تبي الصراحه . .
وش تبي بالصراحه ؟
أكذب عليك لاقلت "عايش بخير"
الحلم يكبر .. والصغر بالمساحه ،،
وماللوفا عند المعازيب تقدير . .
قلبي من ضلوعي تشيله جراحه
وش حيث إبن آدم وجه المقادير
لاجيتني صدري يزيد إنشراحه ،
وغيرك بدنياي نقص ومخاسير
في ذمتي ماغيرك أرجي سماحه
قول وش تبي مني؟ وأقول أبشر ويصير
من شاف بعيونك مساه وصباحه
عز الله إنه مارجى شوفة الغير
إن قلت "راحه" ماورى الناس راحه
بس أنت "وافي" ومايجي منك تقصير
<طير> السعد بيديك أجبر جناحه
السالفه ماعاد فيها معاذير
إن جابو أسمي كلن أطلق رماحه
ماكنهم قبل أمس عندي مسايير
أبسط مثال ليا بغيت الصراحه ،،
أقول "طيب بس أنا ماني بخير "

تحيــــــــــــــــــــــــــــــاتي