمع بأحزانك
عشقتك عند ضحكاتك
عشقت أهلك على
شانك عشقت اللي
يعرفونك
تعذب من يشوفك
لامشيت أو عند
وقفاتك
وانا في داخلي أدعي
عساهم مايشوفونك
بروحاتك .. وجياتك .
. بجياتك وروحاتك
أخاف الناس ياعمري
يصيبونك .. يحسدونك
**************************
صراحه
ღ
ღ

ورب البيت ما أجامل

قليل إن قلت أنا

"أهواك"
‏
‏أنا عندي كلام أكبر
يهز الحب وأقداري..
‏
‏أحبك

(إيه متأكد)
‏ولايطري علي أنساك...
أنا وشلون بنسى اللي رسمته

"بدرب مشواري"...
***************************

بعترف لك بس آخر اعتراف...
انت وحدك بس منهو همني...
دامني مغليك ما عندي خلاف...
وان تشتت من غلاك لمني...
واعرف انك وسط قلبي لا تخاف...
سمني مجنون حبك سمني...
لو حبي لك ورى صدري يشاف...
والله لاحلف تقوم ثم تضمني
**********************************
والله بدونك كـل حياتي ولا "شــــي"!
وش عــاد بعت الـنااس يكفي "شريـتـك"!
دامك تساوي "بالــغــلا" ذي .. مع .. ذي!
لبيه .. اّمــر .. سم .. أبشـر ..
"عطيتــك"!
اللي تبي وإن جيت أبي
"حاجتن لي"!
مابي ســوى كلمــة
"أحـــبك"فديــــتك"!!
***********************************
لبيه لو تطلب من انفاسي انفاس
بالورد اغلف غالي العمر واهديك
فدوه لعينك يابعد كل هـالنــاس
يابعد هالعالم وش تبي واعطــيك
أنت ( الوفا )
وأنت ( الصفا )
وأنت ( الاحساس )
وأنت الذي داخــل عـيوني أداريك
**********************************




والباقي جاي في الطريق بس أنهد حيلي :

يعطيك الف عافيه عزوز

مسجااااات حلوووووين وكشوووخي


ننتظر البقيه


تسلم

يعطيك العافيه سنفورة عالمرور

مشكور على المسجات الحلوه

يـسـلمـ رآسك عـزوز على هالمسـجـآت وربي إنـك ذوق ..

يـعطيك ربي العآفيـه وآلله لآ يحرمنآ من جديدك وممـيزٍِك يـآذوق ..

وثلاث نجوٍِم للموضوع يستآهل وٍِآلله :) ..

مسجات روعه


ويعططيك العافيه

أخوي عزوز


تقبل مروري

أخوك :أميـر ~ الـذوق ~ والـرقـه ::

يسلموووو

يعطيكم الف عافيه عالمرور