.:: الـلـي مـايــعــرف الــمــصــرقــع يــشــويــه ::. - -:: منتديات المهجولون العرب ::-

مصرئعـ · 05-02-2006, 03:05 AM

أول شي احب اقول انكم وحشتونن <=---- لاحظو التنوين

يعني من جد احس اني وحشتكم ومن كثر الرسايل اللي وصلتني على الجوال من كافة الصديقات حسيت اني مهم وقلت لازم نتواصل معكم

<<=--- اعقل يا مصرئعـ بولند

واحب اطمن كافة افراد الشعب ان قائدهم المعظم
][ مصرئعـ][ بخير وعافيه وصحه وسلامه وطلال وعبوديوعلي وعبدالله والاخوان<---(وش دخل الاسماء ) والى كافة الزملاء في الاستديو والى الحبيبه الغاليه في الهند بمناسبة زواجها الله يوفقها ويرزقها بولد الحلال اللي يصونها ولايسعني الا انا اقول لكم هذا زرعكم اللذي زرعتموه بالامس !! تجنون حصاده اليوم واللي ماتجنونه اليوم عمر ابوكم ماجنيتوه انا وش دخل امي فيكم

طبعا ادري ولا واحد فيكم فهم شي من اللي قلته لاني كتبت السطور اللي فوق وانا في وضع انبطاح جزئي يعني اصبرو لين اعدل جلستي عشان تفهمون

الصرقعه ..... عالم من الحريه .... افراد هذا المجتمع يعيشون حياتهم بلا هموم ولا متاعب ..... يعني الناس غاسلين يدينهم من المصرقعين ومن هذا المنطلق صار اعضاء هذا المجتمع يمارسون طقوسهم بكل امان ومحد يلومهم على شي واذا احد قال ليش كذا يافلان ؟؟؟ يجي المصرقع بكل ثقه يطلع بطاقه مكتوب عليها عضو في هيئة المصرقعين الاحرار وفي البطاقه تحت صورتي وانا نايم وجنبها توقيعي الله يحفظني ومكتوب ورا البطاقه نحن فدائك يابحر وعليها ختم عمدة كفر المعيز

هذا هو باختصار عالم الصرقعه ....... وماخفي كان اعظم

اختبرو قدراتكم وشوفو اذا كنتو تسوون اللي بقوله راح اعطيكم وسام الصرقعه من الدرجه الاولى واذا خالفتو اللي بقوله انا آسف وبقولكم بكل سهوله .. يفتح الله مالك بين المصرقعين مكان

1 - المصرقع اول مايقوم من النوم مايقوم مثل العالم الطبيعيين !! يعني يقوم من النوم ولازم يصير السرير معفوس ( اذا كان اصلا ينام على سرير ) يعني احتمال البعض يحب ينام وهو واقف وهذا اللي اشوفه يصير الحين وبعضهم يقوم من النوم وقميص النوم واصل رقبته من قوة التشقلب بالفراش واحيانا تلقا المصرقع مدخل رجله بفم اخوه اللي نايم جنبه ويده داخله جوا المخده ..... باختصار يعني يقوم من النوم والدنيا معفوسه

2 - اذا بغا يروح للدوام ( اذا كان موظف والغالبيه عاطلين حتى اشعار اخر ) مايروح مبكر ولازم يتأخر نص ساعه على الاقل لان التأخير شي طبيعي وعاده متفشيه ( ارجو ملاحظة متفشيه لانها متعوب عليها ) وتلقاه يطلع من البيت وهو لابس ( لابس ولا لا كلب ) الثوب بالمقلوب والازاير جايه بظهره والنعال الله يكرمكم اليمنى لابسها صح واليسار حقت الحمام وزين اذا تذكر السروال قبل يطلع من البيت لانهم اغلب الاحيان يداومون مهوينها يعني بدون ملابس داخليه والثوب هو اللي يستر البلاوي

3 - اذا دخل المكتب مايقول السلام عليكم !! يقول سين واحد لانه طول الليل سهران على الشات ومتعود على الاختصارات واذا احد عكر مزاجه صفقه بالخرامه على جبهته ...... ودايم تصير الاخلاق سياحيه لين تجي الساعه 1 الظهر يعني الاخلاق صفر لين يبقا على الدوام ساعه تشوفونه مروق ويغني واحيان ياخذه الطرب ويطلع على الطاوله ويهز وسط ويقوم بحركات لاتنم عن اخلاقيات موظف ناجح ومثابر

