أحلى عزومه وأحلى عشاء لعيون اعضاء منتدانا .. تفضلوا حياكم الله - -:: منتديات المهجولون العرب ::-

][ خــ,ــجــ,ــل ][ · 03-29-2008, 12:43 AM

بسم الله الرحمن الرحيم

السلام عليكم ورحمة الله وبركاته

إخواني أخواتي أعضاء {{ منتدى المهجولون العرب }}

أجدها فرصه حقيقه في هذا الموضوع لأبارك لمنتدانا الغالي على وصول عدد اعضائه
إلى 10000 آلاف عضو ..
وأبارك للإداره هذا التقدم الكبير ..

كما أجدها فرصه ان أبارك لنفسي لإكتمال سنه لي بالمنتدى معكم وبينكم
يعني الحين انا عمري سنه بالمنتدى (^_^)
وفرحتي لا توصف صراحه ..
ووجودي بين مثلكم وشرواكم أكبر فرحه لي بغض النظر هل انا اكملت سنه أو ما كملت ..
كل الشكر لكم على دماثة اخلاقكم وحسن تعاملكم من اداره ومشرفين واعضاء
ولو ما كل هذا فيكم ما ظنيت استمر معاكم

يمكن تجيني ايام او اسابيع انقطع فيها عن المنتدى لكن صدقوني إنه مو بيدي
لكن اللي ابيكم تعرفونه إني مهما صار ما راح انقطع عنكم ابدا
ولو انقطعت لفتره صدقوني راح ارجع

الزبده إني سويت عزومه بهالمناسبه وجميع اعضاء المنتدى معزومين
وتستاهلون الخير ولو بيدي اسوي اكثر سويت

ويلااا كل واحد ياخذ صحنه ويتوجه للبوفيه (^_^) ..
واللي ما عنده وقت ينصى المفاطيح هع
وعليكم بالعافيه ..

والحين تعالوا تقهووا واقدعوا وتحلوا

وهذا الشاي والمكسرات ..

يالله الحين اقلطوا على غير مخسور ..

7

7

هذا من تصويري لعيون المهجولين ^_^

والباقي هذا مزروف *_^ << ما عندها وقت

7

7

][ خــ,ــجــ,ــل ][ · 03-29-2008, 12:44 AM

يلااا كل واحد ياخذ صحنه ويتوجه للبوفيه ويسمي بسم الله (*_*)

][ خــ,ــجــ,ــل ][ · 03-29-2008, 12:58 AM

يالله عاد الحين اللي وده يحلي تعالوا فيذا (^_^)

اللي خلص يغسل ويجي فيذا يتبخر ويتطيب (^.^)

ويالله ما بعد العود قعود هع
كل واحد يضف اهله وبزارينه ويتوكل على الله هع

حياكم الله والساعه المباركه ولا عاد تقاطعون (*_*)

وعقبال ما اصير من المخضرمين بهذا المنتدى (*_^)

ودي وصافي ودادي

متقروش · 03-29-2008, 01:52 AM

الله الله يا خجل

والله انك اكوس بنت

وش هالمفطح ذا وش هالدلع <[ قامت تخرخر سعابيله هههههههههه

المنتدى منتداك والاعضاء اخوانك واهلك

والساعة المباركه اللي سجلتي فيها وانضميتي لنا

والمنتدى يفخر بك وبالاعضاء اللي مثلك وانتم سر نجاح المنتدى الحمد لله

والله يغنيك ويعافيك على هالعزومه

ومدري وش أقول والله .. الكلام يطير مني في مثل هالمواضيع :)

الله يعطيك العافية خجل وبيّض الله خشتك

خمس نجوم لاحلى موضوع وبس تكتمل الردود يتثبت وللمتحف دايركت :)

خالص التحيّة والتقدير لحضرة جنابك :)

الزعيم · 03-29-2008, 02:24 AM

كفو والله خجل بيض الله خشيشتك >>>>>>>>>> تمت السعبله بنجاح

والف الف الف مبروك علينا وكل المهجولين الرقم 10000 وان شاء الله المسيرع للمليون

وما شاء الله تبارك الله عشا فاخر لاعضاء يستاهلو وكنتي السباقه لهالفكره لبا قلبك

بس لي رجاء انا لا هنتي (*_*)

لو تعطيني نصيبي ناشف بين قوسين كاش يعني كم من ريال نمشي الامور فيهم (*_*)

جعله بالعافيه على قلوبكم كل ابوكم يا معجولين

وانا بكل صدق اقول ومن قلب التميز = خجل وانتبهي لا يكبر راسك علينا (*_*)

جعل والديك بالجنه امين وجعلك والمهجولين جميع على القوه في طاعته امين

تقبلو مرور الزعيم بصدر رحب

الزعيم

Baby faec · 03-29-2008, 02:50 AM

كل سنه ونتي بخجل قصدي بخير

ومشكورة على هل الدعوة الحلوة

والله انك نشميه

بس مرة ثانيه ارسلي الدعوة ابكر عشان احضر

][ خــ,ــجــ,ــل ][ · 03-29-2008, 02:50 AM

اقتباس:

