♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦

هااااااااااااي شبااااب وصباايا
شوو اخباركم ؟اكييد انكم بخيير دامي موجووووده ☺ << بررا

ااالمهم وانااااا ادووور وافحط بهالمنتديااات لقيييت لكم هالموضوووع التحفه اللي فطست فطسا مبرحا علييييييييه مع انو بعض الكلماات ما فهمتها ^_^
وقلت لاااازم انقله لهنا عشاااان تفطسووون مثلي ....

..الموضووع وما فيه يحكي معاناات بنت مع خشتها خخخخخ

اترككم مع الموضووع وانتو احكموااا
اربطوا احزمتكم قبل الاقلااع واتمنى لكم ضحكاا سعيداا هع
<<من معلمك تسويين مقدماات !!!



♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠

كالعادة .. أنا وأمي وأبوي جالسين نشرب قهوة الضحاوي .. وكالعادة الموضوع الوحيد الي يفتحونه ويسولفون فيه هو( انا ) ..



قال أبوي : والله أحس أني مقصر وخائف أن الله ياخذ عمري قبل ما أتطمن على بناتي من هالهرش .. < -- ويناظر فيني بنص عين .. وأمي تقول له .. لا ماعليك ربي يهونها أن شاء الله .. ويجي الي يضف هالهرش من عندنا ونفتك منها .. وأبوي يقول .. يابنت الحلال هنا الخوف أكبر .. ياخوفي تعرس وتخلف لنا هرووش كثار .. وبعدين وين الدبره .. وأمي تقول : عندي فكره يابو مناحي .. زوّجها رجال عقيم ... وأبوي يقول : هو لو فيه رجال معااق عقليا وجسديا ويرضى يضفها من عندنا كان أنا رحت له .. ودفعت عنه المهر وعطيته فلوس عليها وسياره وفله .. بس وينه فيه .. أنت ماتذكرين يوم جبتيها في المستشفى وش حصل .. مدير المستشفى كون لجنة طبية عشان يصنفون هالبنت هي من الجن ولا من الأنس .. وقال رئيس الجنة أحنا لو صنفناها من أي الثقلين بيسهل علينا نعرف هي ذكر ولا أنثى .. وقتها جلسنا ندعي نقول ليتها بنت عشان نلبّسها عباية ولا ولد يفضحنا في الشوارع ويقطع رزق خواته ... وأمي تقول ايييه أذكر والله كانت فشله ..





عاد ماقدرت أستحمل كل هالهروج الي تعيد نفسها كل يوم .. وقمت من عندهم بعد مانشب التمر في حلقي من كثر مايقطعون فيني ...
وقبل أوصل غرفتي سمعت أمي تقول .. ما ظنيت من يعرس على هالبنت .. وهي شعرها مثل الشيحه الي مزروعة في البر بـ لحالها في الصيف ..
وأبوي يقولها يابنت الحلال .. هو لو على شعرها لقينا له دبره .. بس وش نسوي بهـ الوجه.. إلي لو يشوفه الواحد يقول
شكمان سيارة الددسن حق ابو صالح الله يمسيه بالخير ..





دخلت غرفتي وأنا صايبتني داء الصدمه النفسيه .. وأنا أناشق من الصياح .. وقول ليه بس انا قبيحه ليييه ..
كل من ناظر في وجهي يحسب أني دباب ابو ثلاث كفرات .. وبعضهم يحسب وجهي طريق بقيق 70 كيلو .. وأنواع الحوادث فيه ..
ناظرت المرايه ودي أعدل شوي في الخشه ولوأن هذا مستحيل بس قلت احاول .. واول ماناظرت فيها .. المرايا عطتني قفاها ماتبي تشوفني
وسمعتها تتمتم وتقول: العمر واحد مايبيلها .. وش لي بشوفة وجهها وأنواع العقد النفسية ..




وقتها بس ندمت ان امي جابتني




أنبطحت على السرير وجلست انغف كالعادة .. وقلت هو لواني ولد .. كان على الأقل خرجت وفكيت عن عمري شوي..
حياتهم أزين مننا .. خرجه ودشره وسيارات وتفحيط ومحدن يلوم خششهم .. هماه يقولون الرجال مايعيبه شي ..
( هذا أزين شي في حياتهم ) يعني لو صرت ولد مهنا خلاف.. هو بس الخوف من سروال السنه لاجيت البسه .. ماااش احسه خفيف شوي وواسع ..
مايمديني على هـ البس ..





