بسم الله الرحمن الرحيم ,,

طآل الكلآم وكثر الجدَل على هالمٌوضوٍع ,, تآرة ً ابتسم لبعض الردود .. وتأرة ً احزن على عقلية البعض التي ( احترمها ) ..

ومرّة واحدة وجدت ما يسعدنِي وكآن الكلآم فالصّميم ,,

ولكن اتمنّى مِن مَن ينصَح .. الّآ يناقض نصيحتَـه .. لأنه .. هو الي في خطرِ .. !!


مآعلينآ ,,

اخوانـي واحبتــّي .,,

القضيه كلها مثلث ..

الأولى ,, اجتهااد وعزيمه (ورغبة ) فالوظيفه وبناء المستقبل

الثآنية ,, توفيق من رب العآلمين .. وذلك نتاج دعاء الوالدين وعملك الصّآلح

الثآلثه ,, وآو على كيف كيفك ,, فيتامين يساعد في بناء العظام ويمنع الكلسترول يمدّك بالكآلسيوم لبقية حيآتك . > وفي احيان كثيره لايلزم هالفيتامين .. فالتوفيق من الله والاجتهااد .. كفيل .. بوضعك فالمكان الي تصبو اليه ..


ياحبيبـي انت ويآه الوظيفـة ماتجيك لين عندك وتطق البآب ,,

صحيح ياحبايبي .. فيما لو قارننـآ مستوى الوظائف بالدول الخليجيه المجاوره .. لنجد اننا في الحضيض والوظيفة لدينآ .. في متناول ٍ صعب !!

ولكن الوظيفه فالمتناول !! ..

كيف ؟

اول شي تتوكل على الله وتشد حيلك فالثنوي ..

ماهو تدااوم الساعه سبع ونص .. ويفوت عليك الطآبور .. وتتوقف الحصه الاولى والثانيه وتحضر الثالثه لأنك ( تكررمت وحضرتها عزيزي الزاحف )

وفي بريك الفطور يخمّك راسك الا براس معسل .. وتهرّب من المدرسه وتشقح من فوق السور .. وهاتك اقرب مقهى ؟؟

او من بآب الزحفان والدشرره ,, تهرب ولا ترد الا الحصه السادسه ... >> ع الششون عيَل ماتقدر تفوّت التحفيط عقب الدوام .. ولا لو عليك ماترجع للمدرسه .. وخويّك ( الزلمه الشقرردي ) الي ماسك ورقة الغياب .. ( محضّرك ) >> كفـو كفـوو ..

ويوم ورى يوم .. وفله ورى فله .. الا اختبارات الوزاره ( سابقا ) الا والاختبارات بوجهك .. ومالك من هالبراشيم على ئفـى من يشيـل .. وتزبن عمرك ورى مصري ولا واحد دافوور .. ( شآطر ) > للمتحدثين بالفصحى الغبية ..!!

الا وانت صاك السته وخمسين او خمسه وستين واذا كنت مااهر في استخدام الجوال ومتمرّس بالبراشيم توصّل الا الخمسه وسبعين ومبروك عليك يابطل !!

تجي تدوج ماتخلّي تقديم قبول .. في قطاع حكومي .. لا عسسكري .. ولا بلدية ولا قطااع خاص من مؤسسات ولا شركاات الا ماتقدّم ..

وتدخل وبالموت تقعد على كرسي المقابله .. احيان تدخل على المقابِـل وهو معكرش حواجبه وعيونه يتطاير منها شرار .. انصحك ضف عفشك وملفك رح بلّه واشرب ميّته ياحبيب البي انتا ,,

واحيان يكون منبسط وطيب ومايبي يكسر بخاطرك .. تجي وتقابل .. وانتبه !! اذا قالك .. حط رقمك عندنا وراح نكلمك > انطر ياا طوطو طوط لين ياتيك الربيع ؟؟!!

عمومآإآإآ هذي مسيره .. ثلاث ارباع الشبآب السعودي (ألمنآضل ) للحصول على وظيفه تبيض الوجه وتبرد على الكبد وتبني المستقبل ( المنهدم اسآسآ ) ..

ابي اعرف سؤال واحد .. ليش الي هذا ماضيه .. ( يحتج ؟؟ ويشجذب ويستنكر ؟؟ ) .. اقولك شي بكل احترام ..

اقول ؟

والله وظيفة 1800 .. >> تراك ماتستاهلها .. واحمد ربك .. وودنا بالطيب بس الزمن جحااد طيب *** وان جاتك سالمه حب يدك وخشهآ ؟؟


هذي العيّنه ما اتكلم عنها ابدا .. لأنها عيّنه فآآآششله . ؟؟!!


انا ما ادافع عن احد انا ما نبذ احد .. كل الفكره مجرد تعقل ووقفه عند الحق ..

لكن انا اتكلم عن الي كد على نفسه وتعب على نفسه واجتهد ونقول لغرابة المنهج الدراسي السعودي ( الغريب ) الغبي في منااهج كثيره ؟؟ فكم مره اضحكني المنهج الانقليزي والكييميااء .. عموما

نقول مع هالعواامل المجتهد جاب .. نسبه 80% او 85% فما فوق ..


