كل ما يتمنى المرء يدركه ... تجري المواكب بما لايشتهي المهجول

لا تحسبون ان الواحد اذا صار فاضي ان حياته بتكون فلله ،،

احب اعرف على ابطال القصه وهم ،،

1- ياسو << هذا انا

2- ابوي << ولد جيرانا

3 امي << بنت حارتنا
4 مجود<<اخوي الواسطه

عندما تخرج ياسو من الثانويه قسم علوم طبيعيه بنسبة 88.26% كانت امنيته الوحيده هي اكمال دراسته بالكليه العسكريه ،، فقام ابوه << ولد جيرانا ،، يلعب براسه ويقول وش تبي بالعسكريه ياولدي !!

قلت له وبالحرف الواحد احسن من العيشه حقتكم ،، ووصفعني صفعه نسيت ان وابوي كان يكلمني ،، فقام يعطيني بعض من الاغرائات لكي لاادرس بالعسكريه ،، ومنها

قال لي ادرس بالكليه التقنيه كلها سنتين ومتخرج ،، جب لي اي معدل انا اوضفك وازوجك وابني لك بيت ،،

قلت له انت نصاب فقد ووعدتني عندما اتخرج من الثانوي انك تشتري لي فياقرا وسحبت علي ،،

قالي مصدق اشتريلك فياقرا ماشريتها لنفسي اشتريها لك انت ووجهك ،،

فقلت له لا والف لا اريد ان اصبح عسكري ،، قالي مافيه لو تموووت

سمعت كلام ابوي وما درست بالكليه العسكريه فدرست بجامعة الملك سعود ،،

اول ترم ما عجبني الوضع اغلب الي معي خكاريه كابات وبعضهم لابس لي جنزات ،،

على طوول سحبت ملفي ورحت للبيت واعطي الملف ابوي ،، وقام يصايح علي انت فاشل انت مدري ايش ،، قلت له لايكثر بس قلت ابغا عسكريه وعييت تصبح على خير بس ،،
ومن يومها الا الان وانا جالس في البيت يعني مر على ذاك الوقت سنتين

والان اترككم مع حياتي في سطوور ...

دايم نايم << كيف اصلح اصير شاعر

اشتاق لاهلي كثيرررر مع اني معهم في نفس البيت ،،

طالعين مصاريه حسبي الله عليهم اذا نمت توهم يصحون واذا صحيت ناموا،،

فاصل اعلاني ،،

مع ااالزعيم للغسيل مافيش مستحيل هع هع هع

<<< يكتب اسما الادمن المنتدى عشان ينبسط في الموضوع خخخخخخخخخ

عدنــــا،،،
احيانا وانا نايم احس بواحد يلمس رقبتي !! من تتوقعون ؟؟

امي << بنت جيراننا ،، تحسبني ميت !!

مرره توني صاحي من النوم الا تجي اختي الصغيره من زمان ما شافتني تقولي :

هاه حلو البر ؟؟ << يلعب على اهله دايم يقولهم رايح البر

كنت مبسووط على هالحاله الا ان اصبح النوم تزيد عدد ساعاته مع مرور الوقت ،،

فاصبح اقل شي انام 18 ساعه !! << داري انكم مو مصدقين بس الشكوى على الله

نسيت وجيه عماني وعماتي ،، وخوالي وخالاتي

لقيت ولد عمي بالصدفه وقعدت اسلم عليه وسئلته عن اخبارهم وعلومهم ،،

تتوقعون وش رد على !!


والله ابشرك جاني بنت قبل اسبوعين ،،

ووالاهل والاخوان وش اخبارهم ؟؟

قال دريت ان فلانه جاها ولد !! وبكل برائه محد قالي

واختي الثانيه تزوجت !! يهوووه ولا تقولون لي ليه !!

ياخي انت مدري وينك ،،

وارد عليه الرد المعتاد والله عندي دراسه بالليل ودراسه بالنهار << ما بقا احد الا وقلت له كذا وانا دايم نايم ،،

قبل فتره جالس مع واحد من العيال واقوله ياخي طفشت مشتاق لامي من زمان ماشفتها !!

قالي وش لون تبي تشوفها وانت :: 23 ساعه نايم ،، وربع ساعه تاكل ،، ونص ساعه تقعد على النت وثمن ترجع تنام وش لون تبي تشوف امك !!

فقررت اني اتوظف ،، واكلم ابوي << ولد جيراننا ،، وقلت له ابي اتوظف قال والله هذي الساعه المباركه ،، بكره تداوم عندي << واسطه صح !!

