في عز نومي ..صحيت وشفت في عيني

دمع .. تهادى على جفني وأنا غافي

سترت دمعي بكمي قبل يغريني ..

وأخذت هذا الجسد .. من باقي لحافي

وسريت تايه ورى خطوات رجليني ..

لاالوجه وجهي.. ولا اوصافي هي أوصافي ..

أمشي .. واقول لطريقي .. لاتوديني ..

لعيون ناسً .. تبي تدري عن الخافي ..

ما ودي الناس تدري.. وش يبكيني !!

كرامة النفس .. ورث أبوي وأسلافي

أمشي.. واحس الخناجر في شراييني ..

والبرد يمشي ..وراى وينهش أطرافي ..

إلين ما أوحيت .. صوتً يناديني

صوتً أعرفه مثل ماأجهل .. وش خلافي!!

ولمحتك من أقصى الدرب لافيني ..

مدري شاقول ؟؟ لكن حي هل لافي..

تعال شف.. غيبتك كيف أثرت فيني..

تعال وشفيك خايف !! أنت ناسيني ..

قطعت صوتي عليك ..وطال ميقافي ..

حتى بديت أشعر ان الحب معميني..

أن انت حلمً ..عثى فيني وأنا غافي

لكن أمانه ..ترى اللي في كافيني ..

إن رحت منك كذا..مارحت متعافي ..

رح في طريقك.. ولكن قبل تجفيني..

في خاطري كلمتين ..ان قلت كافي؟

أمانه الله عليك.. ان غبت عن عيني

لايصير قلبك.. مثل الزمن جافي ..

مع كل دمعه.. تذكر رعشة ايديني ..

ومع كل ضحكه.. تذكر قلبي الوافي

الله عليك كلمات في قمة الروعه

وتشبيه بعد حلو

مشـــكور أخوي الغريب ولا تحرمنا من جديدك

بصرٍِاحـه ما أقـدرٍِ اوصف روٍِعـة وٍِجمال ما قدمت أخوِي الغـرٍِيب ..


تسلمـ لنا وتسـلم الكلمـات الرٍِائـعـه ..

بصرٍِاحـه وٍِصف وتشبيـه وٍِمعاني ما شفنا زٍِيها ..


خالص تحياتي وتقديرٍِي وشكرٍِي لك على ما قدمت من جميل ..

يـعطيك رٍِبي الف عافيـة .