4- اذا رجع البيت يصكها نومه لين المغرب واذا قام يجلس ساعه مايدري وش السالفه !! يعني على اذان العشاء يكون صحصح وبدا يستوعب ويخطط وين يقضي السهره .... طبعا السهره هذي يبيلها موضوع كامل اخليها بعدين *_^

5- المصرقع يملك قلب فولاذي !!! وبعضهم شايل قلبه وحاط مكانه خشبه يعني مستحيل احد يأثر عليه ولا بنت تستعطفه ..... يعني مافيه امل يحب بنت ولا يعطي لنفسه مجال يحب واللي يقول انه يحب صدقوني مو من قلب لانه ماحب فعلا الا لمصلحه و خطه لعمل اجرامي قادم (( الله يخارجنا ))

6 - المصرقع ماله اي احتكاك بالجهات السياسيه يعني اذا خربها تفل على بوش بالتلفزيون وغيره ما اعتقد انه يسوي شي عليه القيمه .. واحب اطمنكم ان المصرقعين مالهم اي يد باللي صار في الحادي طعش من سبتمبر ولذا جرا التنويه

7 - المصرقع يعشق الارصفه ويموت بالجلسه عند محلات تسالي والبقالات ولو كان الوضع المادي يساعد صدقوني راح يحط في حوشهم رصيف ويجيب خوياه ويمارسون جميع الانشطه المتاحه لهم

8 - نادر تلقون مصرقع متزوج قبل سن الثلاثين لانه يحب يقضي شبابه بالتسكع والسفريات والبلوت وما الى ذلك ومايحب يكون مربوط بزوجه تنشب في حلقه وين ورايح ووين جاي !! عاد ليت الحرمه تستاهل 000 تلقى الرقبه متسفطه والمشق والشهابه والبثور لاعبه في وجهها والركب سود وتنشب للرجال بعذره بصراحه لو نام برا لانه يشوف مشاهد مرعبه اذا رجع 00 والله من وراء القصد

9-المصرقع دموعه صعب تنزل حتى لو ابوه يموت يقدر يمسك دموعه !! بس اذا اشتغل مزعل فرحان تبدا الدموع تاخذ مجراها الطبيعي ويجلس يصيح لين يخرب الشريط ولا ينكسر لانه طول ما الشريط شغال ماراح يسكت
10- المصرقع عنده ميزه وهي عدم المبالاة يعني بالعربي مايطق لاحد خبر اهم شي انه ياكل ويشرب وينام وماعليه من اللي حوله انشالله يحترقون !!!! والمصرقع لو يدخل عليه حرامي بالبيت صدقوني ماراح يسويله شي ويمكن يقوله ببروده !! اذا خلصت طف النور وسكر الباب وراك .

آسف على الاطاله بس تعرفون لازم نوضح لكم اكثر عن هذا المجتمع واللي قلته هذا غيض من فيض يعني بالعربي ماشفتو شي 000 وياليت تركزون على تنسيق الالوان خخخخخخخخخ

برب ينطح طيط

blackrose · 05-03-2006, 01:04 PM

شو شكلك نازل على الانتخابات
ونازل تمدح في حالك

مصرئعـ · 05-04-2006, 02:21 PM

هع هع هع

بس ابي اعلم الناس انا اللي ما يعرف للمصرئعـ يشويه وياكله

مشكور اختي على مرورك وتفاعلك معنا

تخيليني عيد هذا قدومي · 05-06-2006, 04:26 PM

اهلن اهلن اخوي وحبيبي وولد جارنا

يالله حيه ودي افرش الارض لك حرير بس تعرف ما معي فلوس تكفي

تقبل مروري وخالص تحياتي

][تخ ][تخيليني عيد هذا قدومي ][تخ ][

مصرئعـ · 05-06-2006, 10:20 PM

اقول تخيليني ماتلاحظ انك طلعت عن الموضوع ..هع

مشكور اخوي على مرورك وردك..

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)