المشاركة الأصلية كتبت بواسطة متقروش

الله الله يا خجل

والله انك اكوس بنت

وش هالمفطح ذا وش هالدلع <[ قامت تخرخر سعابيله هههههههههه

المنتدى منتداك والاعضاء اخوانك واهلك

والساعة المباركه اللي سجلتي فيها وانضميتي لنا

والمنتدى يفخر بك وبالاعضاء اللي مثلك وانتم سر نجاح المنتدى الحمد لله

والله يغنيك ويعافيك على هالعزومه

ومدري وش أقول والله .. الكلام يطير مني في مثل هالمواضيع :)

الله يعطيك العافية خجل وبيّض الله خشتك

خمس نجوم لاحلى موضوع وبس تكتمل الردود يتثبت وللمتحف دايركت :)

خالص التحيّة والتقدير لحضرة جنابك :)

ووجهك أبيض طال عمرك (^_^)

وانتم من يستحق أن نفخر ونفتخر ونعتز بوجودكم ووجود إداره مثلكم وشرواكم ..
وسر النجاح اللي تشوفه لنا وللمنتدى ككل يرجع بعد الله إلى تواجدكم ودعمكم ..
وهذي الحقيقه ولا مجال للمجامله فيها ..

متـــــــقروش

تشريفك للموضوع كان أكبر شرف وأعظم تقييم ..
أتمنى ان لا أفقد هذا الحضور المهيب

جل التحايا لشخصك الكريم

][ خــ,ــجــ,ــل ][ · 03-29-2008, 03:04 AM

اقتباس:

المشاركة الأصلية كتبت بواسطة الزعيم

كفو والله خجل بيض الله خشيشتك >>>>>>>>>> تمت السعبله بنجاح

ووجهك أبيض طال عمرك (^_^)
سم المنديل طال عمرك وإذا خلصت عطه متقروش << حاسه بالوضع
<<< سعابيلها مقوطره قبلكم (^_*)

اقتباس:

المشاركة الأصلية كتبت بواسطة الزعيم

والف الف الف مبروك علينا وكل المهجولين الرقم 10000 وان شاء الله المسيرع للمليون

وما شاء الله تبارك الله عشا فاخر لاعضاء يستاهلو وكنتي السباقه لهالفكره لبا قلبك

الله يبارك فيك اخوي وتأكد إن المسير عالمليون بإذن الله ما دام المنتدى برئاستكم
وتحت إدارتكم ..
وموضوعي موضوعكم ..
والأعضاء يستاهلون أكثر ..

اقتباس:

المشاركة الأصلية كتبت بواسطة الزعيم

بس لي رجاء انا لا هنتي (*_*)

لو تعطيني نصيبي ناشف بين قوسين كاش يعني كم من ريال نمشي الامور فيهم (*_*)

جعله بالعافيه على قلوبكم كل ابوكم يا معجولين

الله يهديك بس يا خوي إنت تامر أمر والخير يفداك ..

اقتباس:

المشاركة الأصلية كتبت بواسطة الزعيم

وانا بكل صدق اقول ومن قلب التميز = خجل وانتبهي لا يكبر راسك علينا (*_*)

جعل والديك بالجنه امين وجعلك والمهجولين جميع على القوه في طاعته امين

تقبلو مرور الزعيم بصدر رحب

الزعيم

أفا بس أفا .. أنا راسي ما يكبر عليكم ..
وكل اللي تشوفونه من إبداع وتميز بعض مما عندكم
وما حصلنا عليه إلا من توجيهاتكم وحسن تعاملكم

الزعــــــــيم

أخجلتم تواضعنا حقيقه والشكر موصول لك انت على هذا الإطراء
وإن شاء الله أكون عند حسن ظنك دائما وعند حسن ظن الجميع
شرفتني بحضورك والله يجزاك الجنه على هالدعوات
وآمين الله يستجيب منك ..

إحترامي وتقديري

][ خــ,ــجــ,ــل ][ · 03-29-2008, 03:10 AM

اقتباس:

المشاركة الأصلية كتبت بواسطة Baby faec

كل سنه ونتي بخجل قصدي بخير

ومشكورة على هل الدعوة الحلوة

والله انك نشميه

بس مرة ثانيه ارسلي الدعوة ابكر عشان احضر

Baby faec

حياك الله اختي .. منوره الموضوع
والشكر موصول لك على حضورك
والعزيمه تشرفينها بأي وقت ما يحتاج دعوه
<< واسطه (^_*)

الدعوه للاجنبي الله مير يسلمك (^_^)
وانتي راعية محل يعني ما يحتاج دعوه

تحيتي لك