السلام عليكم ورحمه الله وبركاته ..

ـــــــــــــــــــــــــــــــــــــــــــــــــــــــــــــــــــــــ

هذه الكلماااات < تذكرنى بأنسانه رحلت عنى
واقروووووها وقولوا رائيكم ؟؟


ياليت الزمن يرجع ورا ولاَ الليالي تدور

ويرجع وقتنا الأول وننعم في بساطتنا

زمان اول احس انه زمانن فيه صدق شعور

نحب ونخلص النيه وتجمعنا محبتنا

زمان مافيه لاغيبه ولا حتى نفاق وزور

ياليته بس لو يرجع ونسترجع طفولتنا

صغار .. قلوبنا بيضا .. نعيش بعالم محصور

ولا نعرف ابد اغراب ماغير عيال حارتنا

صحيح صغار في التفكير.. لكن ماعلينا قصور

نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور

نحاول نزعج العالم في روحتنا وجيتنا

وعشان نأخَر الحصه نخبي علبة الطبشور

نشاغب بس في الاخرتميَزنا برائتنا

نحب الضحك والهيصه .. نحب ننط فوق السور

نفرفش ليه مانفرفش مدام الضحك عادتنا

ولكن دارت الأيام وبان الخافي المستور

وصار الهم متعلَي على قمة سعادتنا

كبرنا وصارت الدنيا تصف احزاننا بالدور

وتهدينا الألم والهم غصب عن عين رغبتنا

تعبنا من بلاوينا ..أحد ضيَق وأحد مقهور

وكلَن غرق بهمه وفي الآخر تشتتنا

أنا ما اقول غير الاَ ياليت إن الزمان يدور

ونرجع للورا فتره نعدَل وضع عيشتنا

ــــــــــــــــــــــــــــــــــــــــــــــــــــــــــ
لاتحرمونا من ردوووودكم ..
ودمتم بخير