الى حبيبتي التي زعلتها......... - -:: منتديات المهجولون العرب ::-

فهد السفري · 03-30-2008, 03:01 PM

العلم وما فيه ياول وآخر امالي
عندي رساله ولا ادري كيف اوصلها
للي سبتني وانا من قبلها سالي
ابيك تاقف معي وتروح تسألها
وش فيها تفتح علي ابواب عذالي
وتحمل النفس حاجه ما تحملها
وش فيها رغم الوفا تتركني لحالي
وانا لجفاها تركت الدنيا باكملها
ان كان هذا زعل علمها يالغالي
ما كان قصدي ورب البيت ازعلها
علمها واللي يخلي قلبك الخالي
عن ضيقتي وين وصلت من تجاهلها
علمها كم لي وانا ماشلت جوالي كله
على شان ما اقلب رسايلها
وعلمها وشلون لا مرت على بالي
اروح واضم صورتها .. واقبلها
وعلمها كيف انشغل عن كثرة اشغالي
واسرح واغمض عيوني .. واتخيلها
وعلمها عني وعن همي وغربالي
وعلمها عن كل حاجه في تجهلها
وان شفتها مالت تبكي على حالي
انسى الكلام وتذكر كلمه وقلها
قل شاعرك يعتذر ويعاهدك
تالي انه يرتب حساباته من اولها
ويقول حتى القصيد اللي على بالي
والله ماعاد اكتبه كانه يزعلها