بس لمتى يعني أعيش هالمعاناااه ذي .. حتى أذكر يوم جابوني للمدرسة عشان يسجلوني فيها المديره قالت : هذي مدرسة أطفال موب حديقة حيوانات الله يصلحكم .. وبعد معاناة في أقناعها وافقت بس حطت لي فصل بلحالي عشان ماخوف البزارين .. وتعالوا عاد شوفوني في حصة الأنتظار المدرسة تصحح الدفاتر وتخليني أعطيها ظهري عشان ماتتوحم عليّ .. وياريت على كذا وبس عطوني فسحه لي بلحالي .. ولاجيت العب في مراجيحهم .. انادي الخالة عشاان تدفني وأتمرجح زي أي طفل في الدنيا .. بس تقولي : لا يا وليدي وجهك مرسوم عليه حوادث ومطبات والفال عليك شين .. وخاف يصير لك شي .. وأسمع الخاله الثانيه تقول لها : خليها تموت يمكن ربي يفك البزارين منها ونعيش بأمان من جت المدرسة وهي مزوده علينا ساعات العمل .. المديرة تقول لاترووحون وهـ الهرش ماراح .. نخاف على البنات منها .. والمشكلة أنهم يخلوني أصرخ بدل جرس الفسحة .. ويقولن هـ الصوت لازم نستغله ونوفر الكهرب ..





تحطيم في تحطيم ... وين أروح فيه.. وكل الناس حلوين .. وللي يضيق صدري ..
هالمواضيع المنتشره هاليومين ..( طخوم وزيوون ) .. اجي أبغى أرد على الموضوع الاقي الموضوع عن الزين وحلااه ..
وأقوم أطلع بكرامتي لإني مابي شي يفكرني بخشتي .. كل ماشفت زين ولا زينه .. سال على وجهي دموعي الحاره ..
والمشكلة أن حتى الدمعة يوم تنزل تستغرق يوم كامل عشان تصل للأرض .. من كثر المطبات والطعووج اللي في وجهي ..





وأذكر مره .. ابوي حطني في المزرعة عشان أحرسها من الطيور والحيوانات الي تخرب الزرع .. وكنت أقول لـ أبوي .. تكفى لاتخليني وحدي في الليل .. يقول مهنا يسترجي يقرب منك .. وعقبها يحلفون ان أنفلونزا الطيور طلعت بسبتي ذاك اليوم ... والناس تعاتب أبوي وتقول أستاثمت في الطيور.. أجل هالوجه تحطه لهم ...!! حرام عليك تسوي كذا في طيور .. تصدق أن حتى الغراب يوم شافها من الروعه صار أبيض وفاقد للذاكرة .. ولي يزيد الحره في تسبدي .. أن أبوي يقول ياجماعة في حياتي ماعرفت أن فيه فزاعه تذبح الطيور من الرعب .. بس أمسحوها في وجهي هـ المره .. والمره الجاية بجيب فزاعة من النوع الخامس ..



أجل صرت فزاعه هالحين ..وفزاعة من المستوى الأول .. هذا وأنا أحرس مزرعته




حتى مره كنت أبغى أفرح في العيد مثل كل الناس ... وقلت لإمي : تكفين يمه أشتري لي شلحه عشان فستاني الجديد ..
قالت لي : أجل أنتي ينشرى لك شلحه .. أنت شلحتك تجي طلبيه .. أنتي ياكافي تلبسين بنطلون من غير بلوزه ..
أجل عمرك سمعتي أن فيه بنت.. رقبه ورجول على طول .. ومن الزعل قلت لأمي وش يفهمك أنتي .. ترى أهم شي الرجول ...
و مايمديني أخلص جملتي إلا أمي تقول .. أنقلعي بس .. أنا أول مره أشووف رجول لاصقه في بعض لين الركبه ..
عاد جيت برد عليها بس تذكرت بر الوالدين وسكت ..




ولي يقهر زيادة .. أن أمي لابغت ترسل فطور في رمضان للجيران ترسلني أنا وتقول عشان البزارين مايقربون منك وينكب الأكل ..
وحتى يوم كبرت ولبست عبايه برضه ترسلني وتقول .. هو الشكل الخارجي يكفي عشان يعرفونك ..
ولي يذبحني أكثر يوم أوصل الأكل للجيران وأجي برفع عن وجهي الشيله عشان أسلم ..
جارتنا تمسك يدي وتقول : لاترفعينها والله يحييك ..





