بايسن كلك حركات / كيف صار حركات ؟! - -:: منتديات المهجولون العرب ::-

متقروش · 02-25-2008, 02:35 PM

السلام عليكم ورحمة الله وبركاته

بايسن كلك حركات

بايسن كلك حركات !!

من البقالة اللي بحارتكم اشتروا علبة بايسن وخلونا نعرف كيف نصير حركات !!

علبة تشبه البيبسي إلى حد كبير ختم من وزارة الصحة " مسجل في وزارة الصحة " مصنع أبو الجدايل بجدة ، يعني وبكل بساطة منتج سعودي ..

طيب ما علينا خلونا نقرأ وش مكتوب على هالعلبة الزرقاء [ ياكثر التحذيرات المكتوبة على العلبة مرة بالأحمر ومرة بالأزرق ، تشكيلات تفتح النفس ] ..

وكاتبين بعد تناول أكثر من علبتين مضر بالصحة !!

ياللي قلبك مريض ولسان حالك يطلب العافية ابعد عن البايسون أحسن لك ..

واللي عنده ضغط او سكر نصيحة اخوية لا تشرب بايسون ..

ويا أطفال خدعوكم فقالوا شراب القوة والطاقة ،، بعدكم صغار لا تشربونه

ويا حامل تراك تحملين في بطنك أمانة ، لا تضيعيها بشربك لهذا الداء ..

الحين نشوف مكونات هذا الداء ،، أهم مكونين له هي : بنزوات الصوديوم و حامض الستريك ..

هالمادتين تخليك قوي على طول وكلك حركات عارفين ليه ؟؟

لأن بنزوات الصوديوم يستخدم ضمن مواد التحنيط

يعني عندك جربوع وحاب تحتفط بشكله المميز ، أو ضب وتحب تحفظه بلونه الجميل .. استخدم بايسون فقط !!

بنزوات الصوديوم تنشف عروقه تنشيف ،، بس نصيحة لا تستخدمونه للضب لأنه ناشف أصلاً وإذا عطيتوه بايسون بيتسلخ سلخاً مبرحاً ..

حامض الستريك هذا محلول ما يضر مرة !!! بس يخفف من كثافة البوية شوي لما تبغى ترش جدران بيتكم

بإختصار .. مكونات مشروب الطاقة اللي تعطيك الحركات يساعد على الإسراع في :

الهشاشة المبكرة للعظام

يسبب قرحة المعدة [ لوجود حامض الستريك ]

صفار الأسنان وضعفها

يسبب جفاف لقرنية العين

بمعنى أصح يساعد على فقدان البصر

واللي زاد الطين بلّه إنهم مكثرين مادة الكافيين فيه يعني ابشر بالسهر والارق طول الليل

شفتوا كيف هالمشروب يعطيك حركات !!!

// نقلاً من البريد مع بعض التعديلات البسيطة //

ميمو القمـر · 02-25-2008, 11:01 PM

وعليكم السلام ورحمة الله وبركاته

الحمد لله عمري مااذقته

مشروبات الطاقة تخوّف ..

الله لايبلانا بس

مشكور اخوي متقروش على موضوعك المهم والمفيد

يعطيك العافية

اخت عبدالله · 02-26-2008, 12:31 AM

حسبي الله عليهم

ولا الثاني ذاك ريدبل يعطيك جوانح والله ماعطاني غير النوم يوم شربته

مشكوووووووور متقروش

][ خــ,ــجــ,ــل ][ · 02-27-2008, 04:43 PM

موضوع في غاية الأهمية ..

شكري الجزيل لك على هذا النقل الموفق ..

تحيتي لك ..

ALKING · 02-28-2008, 07:12 PM

عليكمـ السلامـ ورحمة الله وبركاته

هلا وغلا فيكـ متقروش

••

الحمد لله إني ما أحب هالمشروب

وبصراحه ما أتوقع إنه يختلف كثير عن البورهورس وغيرهـ من مشروبات الطاقة

وأصلاً لاخير في ذا ولابركة في ذاكـ .

..

• متقروش •

تسلمـ يالغالي على هالتنبيه

والله يجزاكـ ألف خير

يعطيكـ العافية

الكابتن مناحي · 02-29-2008, 05:33 AM

ههههههههههههههههههههه

<< جالس يتشقلب ضحك وبعنف بعد

وناسه ياشيخ
انا الكمخه جايب لي كرتون بايسن وازط منه يوميا بال4 و3 هههههههههههههههههههه وبنهايه يطلع كل ذا منه

عز الله انا باي باي

اما البويه ههههههههههههههههههههههههههههههههههه

وقسم حسيت اني مدري شلون فقعت ضحك

حسيت اني ضب

وبحق طااااانكيوووو وموضوع بحق حينوووو وصحصحني شوي

lolo k.s.a · 03-05-2008, 01:38 PM

.. الله لاااااا يبلانا..
مشكوووور ((متقروش)) على المعلومات
الله يعطيك العافيه

ساره · 03-12-2008, 02:35 PM

يارب أرحمنا برحمتك
هذا وانا مدمنه عليه
شكرا أخوي على الموضوع

آنـ ي ـن آلآحـسـآس · 03-12-2008, 06:35 PM

يسلموو متقروش على المعلومات المهم والنصيحه الأخويـه

اي طاقه وهذا كله فيه

يعطيك العافيه

احترامي وتقديري لك