أغار عليك من إدراك طرفي *** وأشفق أن يذيبك لمس كفي ‍!!
فأمتنع اللقاء ،، حذار هذا !! *** وأعتمد التلاقي حين أغفي !!
فروحي ، إن أنم بك ذو انفراد *** من الأعضاء مستتر ومخفي !
ووصل الروح ألطف فيك وقعاً *** من الجسم المواصل ألف ضعف !


ابيات شعريه جميلة من موضوع اجتماعي هادف حول الانترنت وقررت بأن اكتب موضوع حول المستقبل بطريقتي

لكن اولا كان الموضوع بتاع الشعر يطرح تساؤلاً حول ( إمكانية أن تكون الإنترنت بديلاً مقنعاً ،، مغنياً عن وسائل اتصالاتنا .. وتواصلنا التقليدية السابقة ؟ ) !!
وعلى هذا الأساس ،، كتبت هذا الموضوع الذي أرجو أن ينال استحسانكم ،، خاصة وأن هناك شوية خنبقة بطريق مجرد زاحف
يعني مزيداً من التمحيص والانتقاء في المواضيع !! >>>> الله من الرخص !!

ملاحظة **
( عملاً بأنظمة المنتدى ،، ومراعاة لشروط التحشيشات،، سيكون الموضوع باللهجة العامية * ) >>>> الله يجزاهم بالخير ،، إثر اللغة العربية ( تعب ) !!

يقول مجرد زاحف والذي أصبح بقدرة قادر يعرف في منتدى التحشيشات ،، والمنتديات الأخرى في المهجولين العرب بــ( زحووف ) ‍‍!! :

الحقيقة أول ما قريت الموضوع طلع فوق رأسي ( لمبه ) مثل اللي فوق رأس ( آنشتين ) اللي في أفلام كرتون >>>> ذاك أبو كشه ،، اللي تسنه طرّار !!

قلت : إي والله ،، ظنّك يا ( زحووف ) عقب عشر سنين أو عشرين أو خمسين أو أربعمية سنة ! بيجي يوم ،، أصبّح على أمي بالإنترنت ،، و أتقهوى معها عن طريق ( الألياف البصرية ) وتحس بحرارة خشتي على جبهتها !! وأحس ببرودة جبهتها على براطمي ؟؟ >>> كل ذا ،، وأنا قاعد أحاتسي نفسي !

ثم مسكت معي ،، على ذا السوالف !! فكان هذا الموضوع :


العام ( 2050 م )!!
الحزّه ( عقب العصر )!!
الفصل ( نهاية المربعانيّة ،، على دخول الشبط ) !!
الموقع جنوب غرب ( ساحة التشليح والسكراب في الشرق الأوسط ) >>>> كان اسمها منوّل ( العراق ) !!

قمت من النوم عشان أداوم من غرفتي ،، ومن على سريري ،، الساعة أربع ونص العصر !! >>> من أهم التغيرات اللي صارت في الحياة ،، إن الدوام صار على كيف الطالب ،، أهم شي الإنتاج !! والأعمال تتم عن طريق شبكات الحاسب السريعة جداّ !! والتي تشطف ( مدينة الملك عبدالعزيز ) وتخليها مطب !!

المهم ،، شغّلت ،، جهازي ( $#%& ) >>>> هذا الكود حقه !! واللي يربط ملفاته كلها مع مكتب (fbi ) فرع ؟؟؟؟‍‍!!;4;4;4

ما علينا !! من ذا الحتسي كله !! أهم شي !! إن الدعوى ما عاد فيها مواقع محجوبة !!<<<< عادي زي طموح أي شاب سعودي !!

يوم فتحت جهازي ،، وأشوف ( الهوم بيج ) صورة قديمة لطريق سريع في مدينة الرياض سابقاً ،، مكتوب عليه مخرج ( 13 ) !! وكان عنوان الصورة منقول من موقع ( المتحف القومي البريطاني ) اللي شراء حقوق نشر صور المخرج 13 عقب سيل عام 1444 هـ ،، من الحكومة نتيجة حملة ( الخصصة ) اللي طالت كل شي !! حتى نادي النصر ( خصخصوه ) بعد !! ;4;4;4


ومات ( ؟؟؟؟ ) من القهر !! عقب ما أتهم الحكّام ،، بأنهم السبب في خصخصة الأندية !! وإنهم هم اللي حدّو الحكومة على الخنبقة

وكان يقول إن المشكلة طلعت عقب ما فاز الهلال ببطولة كاس ( الصداقة مع تكارنة جدة ) واللي كان على شكل ( أصبع مكسور ) تخليداً لذكرى ( محمد نور و الخوجلي ) اللي جحد سالفة الطقاق وقال إنها مزحة برئية !! ( نعنبو البراءة ،، يا شيخ ) !

