--------------------------------------------------------------------------------

عاش الشاعر/ محمد بن راضي الدليهي الصبيح الخالدي من العمر مايقارب 59 عاماً
وانطلقت بدايات أعوامه من بادية مدينة (الجبيل)...ومدينة (الجبيل).والتردد اثناء الصيف على مدينة (عنك) حتى استقر في مدينة(عنك)أستقراراً تاماً قبل وفاته بـــ42 عام
وكان رحمه الله ملتزماً في معاني كلماته في مايتطرق اليه .
لاتخضع نفسه مهما أشدت الظروف والأزامات.
أغلب قصائده أجتماعيه
وكان رحمه الله شاعر محاوره
له الكثير من القصائد والرديات مع بعض الشعراء.وسوف نبذل الجهد في اضافتها لمجموعة قصائده في المنتدى في المستقبل القريب
توفي بتاريخ11/1/1424هــ






أشفق على المجلس وزين التماثيل
وعلى الرجال اللي عريب(ن)نسبها
ولَقلـت بسيّْـر عشـان التعاليـل
عينت بعض وُجيِه يكلح غضبهـا
أهل النقيلي جو على سبق الخيـل
كل(ن)جـواده بالمغـاره شعبهـا
مكبريـن السالـفـه بالدهـاويـل
وعلومهم مابيـن خذهـا وجبهـا
ناس(ن)مدابير(ن)وناس(ن)مقابيـل
وعجاجهم عسكر من الشام لابهـا
لابارك الله بابرهه راعـي الفيـل
جميـع حسبات(ن)حسبهاخربهـا
بيشيل مكـه جـاه طير(ن)ابابيـل
وجمجمته بحجـارة الله ضربهـا
المجلس اللي مايجونـه رجاجيـل
جعل الحرايق فيه يشعـل لعبهـا
تشتببه لافات ثلث(ن)مـن الليـل
الفرش قبستهـا وسقفـه حطبهـا
لاصـار ماتنـدار فيـه الفناجيـل
وصينية مكـرم ضيوفـه سببهـا
مجلس ولاهـو للنشامـا مداهيـل
والمرجلـه راعيـه ماينتسبـهـا
جعل المشاكل فيه هيل(ن)بلا كيل
يعدهـا يغلـط اليامـن حسبـهـا
بالله يادعاجـة العـيـن بالمـيـل
ياللي عيونك ريـش الاسودهدبهـا
ياللي عيونك سود خرس(ن)مظاليل
سبحان من باحسن وصايف وهبها
بالله شومي عن من كانـه ابخيـل
شومي لمن يدعـي مهدىصعبهـا
اللي يعدونه هل العـرف حلحيـل
حـلال قالتهـا مخلّـص نشبهـا
تضربه المثال جيل(ن)بعـد جيـل
اللي بوقت الضيق يـروي غلبهـا
هذا هوالموجز وهـذا التفاصيـل
يامسَرد المجلـس ترانـي جنبهـا
والجدي شام ولليمن يمـة سهيـل
ولابـد مالجربـاء يبيّـن جربهـا


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ


وله أيضاً





عديت في رجم(ن)طويل(ن)ومذروب
ورفعت فيه الصوت والحقـت ونـه
ونة صويب(ن)بين الاضلاع مصيوب
فـي طلقتين(ن)بالفـؤاد أضربـنـه
باسباب وقت(ن)بين كاسب ومكسوب
وناس تغيِر بخيل مـن غيـر أعنـه
بالسيف أبوحديـن والكيـر مشبـوب
والكـل منهـم قـام سيفـه يعـنـه
وسولف(ن)مابين طالـب ومطلـوب
ماعندهـم نـار(ن)ولا بـرد جـنـه
وتـرى قليـل المـال ماهومحبـوب
عنـد الـذي لامـد رزقـه يمـنـه
والرزق هو والاجل باللوح مكتـوب
كل(ن)خذى رزقـه ولاشيـل عنـه
لاشك أنا لي فن واوضـاع ودروب
والناس مثلـي كـل رجل(ن)وفنـه
ماني من اللي يستتر بـس بالثـوب
واليا سرى سحـم الضـواري كلنـه
حرص(ن)من اللي يفتهم كل عذروب
اللـي يـحللهن اليـا... (وُصَّلنـه)
خطـو أبلج(ن)فهمـان ماهومكبـوب
زيـزوم ربعـه والرجولـه مغنـه
عاش بزمانه جرب البرد والشـوب
ويـدري بلوعـات الزمـن يبيجنـه
والا الهبيل اللـي يسمونـه الطـوب
مشاعـري مـن يمتـه مرجهـنـه
وقدره من الكرمه نظيف(ن)ومربوب
وبيـض الزجـاج بلونهـن يشبهنـه
الطيب صوب وميت النار في صوب
وايامـه دروس السعـد ماعطـنـه
يالله ياراجـع بيـوسـف ليعـقـوب
عقب الغياب وقصـة اليـاس منـه
يامفرج الشـدات ياقاضـي النـوب
يامودع(ن)المـوت للخلـق سـنـه
تعين رجل(ن)يفتهـم كـل ماجـوب
نجـره لعصمـان الشـوارب يدنـه
واليا حكى عنـده مفاهيـم واسلـوب
والا الـردي جعلـه بعيد(ن)مظنـه
وعد المطر من راسي المزن بنصوب
صلوا على اللي دين الاسـلام سنـه


