الصلمو علاكــم <...وعــلا كـــم

هذي يا طويلين العمر والسلامه سالفتي يوم كان عمري 24 برا طبعاً <... قبل لا ينولد عشان محد يقول انك كذاب

في يوم ئفقةئف (مثل ما تقولون يوم الربوع ألحين) <..ما كان يتكلم عربي


في عام الفين وسته قبل الميلاد كنت انا و أمير الذوق والرقه ندخن ورى المدرسه وكان متقروش يراقب لنا ( متقروش كان دافور ومشبكينه حنا عشان ننقل منه الواجبات ويغششنا ايام الاختبارات )


الموهم الا مشعل بن تركي مشطف بالفيل حقه قاعد يفر عند المدرسه ويشربك قالي أمير الذوق والرقه ذا كنه مشعل بن تركي قلت ل أمير الذوق والرقه هاه تعزم نهرب الا يقول قدام

ونلقط متقروش ونشقح ونوقف مشعل بن تركي ونركب معه شوي الا ملقوف النت يدق بيجر على أمير الذوق والرقه (ماكنا نمون على ملقوف النت) الا يقول ل أمير الذوق والرقه الحقوا فيه تفحيط بايطاليا ونتحمس

ونعبي بنزين وندز ونوصل لايطاليا بربع ساعه (كنا بالمريخ) وهاتك يا تفحيط وهاتك يا رجه الافيه ورع مسوي يفحط مع وجهه على فرس وأوقفه انا و أمير الذوق والرقه ونجلده وناخذ فرسه

واستلم الطاره و امير الذوق والرقه كان معزز وتفحيط ورجه الا نشوف الدوريات راكبين دينصورات وجايينا يمشون ست آالاف الموهم وأدعس شوي الا متقروش لاحقنا وشالنا

وطاير بنا للمريخ كان شالنا بيد واليد الثانيه الفيل ومعه مشعل بن تركي ملقوف النت ونوصل للمريخ ويرجع كل واحد بيتهم بعد يوم كان حافل بالجريات والمدرسه مكلمين البيت وكل واحد
دبر له تصريفه
مشعل بن تركي كان مفصول ويشتغل بمحطه يعبي بنزين
متقروش أنجلد لين عظ الارض لان أبوه طلع مصري
أمير الذوق والرقه لعب على ابوه قال انه
شاف بوش وطلع يلحقه بس ان انحاش
مشعل بن تركي (الخال) قال لابوه كانت عندي عرس وطلعت
أما انا جحدت كالعاده
سالني ابوي عن
الفرس قلت فزت فيه بسحب بالمدرسه وبعد ما خلص ابوي محاضره كالعاده سحبت امها نومه ما قمت الا على صوت ابوي (طول الله عمره)

كان رابطني بحوض الفيقرا ويسحبني للمسجد عشان اصلي الفجر معه واصلي وارجع البيت واقهويه لبن واصب له فميتو بعد ما خلص من اللبن
الا يقول يالله اخذ فرسك اللي فزت فيه والحقني للابل <.. الشي الوحيد اللي ما تغير للحين


والله وادق سلف واشغل الاي بود والمكيف واحرك وما صفط الا صافط(ن) معه .. الا الراعي مربوط بطنب الخيمه ويبكي يقول القوم جوه واخذو الابل وربطوه

وحطو رجيلهم واخذ جوال ابوي وادق بيجر على أمير الذوق والرقه ويمر العيال وشوي الاهم محضرين وهم مشعل بن تركي ومتقروش وملقوف النت
مشعل بن تركي كان معه فيل ومتقروش كان يطير ما يحتاج موتر وأمير الذوق والرقه وملقوف النت كان كل واحد معه حصان (الحصان كان مثل الددسن اللحين)
ونحرك ونلحق القوم وكانوو
1000 فارس من المخلوقات الفضائيه (لا تسألوني وش يبون بالابل) ونلتقي بهم واحتمى الوطيس ويقتل متقروش في اليوم الاول وفي اليوم الثالث قتل
فيل مشعل بن تركي فسقط مشعل من الفيل ومات وفي اليوم الخامس قتل الصديقان الحميمان امير الذوق وملاقيفووووووو


والمعركه الى الحين حاميه قتل منهم
خمس ميه وباقي خمس ميه وان ما رجعت والابل ما هيب معي راح يسحب مني ابوي الفرس الموهم صار لي اسبوع وانا ما كليت ولا شربت ما فيه الا قوت

ذبح بالمخلوقات الفضائيه وبينما انا اذبح واكر وافر الا بنزين الفرس خلص وما حولي محطه واتذكر ان الفرسي حامل واصفط على جمب
واشق بطنها واطلع المهر وارضعه شوي لين كبر وامتطيه وادعس واذبحهم كل ابوهم وأخذ الابل وارجعها لابوي


طبعًا انا انقهرت يوم ذبحوا اخوياي وحلفت لارجع وأمحيهم من على مجرة درب التبانه لكن للحين ما أنولدت
اول ما أنولد راح اخذ الثار حق الشنبات اللي ماتوا معي



ملاحظات:

1- ترى محد كان مسلم الا انا
2- تراني ما أحبهم
3- ترى القصه واقعيه وأشترت مني هوليود القصه بمليونين بس الى الحين ما استلمت المبلغ لاني ما بعد انولد للحين
4- سامحونا على الإطاله
5- مع السلامه


××جبنه كــيري اخــذت كــل تفكــيري××