صاله القدوم.. - -:: منتديات المهجولون العرب ::-

بسمه · 11-28-2007, 08:20 PM

السلام عليكم ورحمه الله وبركاته..
يصور لنا الشاعر مناحي موقفا طريفا جرى له في إحدى المطارات خلال استقبال محبوبته
وذلك عندما دفعته اللهفه للقائها الى الاصطدام بعمود اسمنتي مما ادى الى كوميديا لاتحدث غالبا الا في
الافلام العربيه القديمه وهو هنا يشرح لنا سيناريو هذا الموقف...

في صاله القدوم تومي لي وانا اومي من بعيد = طاير من الفرحه عسى يوم الموادع مايعود
وركضت يمك لجل اضمك في عيوني يوم عيد = والله لايرضى على اللي حط فالصاله عمود
طيح شماغي وانكسرجوالي اللي به رصيد = وسلمت مرياتي وشفت اللي من اول بيض سود
ربكه ودبكه بارق افلاشات عصفور ونشيد = واشيا تحسسني بظلم الضحك في عيون الهنود
قمت اتخمخم معظم أشيائي أبي ابعد أكيد = ماعاد انا وسط العرب حاضر ولاني فـ الوجود
ودقيتها لطمه ولا لي عنك يالموتر صديد = كني صقريكفخ بجنحانه على الصيد امهدود
يوم بحياتي ماقدرت انساه يالعذب الفريد = موقف كوميدي بس تبغى الصدق جعله مايعود

ملك الإحساس · 11-28-2007, 08:35 PM

خخخخخخخخخخخخخخخخخخخ

الحظ يلعب دوره في الحب

مشكوره بسومه على القضيده

ننتظر جديدك

][ خــ,ــجــ,ــل ][ · 11-29-2007, 06:52 PM

الشكوى لله ..
من لهفته مو شايف العمود ..
هذا الحب وما يسوي ..

أشكرك اختي بسمه ,,
حقيقة موقف طريف ,, ونقل ممتع ..

تحيتي لك

روح الغـلا · 11-30-2007, 02:17 PM

ههههههههههههههههههه

بصراحه موقف ظريف وضحكني كثير دقة اللطمه ههههههههههه

الله لا يفشل مسلم هع

مشكوره خيتوو بسمه على هالقصيده الحلوه

ينطيك العافيه ياغلاي

بسمه · 12-08-2007, 07:21 PM

ان شاء الله دووووم الضحكه على وجوهكم ..

اخوتي..

الف شكر لحضوركم الرائع الذي

ينور ويزخرف متصفحي المتواضع

لاعدمنا هالتواصل

تقبلوا شكري وتقديري