والله واتوظف ثلاث شهور ،، وقرروا اهلي يروحون للبنان وقالي ابوي خذ اجازه وتعال معنا قلت له ابشر ماطلبت شي ،،

واروح للمدير واقوله عطني اجازه بسافر ،، قال كمل 6 شهور واعطيك اجازه 15 يوم ،،

وافكر افكر افكر ماش ابغا ارووح للبنان ،، والقا لي فكره جهنميه ،،

ومن بكره قدمت استقالتي للمدير ،، قالي ليه قلت لقيت وظيفه احسن ،،

وسافرت مع اهلي ويوم رجعنا قالي ابوي ورى ما تداوم قلت قدمت استقالتي ،،

ليه ياغبي<< مايقصد ني ترى،،

قلت والله بكمل دراستي << يلعن ام العذر

واجلس في البيت وابوي << ولد جيراننا ،، يحتريني اكمل دراستي ،،

بدا الترم الاول ولعبت على ابوي وقلت له اني سجلت باحد الكليات ،،

وكل يوم اصحا الساعه 6 اودي المبزره للمدرسه واروح اكمل النومه في الاستراحه لين الظهر << تخيلوا ترم كامل على هالحاله

يوم خلص الترم الاول وسألني ابوي عن النتيجه وقلت فصلووني ،،

ويكرر الاسطوانه الترميه << يعني كل ترم

انت فاشل انت وانت شف اخوك احسن منك << يقصد مجود،،

ومع ذلك مزلبه ولاكن هامني شي ،،

ومره من المرات جالس على النت وكان معي ولد عمتي واخوي مجود،،

ويدخل علينا ابوي ،، هلا مجود ولدي وش لونك ووشلون الدراسه ؟؟

ماقلت لي تبي تدخل بالاسهم ؟؟ مجود :: الي ودك يبه

خلاص امسك هذي ***** ريال وهذا شيك رح اصرفه بكره وافتح لك حساب ،،

وانا الي يولع قلبي وقلت ياليتني مكمل دراستي ،،

وطلع ابوي ثمن رجع اقول مجود ،، معك فلوس ولا اعطيك !!

يلعن ابو القهر توك معطيه وتجي تساله مره ثانيه !!

والله شي يقهر صدق ،،

ومن عقبها حتى سلام ربي ما يسلم علي وانا ولا همني ،،

اهم شي عندي ماكل شارب نايم بسسسس ،، مافيه اي طمووح ثاني ،،


والان احب اودع اكبر رصيف بحارتنا لاني توظفت بنيو هورايزن مندوب مبيعات ،،

وان شالله كلها شهرين ومنحااش كالعاده ،،خخخخخخخخخخخخخخخ

الله لا يقوله

(( الله يلعن رفقاء السوء ))

احس اني طولت عليكم ليش مدري ،،

مايستفاد من الموضوع :
1/ليس كل عاطل مستانس ،،
2/ العطاله لاتدوووم ،،
3/ العطاله فشاله ،،
4/مساحه اعلانيه اليوم بريالين ،،
5/ متى اصير شقردي !!
6/ وش رايكم اكمل في نيهور ازين ولا امشي
7/كمل دراستك عشان ابوك يحبك

مع

خالص تحياتي




ملاحظه:اسمي ياسر
والزعيم يحب يقولي ياسو تحياتي

هههههههههههههههههههههههههههههههه

بصراااحه والله انك تحفه


الله يوفقك أخوي في عملك ولاتسيبه


شد حيلك وجمع عشان الزواج خخخخخخخ

تقبل تحياتي

تسلم تسلم تسلم على زيارتك الموظوع


ههههههههه الزواج

مالي ومال الزوااج يا رجال هاذى مثال كل سعودي اعزب ههههه

تسلم بااايوووووووووو

هههههههههههههههههههههههههههههههههههه


ياسو حلووة كلمت ياسو

الله يوفقك يا ياسو ونشالله تتوفق في ذى الدنيا ومايصيبك مكروه

ومشكور على الموظوع

تسلمي يا الاميره

مشكوووره على المروور

تحياتووووووووووووو

ههههههههههههههههههههههههههههههههههههه

الله يرجك انت وولد حارتكم

بعدين هذي العلامات الي تقول علامات محشش ياخوي 23 ساعه نوم

ومن زمااااااااااان ما شاف امه ؟؟؟

مشكور ياسو على الموضوع الطيب

الزعيم = وينكم به ؟

هههههههههههههههههههههههههههه

تسلم يا الزعيم على المرور


اي حشيش اي كلام فااظي

زعيم خذ خعاخع

هع

تحياتوووووووووووووووووووو