البنت الناعمة
طبعاً البنت الناعمة نعطيها أسم مرام طبعا هذة البنت وهى نايمة فى غرفتها الدبدوب والارنوب كلهم فى احضانها واذا قامت من النوم ما تقوم الا الساعة وحدة الظهر واللى تقعدها من النوم الشغالة وطبعا تكلمها بالانجليزى بترجم لكم شنو قالت لها الخدامة .. تقول قومى ما ما وقت واجد تأخير .. والناعمة اول ما تصحى من النوم تفتح الستارة والشباك علشان الغرفة تتنفس وشغلت موسيقى رومانسية علشان يكون الجو رايق وتاخذ حمام محترم وبعد ما تطلع من الحمام على المراية تحط من هالكريمات والصبغ .. لازم تحافظ على البشرة .. خلصت من المراية وتتجة الان الى الاستشوار وبعدين تلبس البنطلون الجنز والبلوزة .. وتنزل تاكل الفطور اللى يكون عبارة عن دونت وعصير برتقال
البنت العربجية
و طبعاً العربجية نعطيها اسم سارة تقوم الساعة 8 الصبح وهى ما ودها تقوم وتدخل امها عليها بالغرفة وتصرخ عليها قومى شبعتى نوم ترد العربجية على امها .. زين زين الحين بقعد وتقعد تأفففففففف ويطلع من فمها نار .. بالاضافة الى انها وهى نايمة كل دقيقة تطيح من على السرير .. وبعدين يدخل اخوها الصغير ويصرخ وجع يالله كفاية نوم .. ترد علية : اطلع من الغرفة والا ارميك من الشباك الحين .. المهم اخوها اللى اكبر منها يروح لها الغرفة يرفسها وبعد هذيك الرفسة الي ما يعلمها الأ الله تصحى من النوم





البنت الناعمة
ما تتغدا الا الساعة 4 ولا 5 ولا تتغدى الا على رز ابيض مسلوق وسلطة تحافظ على رشاقتها
البنت العربجية
تتغدا الساعة 12 بالضبط ولا تغدا على كبسة ولحم او دجاج واذ خلصت تشرب اللبن شربة واحدة يعنى ما فى مجال انها تتنفس .. وما تسمع الا اصوات مخفية





البنت الناعمة
طلعتها تكون من بعد صلاة المغرب ما تطلع العصر تحافظ على البشرة من ضوء الشمس
البنت العربجية
تطلع الساعة 2 القايلة تطقها كعابي مشى لبيت خوالها لحد ما تنقلب سمرة
البنت الناعمة
طبعاً ما تطلع ألأ مع صديقاتها فيفي و يارا و لورا و خيارة و جزرة
... الخ
البنت العربجية
طبعاً ما تطلع ألأ مع بنات خالاتها سوير و نوير و وضحى و شقحى
...الخ



البنت الناعمة
تروح ستار بكس او اى كافية وقبل لا تطلع تمر على الصالون تحط هذاك الميك الاب تعرفون الميك أب العيون من العيون و صاعد
البنت العربجية
تحط كحل يملا العين والروج تقول ما كلة انسان واذا بتروح تروح السوق ولا سوق الحراج





البنت الناعمة
اذا تبغى تضحك تقول ( هههههههههه) واجد على فمها من الخجل والضحكة من الصعب انك تسمعها
البنت العربجية
ها ها ها ها .. والحاره الثانية تسمعها





البنت الناعمة
اذا تحب تسمع اغانى ما تسمع عربى ما تسمع الا ريكى مارتن طبعا لانة حلو وممثلها المفضل توم كروز لوسامتة وميل جبسون وجيم كارى لخفة دمهم
البنت العربجية
ممثلها المفضل بو هلال وعبدالناصر درويش ومطربها المفضل خالد الملا ومزعل فرحان





البنت الناعمة
لما تتفرج على التلفزيون تقعد على الكرسى وتحط رجل على رجل وتبتسم لان الابتسامة تضفى بشاشة على الوجة
البنت العربجية
تنسدح على الارض وتحط رأسها على المخدة وتمد رجلها وتحطها على التلفزيون واذا تبى تغير القناة دقت التلفزيون باصبع رجلها وغيرت القناة





البنت الناعمة
اذا تبى تحلم احلام اليقضة طلعت فى حديقة بيتهم وقعدت على الكرسى هزاز وقام الكرسى يروح ويرجع
البنت العربجية
تروح بالحوش وتمد السجادة اللى فيها خمسة وثلاثين لون احمر واسود وابيض وجابت كاسة ستة متر متروسة شاى





البنت الناعمة
فى نهاية هالموضوع تقولكم تشاو .. او سى يو .. او بباى
اما العربجية
فى نهاية الموضوع تقولكم .. حياكم الله .. تأمرون على شىء

هههههههههههههه الحمدلله انا مو ناعمه >>>>مخرفه جد
بس اوماااا عاد تضحك ها ها قويه
الصرااااحه فطست ضحك
يصلموووو خيوو

ههههه

الله يجيرنا من الثنتين

ههههههههههههههه

مشكووووووورين على المروور