.: نشــــرة الأخبــــار بالطـــريقـه المنسمــــه :. - -:: منتديات المهجولون العرب ::-

تَــ/ــحَدُوهـ البَشَرْ ..! · 09-22-2008, 01:07 AM

السلام عليكم ورحمة الله وبركاته

مسـاء الفجـر / صبـاح المغـرب ..

علـومكم يالربــــع .. عسـاكم 10 / 10

اليـوم موضوعنـا يتكلـم عن نشرة الأخبـار ولـكن !! بالطريقـة المنسمـه ..

هو صحيح أن طرح الأخبـار يجيب الهـم ومصـايب .. بس هـآلمرهـ غيــــرر !!

وراح تكتشـف بـ نفسك وانت تقرأ الأخبـار المنسمـه ..

شرط كل يوم تسحب على القنـوات الفضـائيـه وتجلس تتـابـع هنـا ..

للمعلوميـه ( الأخبـار اللي بذكرهـا صحيحـه واحـداث تحصـل في هـآلزمـن ) ..

بسـم اللـه وعلى بركـة اللـه نبدأ ..

اربطـــــوا الحـزام ..

_____________________________________________

روسيا تداهم عزبة أسلحه أمريكيه في سيناكي والمدرعات الروسيه جايه تمشي مليون في تبيلسي

وقـع الرئيس الجورجي الرخمه ( ميخائيل ساكاشفيلي ) -> حتى الأسم غبي ..
البـآرح اتفـاق لوقف اطلاق النـآر وقآل ميخآئيل في مؤتمر له / أن الأتفـآق مع المخربينهآ الروس مؤقت مآهو دائم ويقول أن شآء آلله روسيآ يتوصلون معه لحل دائم ويفكونآ من شرهم وقآل أن جورجيآ مآهي متنـآزله عن أي أرض لهم حتى لو تكون عـزبه جورجيين مآرآح يتنآزلون عنهآ أبداً أبداً أبداً
وقآل أن أمريكآ بترعى عمليـه الأعمـآر -> أمريكآ في كل شيء تحصلهم ..

_____________________________________________

الأعدام لـ 31مخربها في تشادي ومصادرة كل فلوسهم ودراهمهم

اصدرت محكمه الجنايات في نجامينا البآرح حكم غيابي بالأعدام على مدير التشاد السابق حسيـن حبـري -> كفو ياأبو حبري والله أنك مخربهـا .. وحالياً أبو حبري مخيـم في أحد المناطق برى مأدري رايح سياحه ولما يرجع بينفذون حكم الأعدام فيـه ->مخربها وهو محكوم طالع سياحه الأخ .. وكمـا حكم على 31 مخربها بالأاعمال الشاقه ( يشيلون خشب وأثاث في الأسواق التشاديه ) .. ومن اطلق المحكومين القيادي البطل في حركه التمرد الأخ محمد نوري .. -> ترى يقرب لـ أبو حبري .. وقالوا أنهم بيعدمونهم كلهم ويبأخذون فلوسهم ودراهمهم .

__________________________________________________

القوات الأثيوبيه تذبح 30 أثيوبي منتـف حول مقديشو ..

ذبح مالايقل عن 37 أثيوبي منتف مالهم بالشر .. بعد ظهر أمس الجمعه الموافق يوم الأحد وذالك عندما خربوها الجيش الأثيوبي واطلقوا على باصين من الباصات اللي كانت تشيل هالأثيوبيين المساكين .. وقال الزعيم القبلي احمد حسين محمد من ديرة ( عربسكا ) -> العن أبو الأسم اللي كذا .. شفت بعيني 37 أثيوبي منسدحين على الأرصفه والشوارع !! فاطسين وهذي الحركات مالها داعي بصراحه وقال شاهد آخر انه شاف كل الشعب فاطس في المنطقه وشاف أنواع الدم والحاجات المرعبـه والظاهر أنه أغمى عليه الأخ -> احلى تشادي يملك مشاعر ..

__________________________________________________ __

ايران وتركيا فشلوا في اتفاق الطـاقـه ..

قال مدير أيران محمود احمدي نجادي امس الجمعه الموافق يوم الأربعاء .. انه كان بيوقع أتفاق مع تركيا بس تدخلت أمريكا وخبصت السالفه الله يخبص مخهم المصدي وتحدث نجادي في مؤتمر في أحد عـزب الأيرانيين قائلاً : اللحين توصلنا لأتفاق مع الأخوان في تركيا بس للحين الوضع متلخبط وشكلها بتخرب السالفـه ونبي نوقـع الأتـفـاق يعني بالعربي بلا أمريكا بلا هـم ومن جهتـه ابدت امريكا المعارضه على الأتفـاق لأنهـا خايفـه من أن أيران تسوي نووي وتعدم أبو الدنيـا .. -> كفـوو والله يأبو نسـافـه

__________________________________________________ __

أمير الباحه يمنـع الأحتطاب وتخريب الأشجار والحاجات هـذي ..

دعا صاحب السمو الملكي الأمير / محمد بن سعود بن عبدالعزيز . ونعــــــم .. مدير منطقـة الأخوان في الباحه الى عدم الأحتطاب وتخريب وتكسير الأشجار حتى مايتسببون في تخريب الباحه ثم تروح الخضرهـ اللي هناك وتصير مثل الرياض صفراء مافيها شيء .. وقال طويل العمر : ان فيه مجموعه من المخربينها ينتفـون الأشجار ويلعبون بالحطب ويكسرون الدنيا وقال لازم يمشون على هالتعليمات ولا صارت علوم -> يعني بكرهـ تقطـع شجرهـ على طول التوقيف 23 ساعه أنت والشجرهـ ..

__________________________________________________ _____

ونختتـــم اخبـارنـا المنسمـه بهـذا الخبـر للـزلابـه شأويـن

خـروج مفاجىء لـ العداء الزلابـه ( شاوين ) ..

انطلقت أمس في برحه الأستاد الوطني ( عش الطير ) فعاليات أم الألعاب وصار أول يوم منافسات وركض واااااجد ومن قوة الحماس طلعت المدرجات فــًُـل .. ماعاد فيه كراسي .. وفي سباق 1500 م .. طلـع شاوين السعودي .. لأنه كان زلابه مايعرض يركض اللي يشـوفه يقول هذا حتى في الكيـرم ماينفـع واللي تقـدم وفـاز الكينـي الأسـود / كابروب كابروت في 3 دقـايق -> العـن شكلـه طيـاره مـآهو آدمـي ..

__________________________________________

والسـلام عليكم ورحمـه الله وبركاتـه

تحيـاتي / فـهد منسـم آلمنســم ..