قصيده لطفله ابتهال المجمعه ..............! - -:: منتديات المهجولون العرب ::-

أمـيـر ~ الـذوق ~ والـرقه · 04-27-2006, 09:35 PM

ابتهال المجمعه

هذه قصيده في طفلة المجمعه المفقوده ( ابتهال سلطان المطيري )
التي أخرجت من منزل والدها يوم الاربعاء 7 - 2 - 1427 هـ
ولم تعد حتى اليوم اعادها الله إلى اهلها سالمه إنه سميع مجيب

يرتجف قلبي ليا من ذكر طفلة مطير *&* ابتهال اللي خطير خفوقي وتشعله
كيف يرقد مسلم عنده احساس وضمير *&* والبنيه توها أم السنين الاربعه
فاقده حضن امها لا حنان ولا عبير *&* كيف اوصف طفلة دون ذنب مروعه
عشرة ايام مضت لا بشير ولا نذير *&* أظلم الزلفي وعانق ظلام المجمعه
عشرة ايام تقل دهر ولاموقف خطير *&* والمنام اللي عشقته يفزع مضجعه
أحد يرقد مفرشه بين ديباج وحرير *&* وأحد يوجس ملة بالفراش مولعه
الضنا جنه وبعده عن الوالد سعير *&* والمصيبه أمه اللي سنين ترضعه
افزعوا تكفون واستبشروا خير كثير *&* ما يعقب الضيق بأذن الكيريم الا السعه
يا إلهي وأنت نعم المعاون والنصير *&* يطلبك عبدك ودمعه يجرح مدمعه
يطلبك مفجوع مظطر ولوحده سهير *&* ما يشوفه كود عينك وحدك تسمعه
رد يوسف وابصر اللي بعد فقده ضرير *&* ما رجع إلا لإنك أمرت أبمرجعه
ياكريم يارحيم على الشده قدير *&* سالمه ترجع قريب ابتهال المجمعه

لـــــــــــشاعـــر
علي بن سلمان الحميدي