!.[ اقـص راسـي قـدامـك ولا اخـضـع لأشـكــالك].!



جبرك الوقت ترجعلي جبـرك وجيتنـي ندمـان
دمرك الشوق يا خاين وجيـت تسابـق ظلالـك

عرفت الحب بغيابي وعرفت انك معـي غلطـان
تاكـد مـا يشرفنـي طريـقٍ دربـه وصـالـك

تبيني اخضع لجل عينك وانا ما اخضع ومهما كان
اقـص الـراس قدامـك ولا اخضـع لأشكالـك

لعبت بحسبة جروحي وكتبت من الحزن عنـوان
ونسيت اللي يحبك موت وصـار الغيـر يحلالـك

اذاغيري يبي قربـك وصـرت فبحـره الغرقـان
نصيحه لا يموت الحـب ومـن قلبـي هنيالـك

تشب النار في قلبي وتنسى انـي معـك انسـان
تخالط بالشقـى هيلـك وصـب الهـم فنجالـك

بعد ما انقلبت الدنيـا تجينـي محتـرق ولهـان
وتقول ارجوك سامحني ووعد منـي ابوفالـك!!

تبي قربي انا حاظر ولكـن بطلبـك مـن شـان
تشوف شلون لي عـزه تـرد الجـرح لامثالـك

أبي تبكي على شاني وابي تصرخ من الحرمـان
ولو اني بآخر الدنيـا ابسمـع صـوت موالـك

ابيك تصير مجنوني ومن شافـك يجـي شفقـان
يقول شلون علمني وش اللـي غيـر احوالـك؟

تدل الدرب من دونـي وقدمـك سكـة الأحـزان
توكـل لا تنادينـي ويعينـك الله علـى حـالـك

وانا يكفينـي ذليتـك وحديتـك علـى الهجـران
تقول الموت من بعدك واقول هنـااااك اشوالـك

غسلت ايديني من حبك وبرحل واهجرك يافـلان
فمـان الله وباقيلـك نصيحـه خلهـا فبـالـك

ترى من يضحك الاول مصيره فاللعـب خسـران
وانا من يضحك الثانـي عشـان احطـم آمالـك


منقوولة ...

الله يسلمك ويسعدك

شاكرة لك مرورك وردك

منور

روووووووووووعه

عجبني هالبيت بحق بحق بحق روووووووعه

صح كيبوووووردج وصح الله لسان شاعرها

وسلمت يمناج عالنقل المميز وذوقج روعه دايم بالاشعار

الارووع مرورك والذوق ردك

ربي يسلمك ويسعدك

ولاتحرمنا تواجدك العطر