منتدى التجميل والازياءيختص هذا القسم للديرم وجميع أنواع المكياج .. وأناقة الحرمه .. طبعاً لاتخافن فيه صعيدي واقف على الباب واللي يحترونها أهلها برى بينادونها بالمعكرفون
التسجيل السريع إلى المنتدى
التسجيل في المنتدى مجاني ومتاح للجميع ، تستطيع التسجيل إلى المنتدى من خلال هذا النموذج المختصر ...
عرايـــــسنا الغاليات
من قلوبنا تُحبكم ..
نتمنى لكم كل التوفيق والسعاده في حياتكم الجديدهـ
" ,, اليوم وبتواجدكم الحلو نفتتح معاكم
موضوع
بمثابة مرجع متكامل لكل عروس .
من تجهيز , استعداد نفسي , عنايه . . . الخ
بالنسبه للتجهيز ..
اول شي سمي بالله ...
وطلعي جزء من مهرك صدقه .. لو 100 ريال
وادعي ربك ان يعينك ، ويسهل عليك ، وادعي ان ربي يبارك لك بزواجك
ويرزقك من حيث لا تحتسبين من خيري الدنيا والاخره
وان زوجك يكون لك خير معين لك في دنياك لأخرتك ..
بعدها ابدي قسمي اولوياتك ..
حاولت انسق لكم جدول ممكن يفيدكم
سواء جهزتي والا توك تبين تجهزين
اطبعيه .. وابدي اشتغلي عليه
سموا بسم الله
كل خانه ..حاول تخصصين لها ميزانيه ..
عشان ماتحتاسين وتاخذين من مهرك على غير سنع
وكل ماتخلصين من شي اشري عليه بأشارة صح ..
خلونا نمشي على الخانات ..خانه خانه ونشوف وش نحتاج منها
اهم شي على جميع الاصعدة ..
الزواج وليلتة
قدري في نظرك كم يحتاج ؟
الفستان مع التسريحه + المكياج .. وخليهم على جنب لين وقتهم ..
:
:
برنامج العناية الشامله ..
هالشي المفروض كل وحده فينا تعتني بنفسها من قبل الزواج
لان مثل هالاشياء مهيب جديده علينا ،
وايضاً استغرب من البنات الي مايبدا الشغل عندهم الا عند الزواج ..
نصيحه من اخت تحبكم .. حاولوا دايم تكونون معتنيات ونظرات
لان في الاول والاخير هالشي منافعه لك
ما اقول اقعدوا 24 ساعه تنظيف و تدليك ..
بس على الاقل بشكل فترات حتى لو كانت متباعده
و خلال فترة الزواج والاستعداد له .. تكون مكثفه شوي
اشتركي .. او جددي اشتراكك
واحبذ ان الوحده بدل ماتقعد تفرفر .. وتحوس ..
تاخذ البرنامج كامل .. من راسها لاخمص قدميها ..
وتحدد ميزانيته بالجدول ..
:
:
التجهيز للحفلات ..
اذا تبين تسوين زواج .. اخذي لك بالكثير فستانين .. لاحظوا قلت بالكثير ..
لان لو رجعتي من شهر العسل .. راح تكون لك حفلة رسبشن وحده ..
والفستان الثاني تخلينه للاحتياط
من ناحية الكعب .. اذا فساتينك طوال .. وعندك كعوب مناسبه لها من قبل ..
مايحتاج تشترين جديد .. اخذي لك للاحتياط كعب واحد بس ..
الشنط .. نفس الشي .. عندك من اول ومناسبات .. الحمدلله
ماعندك شي مناسب .اخذي لك شنطة او شنطتين بالكثير
:
:
تجهيز الزيارات ..
بنظري هذي المرحله اهم مرحله ..
لانها بتكون متكرره ، وكل مره لازم تكونين متجدده
يعني هنا اشتغلي كويس وبدرايه وركزي ..
