تجربة مع الجن....هل رأيتم في حياتكم جنا ..إذا أخبروني

بصراحه ماقد حصلت لي هالأشياء والحمد لله أنها ماحصلت بس أذكر قصه قالتها لي بنت عمي وحنا مخيمين في البر والقصه هي:
تقول أنها حصلت بمنطقه ماهي بعيده عن حايل يعني مابين حايل والقصيم وبطل القصه هو رجال كان دايماً يروح للمكان هذا عشان هالمنطقه هي الوحيد اللي فيها حطب كثير ومافيها ناس يعني ياخذ على راحته المهم ويوم من الأيام كالعاده هو يطلع من حايل بالفجر ويروح للمنطقه اللي قلتلكم عنها ومايوصلها إلا الضحى يعني الساعه 9 أو10 المهم يوم وصلها راح يجمع الحطب ويعبي حوض السياره ويقول صار الحطب حيل مرتفع وهو وده يحط أكثر بس ماهو قادر ورا ركب فوق يوم ركب طاح شوي من اللي بيده ويقول ألتفت يبي يطالع ماحس ألا واحد أخذ منه الحطب ويقول ع طول قمت أطالعه وأنا مستغرب وهو يدري أن المنطقه مهجوره وتكلم معاه اللي يبي يساعد وقاله عنك عنك أدري أنك ماتقدر توصل فوق وأنا جيت أبي أساعدك ويقول شكله من الناس القديمين اللي أيام عهد الملك عبد العزيز اللي ثيابهم لها أكمام طويله وشمغهم ملونه المهم ويقول ركبت السياره بسرعه وحرك وهوداعس ويقول نسيت أربط الحطب وشوي إلا يطق الدريشه عليه السنافي اللي ساعده و يقوله يالأخو لاتسرع ترا الحطب تنثر وأنت نسيت تربطه وقعد يسمي ويتعوذ ويقول ماوصلت حايل إلا العشاء من الخوف مو مصدق اللي شافه..... والله العظيم يوم قالت لي القصه مانمت ذيك الليله وهي النذله يوم خلصت من القصه سحبت علي ونامت قعدت لين الساعه 8 قاموا الناس بعدين نمت من الخوف ....بسم الله أعوذبالله جعلني ماأجرب وأشوف اللي شافه..