صدقني ياعزيزي الوظيفه ماتجيك وانت نايم ببيتك او تتفرج يالمثقف على الجزيره .. عشان اذا حضرت مجلس قمت تهايط شوي ..

او تتابع مبارياة الشآمبيونز ليقا او البوندس ليقآ !!

لا لا ياحبيبي .. الوظيفه ماتجيك لين ينزل العرق من جبهتك الي تقول تسنها صدام ددسن 89 ..

لاتقول انا تعبت بالثنوي وسويت الي علي وجبت المعدل الطيب ؟ > خير ان شالله ؟؟ بتجيك الشركات تركض لك يعني ؟؟ مليون غيرك بالسعوديه جابو احسن من معدلك انت ووجهك ..

فيعني ياحبيبي .. اتعب على نفسك .. لاتترك تقديم .. لاتترك اي شي ولاتستنكر او تستصغر اي تقديم ..

تخيلوآ كلية التقنيه .. كنت اكرهها شخصيا واقول ان مالها فايده ومالها مستقبل ووو و .. والي خلقكم ..

تقريبا قدمت في 13 تقديم . انا من الشرقيه ..

تصدقون حتى قدمت في جدّه ؟ رغم كرهي للعيش فيها مع حبي لاهلها .. ؟؟

ماخليت مكان ولا كليه ولا جامعه بالرياض ؟؟

ونفس الكلام بالشرقيه ؟؟

وتعطّلت بعد الثنوي .. 7 شهور عجآآف . فعلا كانو عجآف .. لكن ربي .. سهّل علي .. وقبلتني 7 جهاات في ظرف 3 فقط ..؟؟دفعه واحده ..سبحان الله ..

والحمدلله متوظف وظيفه طيبه .. واحب يدّي ( واخشهآ ) ؟؟

عمومآ ماعليكم مني ِ انا ماني مقيآس .. يمكن الحظ حالفني !!

الفكره انك لاتستصغر شركه ولا كليه ولا قطاع الا ورح وقدّم ..وربك بيوفقك ان شالله ,,

مسألة .. انك تجيب معدل مثل وجهك الزين ! يازين .. وقاعد فالبيت .. وتقدّم لي في جامعه وحده وكليّة تقنيه وكلية المجتمع وترقد ..

تقول بيكلمون ؟؟

افرض مانقبلت بيكلمونك يعني ؟؟

طيب وتقعد متعطّل تحت رحمة يقبلونك ام لا ؟ يااخي العزيز .. اشتغل اي شي .. معقب بشركة او مؤسسة طقطق على قولتهم طق طق بس لين يجيك الفرج من كليه او جامعه ؟؟


وحسّن اخلاقك واقترب من ربّك .. فهو منجيك من كل كربه ,,


وان جينا عن توفير الدوله .. لوظائف و و ..

الدوله فيها خير الحمدلله .. ماهو مثل مايزعم بالبعض واحترم وجهات نظرهم صراحه ,,

نظرة البعض سوداوية بالنسبه للعطاله ,,

لكن خلنا واقعييّن .. الدوله مطاالبه جدا بتوفير الوظاائف لهؤلاء العطالى .. والا الفشل والملل والفراغ والمخدرات .. ستخدّر الشعب وستدفع بالكثير للانحراف .. سواء ارهاباا .. او تطرفا وغير ذلك ؟؟

فهل هذه سياسه ؟؟

: ) لن أبلبل .. فماخفي تحت الغلاف اعظم مما كتب على الغلاف ..

وقفه :

من اول من اخترع الزبده ؟؟


نعوٍد .


اطلنا بالحديث وليس بالحديث اطاله لأننا مهما اطلنا ستبقى المشكله عالقه وان بقيت المشكله عالقه فلن تتحرك عجلة الزماان الا بالفشل .. لأن فكرنا فاشل ..


الا من رحم ربي ..

واتمنى من المتسائلين عن احتجااجهم لعدم وجود مصانع ؟ وتحرك العقول النيره العامله المنتجه ؟

فلقد اجاب على نفسه .. فحاول مستقبلا ان تقِل الاسأله .. والا سنراك في جنات الفردوس ياعزيزي ,,

فصدقني ..


ليس بشعورن جميل ومريح .. عندما يكون نصف جسدِك ( مـُكيـّس ) بكيس اسود عليه علامة ( المملكه بعد مائه عام ) ..



ال سعود ماقصّروآ .. لكن البطانه الفاسده تلهف الخيراات ,,


ولا يأتينا الا رذاذ من مزون الامطار !!

لكن الخير موجود ..

ومن دوّر للخير وتعب عليه لقاه ..

ومن دوّر للشر .. جااه بدون تعب !!


فمن اول من اخترع الزبده ؟




اسف على الاطآله ..فالموضوع حسآس ,, وصداه وعدد الردود يحكي قبل ان احكي ,,

تحيّتـي لشخصك الكريم ,

وحرصك ..



تخبطـآآتِي