مسـاء الخيـر والحـب والمـودّه ,,

حبيت أنقل لكم القصيده الثانيه للشاعر " عادل " واحد من اخوياي

ويقول ان شاء الله تحوز على رضاكم واعجابكم ,,


(فيما يلي)

أورثيـني ياهـجـوس الـلـيل وانتـبهي عـــلي
والله أني بعد موت الحب مدري من أنا

جيت لك مرسل من أفراحي وأبي تسـتقبلي
جيتـي إلـك بحـفـاوة وتكـسـيهـا هـنا

دامهـا جــت هـوجسة لـيل مــع قلــبٍ خلي
ليـه مافي هــوجسـتـنـا نـذب أرقـامـنـا

ودي أعــطي هالـبنــيـه رقـم مــــوبـايـلـي
(فكنــا يكـفي تـعارف ياعـادل فـكنـــا)

هـذي الجـمـلة لفت مـن هـجوسي تـبـتـلي
مابـقا في داخـلي مـن مشاعر للـضنـا

قلت أببني ياهـجـوسي أسـس مسـتـقـبـلي
وإلا هـذي بنت أبو جد خال أفكارنا

يعـني أن الـسالـفـة ذي خيـال ويـنـجـلـي
بعد ماتشرق من الشرق شمس أعمالنا

قـالـت أنـي ماأخــون الحـبـيـب الأولـي
قلت مات الحب قالت لوتموت أعمارنا

ياهجوسي خان حبي خـذاني من هـلــي
ياهجـوسي مـن فعـوله تجـرعت العنــا

كان همه يكسب ارضاي ويهاب ازعلي
كان شوفـه لي طموحـه ... مناله والمنا

كنت أبادله الشعور وكنت أنا له.. كان لي
كـان كـل الــكـون مـن حبـنا كـنه لـنـا

كـان في وقتـه (يكـون) ويتـبعه فـيما يلي
وعاد ذي فيما يلي فيها نسيت أني أنـا



ولاتنسونا من ارائكم

كان بودي يكون عادل معانا هنا لكن للاسف الرجال غشيم نت والله

ادعوله بالتوفيق

الزعيم

والله القصيده روووووووووووووعه

بصراحه أحب أهنيه على هالقصيده

قله يقولك ما يهاب تعلم وتعال هنيا وأكتب لنا لأصطره

والله القصيده غايه في الروعه

تسلم اخوي الزعيم على هالنقل

تقبل مروري وردي

وتقبل مني خالص

هلا بالزعيم الغالي ( اقول اسمك وافضحك عند النااس ) ههههه

<=====<< انا غشيم نت يالزعيم طيب طيب

الحين انا هنا معااكم بها المنتدى المهجول ...

وان شااء الله تكون القصيده نالت على اعجابكم

ومشكور على نقل القصيده ياااار.... خخخخخ

الله الله الله

وش الرووعه يا الزعيم توما ظهر الإبداااع الحقيقي

ووأشكرك على الإبداااااااااااع

نسيت إني أنا ،،

صـح لسـانك يـازعـيم ووصـل لخويـك صح لسانـه ولا هـان ،،

صراحـه قصـيده أكثر من رائـعـة وأكيد مو غريبـه دامـه من أخوياك :)

تقبل مروري وردي < ولا تنسى توصـل ( صح لسانك ) < لخويـك ^_^

هلا والله بكم كلكم وبالاخص اخونا موسوس الله حيه

يا عيال ترى خوينا الي كاتب القصيده هو الموسوس (غشيم النت)

هههههههههههههههههههههههههههههههههههههههه

والله صح لسانك وانا خوك موسوس

واتمنى من الله ان ما تحرمنا ابداعاتك الطيبه في منتداك الجديد

كل التحيه للعضو موسوس

مشكورين على المرور الكريم شباب

الزعيمـ

سلمت اخي الموسوس على الكلمات الرائعة والمبدعه
وسلم الزعيم الذي نقلها
ولااعتقد من يكتب هذه الكلمات الجميلة يعد غشيم بل هو مبدع
تمنياتي له بالاستمرار
بوركتم وبوركت اناملكم

مشكور أخوي الزعيم على نقل هاي القصيدة

كلماتها وايد حلوة