أنا بقول لكم موقف حصل أمام عيني
كنت ايام الجامعه
واحلى ايام كان فيه طالب من زملائي
وكنا اربعه بالصف الاول بالكراسي وكانت المحاضره
الاولى الساعه ثمانيه الصبح وكان زميلي نصف صاحي ونصف نايم طول المحااااضره
انتهت المحاضره وكانت محاضره ثانيه بعدها بنص المحاضره لاحظ الدكتور زميلي عليه كثرة النعاس قله روح غسل وجهك وتعال
المهم الطالب راح وغسل وجهه وما رجع اتصل بي بعد انتهاء المحاضره وقلي نزل الكتب انا بمواقف السيارات حقت الجامعه
نزلتها له
وهناك كان الحدث الاعظم
تخيلون وش كان لابس تحت الثوب
كان لابس ثوب على قميص نوووووووم ولون قميص النوم ازرق والثوب ابيض اللي يشوووف الطالب يقول من رابطة مشجعين الهلال ولكن
كان لابس ثوبه مستعجل قبل ما يجي الجامعه ومحد انتبه من القاعه كلها ولا حتى انا الا بعد ما قلي شوف وش لابس تحت الثوب
جلست اضحك اضحك وجلس يضحك بصرااحه موقف مررره طريف والاطرف انه مو لحاله كان نايم بالقاعه الظاهر كلنا كنا نايمين وماشوفنا الحوسه اللي كان بيها رغم وضوحهها وضوح الشمس