شعاع
يدخل الغرفة
بعد العصر
يطيح فوق هالكرسي
يزحف فوق سجادة
ويمكن يلمس وسادة
وساعة ما لمحته خاف
تقهقر
طاح مالكرسي
وركض قبل النهار يمسي
رجع للشمس كالعادة
يذكرني شعاع العصر
عيونك تلمس عيوني
في غفلة من عيون الناس
وتمدكفوفها الاحساس
وتاخذ قلبي من قلبي
وتضيق بصدري الأنفاس
ولما ينتبه واحد من الجلاس
بسرعه تركض النظرة
على السجاد والكرسي
أحس ان النهار يمسي
وتغيب الشمس كالعادة