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــ

وله ايضاً






البارحه بالليـل سهـران مانمـت
عزاه ياجفن(ن)قـزا مـن رقـاده
صابـر وكاتـم للمـلا ماتكلمـت
وبعض الكلام يصير ضدي نقـاده
قالوا علامك يابوراضي تحطمـت
باتلى شبابك صار عنـدك قـراده
وانا سبب وقتـي ترانـي تألمـت
وقت(ن)علي يعلن بحـرب البـاده
ادروس مرتنـي ومنّهـا تعلمـت
وخذيت من كثر التجارب شهـاده
ومنين مايمم بـي الوقـت يممـت
في دبرة اللي ماشْيِّن فـي مـراده
بعض المجالس كل ماجيتها قمـت
مجالس(ن)تقـول ورشـة حـداده
الحكي واجد بـس انـا ماتفهمـت
ديـوان لكـن ماهنانـي قـعـاده
بعض الكلام أخير من قوله الصمت
لاصرت حرص(ن)لاحترام السياده
حلفت أنا بالله واوليـت واقسمـت
باللـي يذكرنـي بذكـر الشهـاده
ماجلس مع اللي بالوفاء مالهم سمت
والرزق عند اللـي نعبـده عبـاده
ياوقت كان أسفرت وألا انك اظلمت
أتلى الحياه الموت هـذي الأفـاده
وانا لربي خالـق الكـون سلمـت
وماخاب من قال ان عليه اعتمـاده



ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ

وله ايضاً هذه القصيده ينتقد فيها بعض الشباب ويلوم بعض الوالدين الذي لهم دور كبير في سبب الأهمال.




بديـت بـاسـم منـشـي الغـمـام
الواحـد اللـي بالخـفـاء عــلام
منجي سفينة نوح من غبـة البحـر
اللـي رضـا للمصفـى الأســلام
ومن بعد ذكر الله صلاة(ن)على النبي
وتحققـوا مــن زبــدة الـكـلام
وانا لشبـاب اليـوم عنـدي هديـه
تـرى المراجـل للرجـال شـمـام
كـان الفتـى فـي شبتـه ماينولهـا
الطيـب عنـه بالخضيـرا حــام
نهض جناحينه ورفرف لـه السعـد
وخـلاه فـي جـوه عليـه كـتـام
وبعـض شبـاب اليـوم ماهوبجيّـد
بالليـل سهـر وبالنـهـار يـنـام
وسهره معلى الضيعه مع خيبة الرجا
لاهـوب لا طرقـي ولا فــي زام
حاشي ربيـع وسـط جو(ن)مربـع
ويشرب حليـب اللـي لهـا سنـام
لاشك انـا عنـدي بدقـه ملاحظـه
عندي على بعـض الابـوان مـلام
ينـام وابنـه هايـة(ن) بالـشـارع
وشلـون عيـنـه تقـبـل المـنـام
ترى أسرة الرجال يضرب بها المثل
مـأمـوم ويصـلـي ورى أمــام
لاصرت رب أسره ومسـؤل عنهـا
لاحظ تـرى غيـر الحـرام مـلام
والـوم للرجـال ينقـص قيمـتـه
ويحطـمـه بالمجتـمـع حـطـام
ورجل(ن)بلا قيمه وشنهـي حياتـه
والـدايـم الله والبـشـر مــادام
المرجلـه ببـلاش ماحد(ن)ينولهـا
ماهـي بـورث الخـال والعـمـام
كم واحد(ن)تضرب الامثال بأسرتـه
ومن السفـر عـوُد إلـى الظـلام
لاشامت(ن)نفسي ولا أمـدح نفسـي
أخشـى مـن اللـي ماهـو ظـلام
الـنـاس خـلـق الله والله ربـهـم
وكـم واحد(ن)بالعلـم نـال وُسـام
سفن الصحاري علموهـا وتعلمـت
والرجل لـه دوره اليـا مـن قـام
(البل)عطايا الله على الخطم وقّفـت
بخطامـهـا والا بــدون خـطـام
وتمت وصلى الله على سيّـد الشـر
وهـذا اقتراحـي والسـلام اختـام

مشكور
أخوي على مجهودك


تقبل مروري