أنت اللي خــسران يوم إنك تزعلني

وإلا أنـا واجــد أحــبابي وخـــلاني

إن كان ربي أعطاني عمر وأمهلني

مصيرك تشوف من يندم على الثاني

بتجاهــلك ماهـو بس أنت اللي تجاهـلني

عــهــد عليّ إني انــسى من تناساني

وأعــامــلك مثل مـاشـفتك تعامـلني

وعــد إن قاله الله ليجيك مــاجــاني

مسكين حــدك إذا مـفكر بتشغـلني

مــاتهز شعرة عشــان تهز وجداني

كنـي أشوفك تجي بكره تــحـايلني

وتــقــول توبه ماعاد أعودها ثاني

وأقـول لك حل عني لاتجادلــني

حرمت نا مايجي لسانك على لساني

دامـــك بديت تتــحــداني تحــمــلني

من قــال لك ياصــغــيرون تتحــداني ؟!