وصدقوني أنا ممكن أتأقلم مع خشتي .. بس كل مادخلت على أمي وبوي .. الاقيهم في الشات بيوزرات نسائية وهات ياتميلح ونصب على الخرفان ..
لين يجيهم رصيد في البنك .. ويوم أقولهم حرام الي تسوونه ذا .. يقولون والله الحرام الي تسويه خشتك في الناس أرعبتي الخلق ..
حنا نجمع فلوس من الشات عشان نسوي لك عمليات تجميل بلكي ربي يفك الأزمه .. وحنا مانبي ننصب على أحد ..
والله لو نعلمهم خشتك وش مسويه في البزارين .. وكم حرمه أسلبت ورعها بسبتك ..
كان تبرعوا تبرعات سخية بس مانبي فضايح ..يكفي ماجانا من وراء هالخشه ..





خلاص أنا وصلت مرحلة الأنتحااار
... خصوصا يوم سمعت أمي تقول للحريم : مير يمكن ربي يسهلها لي ويعوضني .. أجل عمركم سمعتم عن بنت تشيل زبالة البيت
وتطلعها عشان البلديه تشيلها ... ويوم شافتها سيارة البلدية شالتها هي وتركت الزبالة ..
حتى أن ابوها يالله لحقهم عند أشارة الخط السريع .. مير نخاف تستاثم فيها ولا كان تركناهم يشيلونها ..




وصدقوني ياجماعة كان ودي أشرح لكم كل معاناتي

بس خفت يطول الموضوع ولاينتهي الين يوصل للأقسام الأداريه ..

قلت عاد مايصير أغث الناس بشكلي وبكلامي بعد ..
♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠




وفييه رد على الموضووع بغيت اموووت ع الرد من الضحك يوم قريته
>>>>الرد يقوول :-
♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠
اقتباس:
عاد ماقدرت أستحمل كل هالهروج الي تعيد نفسها كل يوم .. وقمت من عندهم بعد مانشب التمر في حلقي من كثر مايقطعون فيني ...

<< شوفوا وش رد عليها خخخخخخ

والله ما الظاهر انه نشب التمر بحلقتس من كثر الهرج اللي يجيتس لاني اعرف وجهتس مغسول بكمفورت توه مغسل به لبس بزر ابو اربع سنوات فيه سهال

الا والله نشب التمر بحلقتس لانه امتلى بطنتس من البلع اجل التمر صاف سِرى بالقصبه الهوائيه يحتري دوره عطي فرصه لتمره لين تبلعينها بعدين لا تطلع نخله ببطنس اجل فيه احد يبلع العجم مع التمر كله مره وحده ..



هااع هووع هييع
تحيااتي
pUnk pRinCesS
♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦ ♣ ♠ ♦ ♣ ♠ ♥ ♦

لا تجيبوون طاري الباصره قداامي <<< تمووووت بالبااصره
اييه خلييك كذا شطووور
الحقووق كلها محفووظه
يسلموووو سم سم ع الرد

ههههههههههههههههههههههههههههه

ياعمري هي بس

مشكوووووره فووشيه انشاءالله بدخل اقراءه مره ثانيه
لاني الحين قراءته بس مالس خلق اضحك

ههههههههههههههه

مشكووره مره ثانيه

تحياتيـ..

تنرحم صح خخخ ^_^
يسلموو يالغلا ع الرد
وعااادي تعالي كل داايم هع
لا عدمناك

دوووووم الضحكه يالغلا
يسلموو ع الرد الرايق
لا عدمناج

حرام وش هالتحطيم أللي تعرضت له أختنا فالله
والله أني اقرا الموضوع وأفكر أقول ليش مايودونها لبرنامج ((غيرلي حياتي))
<<<عاشت القصه من جد ههههههههههههه
أمااكثر شي عجبني يوم قالت لها أمها((أجل عمرك سمعتي أن فيه بنت.. رقبه ورجول على طول .. ))
<<أنفقع بطني من الضحك يوم قريتها ههههههههههههه

يسلمووووو بدور ويعطيك العافيه يالغلا..

هههههههههههههههههههههههه

قسسسسسسسسم بالله رررررررررررررررروعه جنان

يااني تشقلب ضحك عليها

مافقعني ضحك الا ذا



روعه روعه روعه

ططططططططططططططططططانكيووو اخطي على هيك نقل

خخخخخخخخخخخخخخخخخخخخخخخخخ



استغفر الله علبالي انها تأليف طلعت صدقية هع


الله يكون بعونها

بس موتتني ضحك هههههههه


يسلموووووووووو يامهجولة على هيك هبال