كيف الحال وش أخباركم

عندي موضوع وهو أنتقاد لبعض الجمهور السعودي والصحافه عن عميد لاعبي العالم محمد الدعيع

أول شي ليه كل هذي الانتقادات وليه كل هالكلام اللي ماله داعي صحيح الصحافه مدحته لاكن أحيان تذمه

يعني أجيب لكم مثال مثل قولهم أنتهى عهد عيال الدعيع <_ ليه هذا الكلام يعني كأنهم يتمصخرون أو شي

فيه كلام أحسن من كذا يعني لو قايل نهايه مشرفه لابناء الدعيع يعني عشان محمد دخل فيه ثمانيه أهداف ليه

يحملونه الذنب هذا ليه ما حملوه المدافعين وبعدين ليه كل التركيز على الدعيع مو يقولون الصحافه هلاليه

يله يوم الصحافه هلاليه ليه تكلموا على الدعيع ليه قالوا الدعيع كبر ليه ما قالوا سامي كبر مثلا موب حقد على سامي

بالعكس أنا من أكثر المعجبين ببو عبدالله ومع ان الدعيع لياقه أفضل من سامي صحيح سامي تاريخه يشهد له لاكن حتى الدعيع

تاريخه يشهد له تذكروا كأس أسيا تذكروا الدعيع وش كان يسوي تذكروا دورة الخليج وش كان الدعيع يسوي ليه كل هذا ليه ينكرون اللي

سواه الدعيع لوطنه وناديه تذكروا كم بطوله رفعتوها وكان الدعيع حارس فيها حرس حسين الصادق في خليجي خذينا الكاس ماخذيناه
حرس الدعيع خذناه موب تقليل في حسين لاكن أذكركم أن الدعيع بطل الدعيع أسطوره سعوديه تذكروا المباراة الوديه اللي كانت بين
السعوديه وأنجلترا تذكروا وش سوا الدعيع ما أتوقع ولو بعد عشرين سنه بيمر حارس سعودي بمواصفات الدعيع مبروك زايد صدقوني
كلها سنه سنتين وينتهي عزه وتذكروا الكلمه هذي ما أنتقده بس هذا الصدق و ألحين أفضل حارس من قال مبروك أفضل حارس خوجه

نرجع لدعيع ونتذكر تاريخه بعدين تقولون ثمانيه أهداف على ماظن كنا نباري ألمانيا ومعروف المانيا لعبهم ما فيه مزح والشي الثاني

منتخبنا سئ جدا جدا في 2002 ما يصلح يلعب مع منتخب ألمانيا وبعدين مبروك يقولون أبدع في مباراة اسبانيا ليه ابدع ما تدرون أن اللي لاعبين مع المنتخب الاحتياط الدعيع حارس كبير ولا راح يجي حارس مثله ننتظر دعيع صغير لحماية المرمى السعودي لان المنتخب
يحتاج امثال محمد الدعيع وبيضل محمد عميد لاعبي العالم وياليت تذكرون أسيا وتذكرون خليجي وتذكرون الدعيع واذا الدعيع غلط في موسم مو معناها الدعيع انتهى عهده والايام بتثبت انشالله في الدوري السعودي وشوفوا الدعيع

وموضوعي هذا قدمته لكم من القهر اللي أشوفه كل من فتحت جريده ألا يتكلمون في الدعيع ليه ما تكلموا في مبروك يوم مباراة أوكرانيا

أرجعوا شوفوا هدف تونس الثاني وشوفوا مبروك لو الدعيع شوف الانتقادات اللي بتجي

ياليت تكونون فهمتوا وش أقصد من كلامي

وثاني شي أعذروني على التعبير لاني ما قدمت الموضوع ولا جلست أضبط فيه حطيته على طول طلعت الكلام اللي في قلبي من القهر اللي أشوفه

وماراح ننساك يا أبو حميد

بصرٍِاحـه الـدعـيـع لـه تارٍِيخـه المشرٍِف ،،

ولـه جهوٍِدهـ وحراستـه المميــزه ،،

وأمـر دخـول 8 أهـداف فيـه لا يتحمــل هو مسؤوليتهـا أبــداً ،،

بل الدفـاع الفـاشل للأســف ،،

وسـامي كذلك لاعـب قـدير ولـه تارٍِيخـه المشرٍف وما أحـد يقوٍِل فيـه شيء ،،


وبصرٍِاحـه ما زِال المنتـخب والأنـديـة السعوٍِديـة بحـاجـة إلى تطوٍِيرٍِ ،،

وٍِالله يوفق الجميـع ،،

تحياتي لك أخوي أميرٍِ ..

مشكور رد مقنع

بس لحد الان أنا منقهر من الجمهور السعودي ومن الصحافه

ننتظر مشاركات جديده نشوف رايهم

يكفي الدعيع عمادت العالم و يعطيك العافيه

يابن الحلال

ما اردى من المربوط الا المنفلت

:010105angry_red[1][


ممكن توضح كلامك أخوي....

أخـوٍِي الفـزٍِعـه ..

أرجوٍِ منـك التقـيـد بالأخلاق والرٍِوٍِح الرٍِياضيـة ..

وٍِإمـا إن تشـارٍِك برٍِأي جميل أو لا تشـارٍِك بذمّ ..


تحيـآتـيّ لكـ ..