المهم البريطانين شارين صور ذا المخرج عشانه ،، يحكي قصة فشل في التعامل مع الحضارة ،، وكيف أن الكأس لا يغني عن ( الغطارة ) !! >>>>> يعني بالعربي ،، ماله داعي الواحد يشتري ( كأس ) ويذب ( الغطارة ) وهو لا زال يشتغل على نظام العزايم منوّل ( نظام الوقفة على رووس المعازيم ،، بالماء !! وفي رواية يسمونه " المباشر " ) !!

ثم إذا ( غصّ ) واحدن من ذا الشيّاب وعطيته الكاس !! ما ملئ الفراغات اللي بين سنونه !! ثم يموت وأنت تفرّج عليه !! ( الغطارة هي عطيّت الله ،، اللي يشرب منها عشرة رجاجيل ،، ما تنقص ) !!

هو صحيح إنك تشوف في قاعتها ،، حب رز ،، وعلى سطحها ،، بقع زيت ،، ولا بقع زيت ناقلة نفط ،، منضرّب كفرها في الخليج !! بس تبقى ( الغطارة ) وسيلة ناجحة ،، للقضاء على ظاهرة ( الغصة ) في العزايم !!


المهم ،، ضغطت على شاشة الكمبيوتر ،، وأشوف أبوي وأمي ،، قاعدين في الصالة والشغّالة الآلية تصب لهم القهوة ،، وتسلوف لهم عن سوالف منوّل عن طريق ( سي دي ) خاص بــمسلسل ( وضحى وبن عجلان ) نسخة مطورة !!

وطبعن النسخة هذي كانت مزوّدة بصور ديجتال تغني عن وصف ( بن عجلان ) >>>> أشك في ذلك !! معقولة فيه صورة أحسن من وصف ( بن عجلان ) !! ايه هيّن !! يكفي إنه العام ،، خرّب صيفنا وهو يوّصف البنات المزايين !!

المهم حبيت راس أبوي ،، عن طريق الجهاز ،، يوم جيت أحب راس أمي ،، و ( يعلق الجهاز ) !! >>>> ( التعليق ،، فينا ،، فينا ،، لو ناصل عام 3000 م ) !!

عاد أنا عارف أمي حسّاسة !! خاصة عقب ما مدح أبوي المغنية الأمريكية الأصل ،، القطرية الجنسية ( برتني ) حقت دعاية البيبسي !! >>> تخبرون قطر ،، يموتون في شي أسمه ،، تجنيس ،، مشاهير !! أشوى إنهم ما جنّسوا أشهر قصّاب في الشرق الأوسط ( شارون ) !!;4;4;4

المهم ،،
وش أسوي ،، يا ربي ؟؟ أمي بتزعل !! وذا الجهاز ،، ما عنده نيّة يصلح !!! قلت مالي إلا ،، أمر عليهم بروحي !! بلا جهاز ،، بلا ،، هم !!


يوم رحت لبيت أهلي ،، على خبري قبل الحرب العالمية الثالثة والخمسين ،، بقيادة أمريكا ضد الإرهاب ،، وألقى في محل بيتنا ،، محطة بنزين ومطعم مثلوثة وفوّال !! ومغسلة ملابس !!

( المشاريع ذي ناجحة حتى في المستقبل ) <<< ما غير محطة البنزين اللي لك عليها شوي !! أما الباقي ،، مضمون فيها الربح والله يخلي لنا ( الكروش ) ! والعجز !!

وأقعد أسال عن بيت أهلي عن طريق دوائر الاتصال !! وفروع مكاتب ( Fbi ) اللي صارت منتشرة في المنطقة ،، تسنها محلات أبو ريالين ‍‍!!;4

ماش ،، مالقيت علم !!
يوم شفت ما فيه أمل أحد يعطيني وجه !! قلت ( ترى أبوي ،، قد تقهوى مع أبو متعب ،، قبل خمسين سنه ،، وعلمّه وشلون ،، يصلح ،، الطيّارة ،، إذا بطاريتها ضعيفة ! ) !!<<<<يالعربي فيتامين و
أنا قلت ذا الحتسية ،، وإلا ،، ما قلتها !!