اخذي لك تايورين .. كفايه ..
فستانين نعومات / لزيارات .. مهوب شغل حفلات انتبهي
بدل كلاسيك .. وحدة او ثنتين تكفي ..
كاجول راقي .. اخذي لك اكثر من طقم .. 3 كويس
بالاضافة للملحقات .. 3 شنط تكفي للطلعات
صنادل .. اخذي الالوان الاساسيه ( ابيض / اسود / شفاف)
واذا شفتي شي جايز لك من الوان ثانيه ( ذهبي / فضي / الوان فرايحيه )
اخذي .. بس اتوقع ان عندك شي من اول ويمكن لبستيه مره او مرتين او مابستيه اطلاقاً
فلا يطيحون من عينك .. اخذيهم معك لبيتك
:
:
تجهيز للبيت ..
هنا اتوقع دواليبنا بتنفجر من الملابس بكل انواعها
خصصي لك يوم تنفضين دواليبك .. وتشوفين وش الي عندك وش الي ماعندك
الشي الزين / الكشخه / الرايق اخذيه معك لبيتك ..
لان ما اتوقع يوم كنا في بيت اهالينا نلبس خياش هههههه
ياكثر الزين والحلو الي عندنا ..
الزبدة اخذي الزين كله .. والمحبب لقلبك ..
والباقي تصدقي فيه .. غيرك يحتاجه .. بتكسبين اجر فيهم والله
وادخلي السوق كملي الناقص ..
:
:
ملابس النوم وملحقاتها ..
هنا عاد يبيلك تمخمخين زين ..
بعد الملكه حاولي تشوفين زوجك .. طريقة تفكيره ، وش الالوان الي يحبها ..
نسقي بين ذوقك وذوقه .. وبتختارين اشياء رايقه ..
بس لا تكثرين منها مررره .. يعني 10 حلو
وافضل بعد الزواج تشترينها يكون طعمها احلى
يعني شي بشهر العسل على ذوق ابو الشباب ، شي اذا رجعتوا ..
وكل ماخطفتي رجلك للسوق مري اخذي لك شي
وخليك متجدده دايم ..
بيجاماتك خليها مشكله ..
شي طويل / شي قصير / شي بكم / شي بدون ..
الوان فاتحه .. شغلات دلوعه .. / شغل بيبيات .. يعني نوعي واخذي كل المراحل
المجوهرات ..
هالمرحله ماراح تتعبك كثير ..
يعني لا تنهبلين في مرحلة الشراء عليها
افضل انك تاخذين مثل ماحددت لك بالجدول
طقم فخم / طقم ناعم / تعليقات / مجموعة خواتم / ساعات
:
:
الملحقات
الميك آب
روحي محل كبير يجمع لك اغلب الماركات
وفري على كل سكشن .. واختاري الي يجوز لك
بس انتبهي تشترين بهبل .. اخذي بالقدر المعقول ..
لان الميك اب مثل ماتعرفون ..له عمر محدد ..
يعني اخذي لك بكج متكامل .. ولاتنسين شي
عدة كامله للعناية
( سشوار / فير / لفافات / فرش شعر واسنان / عدة بودي كير / مونيكير/
شامبوك المفضل/ بلسمك المفضل/ مناديل تنظيف / امواس حلاقه /
اغراضك النسائيه الخاصه /قطن اذان/ قطن للوجه/ ..و و و )
اكسسورات شامله ..
من عنوانها باينه .. والبقية لذوقك ..
حاولي تنسقين لملابسك اذا ودك تضيفين عليها اضافات
شنط السفر
هنا لك مطلق الحريه في الاختيار .. لكن الي احب اركز عليه
انه تشترين 3 من نفس الماركه .. 2 لك .. ووحدة لزوجك
عشان لاسافرتوا تكونون مطقمين
₪ ♥♥ يـــا عروس النــــور في هذا الزمـــان ♥♥ ₪
[/align]
العرض العادي