يوم طلّعوا لي راعين محل أبو ريالين ،، ذاك الملف المضغوط !! اللي فيه تاريخ أبوي من ( طقطق ،، إلى ،، سلام عليكم ) >>>> حتى بالمارية كاتبين على الملف بالإنجليزي ( فروم ،، ناك نوك ،، تو ،، قوود باي ) !!
;4;4;4( واحد متأثر بالدعاية الأمريكية ،، والإعلام الغربي )

ما علينا !!! المهم !!
وصلت لبيت أهلي ،، وأنا مشتاق من جد للبيت وأهلي ،، يوم فتحت لي الشغّالة !! وأنا اللي أخمها ببوسه مع الخشة ! من شوقي لأهلي !;4

عادي ،، هماها ،، شغّالة آلية ! ( بس بيني وبينكم ،، علقت عقب ذا البوسة ! ) شكل براطمي فيها ( فيروس ) وإلا ( قراد ،، ضوئي ) !! أو إنها ما برمجت على ذا السوالف !! عشان ( السوفت وير ) حقها ،، من الصين !! مهوب من ( أندونيسيا ) !!

يوم شفتها ( علقت ) قلت : خربانه ،، خربانه !! وأنا اللي أسدحها على البلاط ،، وأفصّخ ملابسها !! ;4;4;4 وأذبها في الزبالة !! ( ذبحتنا كل يوم خراب ،، ونظامها قديم ) !! >>>> جاريتكم يالخسيس
المهم ،،
يوم دخلت على أمي وأبوي ،، في الصالة !! وألقاهم يلعبون ( بلاي ستشين 5053 ) !! >>>>> مع إن البلاي ستيشن ،، تطورت مرّه !! إلا إن اللاعب (سنيك)
ألين ألحين هو أحسن من يلعب !!


قمت هزعت على أمي وأحب راسها !! وأقول العذر والسموحه !! يمه !! والله إن الجهاز ( علق ) معي وإلا ،، إن تسان ما حبيت أبوي وخليتس !! ;7

قالت : وش جهازه ،، ووشي حبّته ؟؟ يا بوك جهازنا عند الوكيل يسوي له فورمات ،، من ست شهور !!; 4

قلت : وشلون ؟؟ أجل من ذا اللي أحب روسهم كل صبح ؟؟

قالت: ما دري عنك !! يمكن إنك مثل أخوك ،، تحب رأس ( هاكر ) وتحسب إنه رأس أبوك !!>>>>> زاد ،، أنا كل ما جيت أحب رأس ذا الآدمي !! أشّم ريحة تتن !! وأبوي مهوب يتتن !! ( أشوى إنه طلع هاكر ،، أجودي ،، ما خلاّني أحب رأس ،،المعسل
الخلاصة : لا يمكن بحال من الأحوال أن تغني وسائل الاتصال المتطورة ،، عن التواصل الحسي ،، والاجتماعي !! الذي فطر الله عليه عباده !!
ونظام الرسائل البريدية ،، والطوابع !! أجل وشلون يرسلون الشّغالات شيكات رواتبهم ؟؟؟ وأشرطة الكاسيت اللي كلها ،، سوالف صعيديه !!


أنتهى ،،،

مشكور أخوي المهجول سراب الوقت

404

ما علمتنا شلون المدرسه بعد بالتفصيل

هو الأستاذ حمدي حقنا القلق حق الرياضيات فيه ولالا

وأسئله الرياضيات اللي من الوزاره سهله ولا صعبه ولا هو أصلاً ما فيه أختبار

بس ندرس وعلى طول دايركت يوضفوننا

المهم أغدي هالشي يصير ونفتك من الشارع ونبدا ننام بالإستراحه عند العيال

ولا اننا ننام عند ام العيال ولا نطلع من البيت

وإن كنا عزوبيهوملحطين ومحجورين من الماما والبابا ننطق ببيوتنا ونشوف أخويانا ونصفقهم على كيفنا

مشكور أخوي سراب مره ثانيهولا تحرمنا هالمواضيع الفله

أخوك المهجول المنتهى اللي ما بقا شارع بالخرج ما عرفه من هجولته

العقـscorpionـرب

مشكور اخوي على الموضوع وما قصرت

:441[1]: هلا هلا وجه العقرب يعرفني ونا مدري صايدك صايد الله لا يعوق بشر :441[1]:


المهم مشكوورين على المروور وما قصرتو



تحيااتي مهجول يكررررره الحشيش خعاخع